YEHOSUA 1:9 - Embimbiliya - Bíblia Sagrada em Umbundu

⁹ Sia ku handelekele hẽ, siti, Kolisako, kuata utõi? Ku ka saluke, ndaño oku yokoka, momo Yehova Suku yove o kasi kumue love kuosi wenda.

YEHOSUA 1:9 Iomraidhean Croise

EFETIKILO 28:15

Ocili, ame ñasi kumue love. Hu lava lava kuosi wenda, kuenje hu nena vali vofeka yilo. Si ku yanduluka toke nda linga eci nda likuminya love.

EFETIKILO 39:2

Yehova wa kala la Yosefe kuenje wa linga ukuesumũluho. Wa kala vonjo ya cime caye u Egito.

EFETIKILO 39:3

Cime caye wa limbuka okuti Yehova wa kala laye, kuenje cosi a linga, Yehova wa ci sumũluisila peka liaye.

II SAMUELE 13:28

Noke Aminone wa sanjuka luholua. Eci mopia lene siti, Ipayi Aminone, oco vu wipaya. Ko ka kuati usumba. Hameko hẽ ndo tumĩli? Kolisiko. Lingi olonõi.

I ASAPULO 28:20

Daviti wa popia lomolaye Salomone hati, Kolisako, kuata utõi, linga upange u. Ku ka kale lusumba, ku ka yokoke, momo Yehova Suku, haeye Suku yange, o kasi love. Eye ka ku tokoka, ndaño oku ku yanduluka, toke upange wosi wonjo ya Yehova u pua.

II ASAPULO 15:7

Ene puãi kolisiko, ovaka ene ka a ka lende momo upange wene u kuete onima.

OLOSAMO 46:7

Yehova Ukualohoka o kasi letu, Suku ya Yakoba eye ocikolo cetu.

ISAYA 41:10

Ku ka kuate ohele, momo ñasi love. Ku ka yokoke, momo ndi Suku yove! Ame hu kolisa, hu kuatisa; hu kuata leka liange liondio hailio liesunga.

ISAYA 43:1

A Yakoba! A Isareli! Ca popia Yehova u wa ku lulika haeye wa ku sovola, ceci, hati, Ku ka yokoke, momo nda ku yovola; nda ku tukula londuko, wa linga wange.

ISAYA 43:5

Ku ka kuate usumba, momo ñasi kumue love. Njupa ombuto yove kutundilo wekumbi kuenje hu ongoluila kutakelo wekumbi.

ISAYA 8:12

Ku ka tukule huti, Ongombo, ovina viosi via tukula omanu ava vati, Ongombo. Ku ka kuatele usumba cosi ovo va kuatela usumba, ndaño oku ci yokokela.

DANIELE 10:19

Kuenje wa popia hati, Olume wa soliwa calua, ku ka yokoke. Ombembua yi kale love, kolisako, oco kolisako! Eci a popia lame, nda kolisua, kuenje nda linga siti, A Ñala yange, va popie, momo wa ñolisa.

HAGAI 2:4

Haimo lumue, kolisako a Seruvavele. Oco ca popia Yehova. Lovevo, a Yehosua, omõla a Yehocedeke ocitunda, kolisako. Lene amanu vosi vakuafeka, kolisiko lenevo. Oco ca popia Yehova. Kuati kupange momo ame ñasi kumue lene. Oco ca popia Yehova Ukualohoka.

HAGAI 2:5

Ndeci nda lisila lene eci wa tundi ke Egito, haico lopo Espiritu liange liu tãiyĩlĩli. Ko ka kali lusumba.

OVILINGA 4:19

Petulu la Yoano puãi va va kumbulula vati, Nda esunga kovaso a Suku oku tava kokuene, okuti ku Suku hakoko, ci popi, ene muẽle.

ESINUMUĨLO 1:21

Tala, Yehova, Suku yene, wa kapa ofeka kovaso yene. Lamani, kuati, ndeci Yehova, Suku yolosekulu viene, o sapuili. Ko ka yokoki, ko ka lulumi.

ESINUMUĨLO 20:1

Eci wenda kovita oku yaka lovanyãli vove, kuenje o mõla otuvalu, lakãlu, lowiñi wasualali wa ku velapo, ku ka va yokokele. Momo Yehova, Suku yove, una wa ku upa vofeka ye Egito, eye o kasi love.

ESINUMUĨLO 31:23

Oco Yehova wa eca ocikundi ku Yehosua, omõla a Nune. Wa popia laye hati, Kolisako, kuata utõi. Momo ove wiñisa va Isareli vofeka nda likuminya oku va ĩha. Lame ñala love.

ESINUMUĨLO 31:28

Ngongoluili akulu vosi vapata ene, lasongui vene, okuti mopia lavo olondaka evi, kuenje mbilikiya ilu losi okuti vi linga olombangi vioku va pisa.

YEHOSUA 1:10

Oco Yehosua wa handeleka vakesongo komanu hati,

YEHOSUA 1:17

Ndomo tua pokola Mose kovina viosi, haico tu ku pokolavo ove. Cinene Yehova Suku yove a kale love, ndeci a kala la Mose.

YEHOSUA 1:18

Wosi o sinila ocihandeleko cove, kuenda ka pokola kolondaka viove viosi u handeleka, ipaiwa. Kolisako ño, kuata utõi.

YEHOSUA 10:25

Yehosua wa popia lavo, hati, Ko ka saluki, ndaño oku yokoka. Kolisiko, kuati utõi, momo eci oco Yehova a laika oku linga lovanyali vene vosi vu liyaka lavo.

YEHOSUA 10:8

Yehova wa popia la Yehosua, hati, Ku ka va yokokele, momo nda va eca povaka ove. Lomue pokati kavo o tamalala love.

YEHOSUA 3:7

Yehova wa popia la Yehosua hati, Etaili ndi fetika oku ku kemainyaila kovaso a Isareli yosi, oco va limbuke okuti ndeci nda kala la Mose, haico ñala love.

YEHOSUA 6:27

Oco Yehova wa kala kumue la Yehosua, kuenje oluhimo luaye lua yevala vofeka yosi.

YEHOSUA 8:1

Yehova wa popia la Yehosua, hati, Ku ka kuate usumba, ku ka yokoke. Kuenda lalume vosi vakuavita. Katuka, lamanela ko Hai. Tala, nda eca peka liove osoma ya Hai, lomanu vaye, limbo liaye, lofeka yaye.

LIOLONGANJI 6:14

Yehova wo pukukila, wa popia laye hati, Kuende longusu o kuete ndeti. Popela Isareli peka lia va Midiane. Hameko hẽ nda ku tuma?

I SAMUELE 10:7

Eci olondimbukiso viaco viu ku sanga oco ove o linga cosi ciya kokuove momo Suku o kasi love.