YEHOSUA 10:13 - Embimbiliya - Bíblia Sagrada em Umbundu

¹³ Oco ekumbi lia talama, enda osãi ya talama, toke omanu va fetuluinya ovanyali vavo. Eci ka ca sonehelue hẽ velivulu lia Yasiare? Ekumbi lia talama vokati kilu. Ca soka ndeteke liosi ekumbi ka lia yayuileko oku iñila.

YEHOSUA 10:13 Iomraidhean Croise

II SAMUELE 1:18

Ocisungo caco ci kasi velivulu lia Yasare, kuenje Daviti wa tuma okuti ci longisiwa komanu va Yuda. Wa soneha hati,

II OLOSOMA 20:10

Hesekiya wa kumbulula hati, Ca leluka ulembo oku amako ekui liovilala. Hise ulembo u tiukile konyima ekui liovilala.

ESTER 8:13

Ukanda waco woluiya wa tumiwa kolofeka viosi, londaka yaco ya sapuiwa komanu vosi. Kuenje ca taviwa okuti eteke liaco va Yudea va mala oku liangiliya oku fetuluinya anyali vavo.

YOVI 9:7

O handeleka ekumbi kuenje ka li tundi, lolombungululu o vi yika.

OLOSAMO 148:3

U sivayi, ene akumbi losãi. U sivayi, vosi ene alombungululu viocinyi.

OLOSAMO 19:4

Haimo esapulo liao lia pitila kolofeka viosi, olondaka viao kesulilo lioluali luosi. Kokuao wa nyanyumuilako ombalaka yekumbi.

ISAYA 24:23

Oco osãi yi munihĩsua kuenda ekumbi li kutisiwa osõi; momo Yehova Ukualohoka o viala komunda ya Siono. Kuenje vo Yerusalãi lokovaso yakulu vaye o molẽhĩsa ulamba waye.

ISAYA 38:8

Eci ulembo wa amako ale kololosio yulembo ya Ahasi oco ndu tiuwisa ekũi kovilala. Kuenje ulembo wa tiukila konyima yoko wa pitile ale kololosio yulembo ekuĩ kovilala.

YOELI 2:10

Kovaso yavo ongongo yi luluma, lilu li lisenga. Ekumbi losãi vi tekãva, kuenda olombungululu vi liweka oku tua.

YOELI 2:31

Ekumbi li pongoloka owelema, losãi yi pongoloka osonde osimbu eteke linene lia Yehova, hailio li yokokisa, ka lieyile.

YOELI 3:15

Ekumbi losãi vi tekãva, kuenda olombungululu ka vi eci vali ocinyi.

HAVAKUKI 3:11

Ekumbi losãi via talama vocitumãlo cavio, momo via mõla okundelenga kuisongo viove eci via pita, via mõlavo aliangalianga okunina kuonjelia yove.

ATENDELO 21:14

Elivulu li Ovita via Yehova li tukula Arinone, liti, Tua pita vo Vaheve vo Sufa, lovolomuva via Arinone.

ATENDELO 31:2

Fetuluinya va Midiane. Va fetuluinyila eci va linga va Isareli. Oco noke wenda kolosekulu viove.

MATEO 24:29

Ndopo, kovaso yohali yoloneke viaco, ekumbi li vumbula, kuenje osai ka yeci owi wayo. Olombungululu vi loluka kilu, lovonene okilu a sengiwa.

MATEO 5:45

oco vu linge omãla va Isiene o kasi kilu, momo o tundasaila ekumbi liaye kolondingaiwa lo kolondingaĩvi; kuenje o lokasaila ombela vakuesunga la vakuevĩho.

LUKA 18:7

Suku hẽ, ka tetuluila lesunga vaye va noliwa, ava vo vilikaiya utanya luteke? O tutuvala ño-o oku va tetuluila lesunga?

OVILINGA 2:20

Ekumbi li pongoloka owelema, losãi yi pongoloka osonde, osimbu eteke lia Ñala ka lieyile, eteke liaye linene lieletuluko.

YEHOSUA 10:11

Eci va kala loku tila va Isareli, osimbu va kala kociloka ca Bete Horone, Yehova wa va lowila ovawe anene a tunda kilu, toke kAseka, kuenje va fa. Va fa lociwe ovo valua, va ipaiwa losipata ya va Isareli, va sule.

YEHOSUA 10:14

Ndaño konyima ndaño kovaso, ka kua la kala eteke ndeli, okuti Yehova wa yevelela kondaka yomunu. Momo Yehova wa yakelako va Isareli.

ESITULUILO 21:23

Vimbo liaco ka mu yongola ekumbi pamue osãi ndokuti vi tuilamo, momo ulamba wa Suku owo ocinyi calio, kuenda Kameme eye ondiyelo yalio.

ESITULUILO 6:10

Ovo va vilikiya lolukandi, vati, A Cime cetu, ove o kola, haive wukuacili. Eteke lipi o tetulula loku fetuluinyila osonde yetu kuava va tunga kilu lieve?

ESITULUILO 6:12

Eci a teya esitikilo liepandu nda vanja, kuenje kua pita ocilemawe ca lua. Ekumbi lia pongoloka oku tekava ndocikelei, losãi ya moleha ndosonde.

ESITULUILO 8:12

Ungelo wakuãla wa sika olumbeta luaye, kuenje ombandu yatatu yekumbi ya vetiwa, lombandu yatatu yosãi, lombandu yatatu yolombungululu, okuti ombandu yatatu yocinyi cavio ya vuvala, ombandu yatatu yutanya ka ya tuile, lowi haico.

LIOLONGANJI 16:28

Samisone wa vilikiya ku Yehova, hati, A Yehova Suku, hu pinga njivaluke, hu pinga ñolise onjanja eyi lika, a Suku, oco ndi fetuluinyile va Filisiti olumue ovaso ange avali.

LIOLONGANJI 5:2

Omo asongui va votoka oku songuila Isareli lomo omanu va kuatako lutima wosi, oco sivayi Yehova.