YEHOSUA 1:6 - Embimbiliya - Bíblia Sagrada em Umbundu

⁶ Kolisako, kuata utoi, momo ove o piñalisa omanu ava ofeka nda lisilile lolosekulu viavo oku va yiha.

YEHOSUA 1:6 Iomraidhean Croise

EFETIKILO 12:7

Yehova wa limõlehisa ku Avirama hati, Ame ngeca ofeka yilo kombuto yove. Oco Avirama wa tungapo utala apa Yehova a limõlehisa kokuaye.

EFETIKILO 26:3

Tumãla ño vofeka yilo, kuenje ñala love, hu sumũluisa. Kokuove lokombuto yove ngeca olofeka evi viosi. Ndi tẽlisa ohuminyo nda likuminya la so Avirahama,

II SAMUELE 10:12

Kolisako. Tu lingi ndalume oku kuatisa omanu vetu loku kuatisa ovaimbo a Suku yetu. Yehova a linge eci co sunguluka.

I OLOSOMA 2:2

Cilo nda wila vonjila yomanu vosi, oco kolisako, linga muẽle ndulume!

I ASAPULO 22:13

Oco o sumuluha nda o lingainga lutate ovihandeleko lovisila via Isareli vina Yehova a kundika Mose. Kolisako, kuata utõi! Ku ka kale lusumba, ku ka yokoke!

I ASAPULO 28:10

Oco kaliye yevelela. Momo Suku wa ku nola hu tungi onembele ongusu, ci linga.

I ASAPULO 28:20

Daviti wa popia lomolaye Salomone hati, Kolisako, kuata utõi, linga upange u. Ku ka kale lusumba, ku ka yokoke, momo Yehova Suku, haeye Suku yange, o kasi love. Eye ka ku tokoka, ndaño oku ku yanduluka, toke upange wosi wonjo ya Yehova u pua.

II ASAPULO 15:7

Ene puãi kolisiko, ovaka ene ka a ka lende momo upange wene u kuete onima.

II ASAPULO 20:11

tala ndomo va tu pandula loku iya oku tu tundisa vofeka yove yina wa tu ihile ndocipiñalo.

II ASAPULO 20:7

Haveko he, a Suku yetu, wa tundisa olonungi viofeka yilo kovaso omanu vove va Isareli? Kuenda kua yecele hẽ otembo ka yi pui kombuto yekamba liove Avirahama?

OLOSAMO 27:14

Imba ovaso ku Yehova. Kolisako. Utima wove u kuate utõi. Ocili, imba ovaso ku Yehova.

DANIELE 10:19

Kuenje wa popia hati, Olume wa soliwa calua, ku ka yokoke. Ombembua yi kale love, kolisako, oco kolisako! Eci a popia lame, nda kolisua, kuenje nda linga siti, A Ñala yange, va popie, momo wa ñolisa.

HAGAI 2:4

Haimo lumue, kolisako a Seruvavele. Oco ca popia Yehova. Lovevo, a Yehosua, omõla a Yehocedeke ocitunda, kolisako. Lene amanu vosi vakuafeka, kolisiko lenevo. Oco ca popia Yehova. Kuati kupange momo ame ñasi kumue lene. Oco ca popia Yehova Ukualohoka.

SAKARIYA 8:9

Ca popia Yehova Ukualohoka ceci, hati, Ene vu kasi loku yeva yeva oloneke vilo olondaka evi kovimẽla viovaprofeto, vu kasi loku vi yeva yeva muẽle tunde keteke ociseveto conjo ya Yehova Ukualohoka ca sevetiwa okuti onembele yi tungiwa,— Ene muẽle, ovaka ene a pame!

ATENDELO 26:53

Ava ofeka yi va tepelue ndomo mua soka olonduko viavo, ha yi lingi ocipiñalo cavo;

ATENDELO 33:53

Oco vu kuata ofeka loku tungamo, momo ndo wihi ofeka yaco ha yi lingi yene.

I VA KORINDO 16:13

Lavululi. Tuameli vetavo. Kuati utõi. Kolisiko.

VA EFESO 6:10

Oku sulila ndinga siti, Kolisiko vu Ñala kuenda longusu yunene waye.

ESINUMUĨLO 1:21

Tala, Yehova, Suku yene, wa kapa ofeka kovaso yene. Lamani, kuati, ndeci Yehova, Suku yolosekulu viene, o sapuili. Ko ka yokoki, ko ka lulumi.

ESINUMUĨLO 1:8

Tala, ofeka yeyi, ndi yeca kokuene. Iñili, kuati ofeka Yehova a lisila lolosekulu viene, Avirahama la Isake kuenda Yakoba, oku yeca kokuavo lokombuto yavo yi va kuãi.

ESINUMUĨLO 11:8

Oco, tẽlisi ocikundi eci cosi ñasi loku vu ci kundiki etaili. Ci tẽlisi okuti wu pama kuenje wiñili vofeka wu yokila oku kuata kuenje vu yi kuata.

ESINUMUĨLO 31:23

Oco Yehova wa eca ocikundi ku Yehosua, omõla a Nune. Wa popia laye hati, Kolisako, kuata utõi. Momo ove wiñisa va Isareli vofeka nda likuminya oku va ĩha. Lame ñala love.

II TIMOTEO 2:1

Oco ove amõlange, kolisiwa vocali ci kasi vu Kristu Yesu.

YEHOSUA 1:18

Wosi o sinila ocihandeleko cove, kuenda ka pokola kolondaka viove viosi u handeleka, ipaiwa. Kolisako ño, kuata utõi.

YEHOSUA 1:7

Kolisako ño, linga muẽle ukuotoi, linga lutate ndovihandeleko viosi ukuenje wange Mose a ku handelekele. Ku ka pambukile kondio pamue kepĩli, oco o sumuluhe kuosi wenda.

YEHOSUA 1:9

Sia ku handelekele hẽ, siti, Kolisako, kuata utõi? Ku ka saluke, ndaño oku yokoka, momo Yehova Suku yove o kasi kumue love kuosi wenda.

YEHOSUA 10:25

Yehosua wa popia lavo, hati, Ko ka saluki, ndaño oku yokoka. Kolisiko, kuati utõi, momo eci oco Yehova a laika oku linga lovanyali vene vosi vu liyaka lavo.

YEHOSUA 13:6

lolonungi viosi viokolomunda, tunde ko Levanone toke ko Misirefoti Mayimi, va Sitono vosi muẽle. Ame muẽle ndi va tundisa kovaso a va Isareli. Ove tepela ño va Isareli ofeka loku imba ocela, ha yi lingi ocipiñalo cavo, ndeci nda ku sapuila.

YEHOSUA 18:3

Yehosua wa popia la va Isareli, hati, Eteke li pi wimbipo eselula liene, ha wendi oku tambula ofeka, yina Yehova Suku yolosekulu viene a wĩhi?

YEHOSUA 21:43

Oco Yehova wa eca ku va Isareli ofeka yosi a lisilile oku yeca kolosekulu viavo. Yu va yi tambula kuenje va tungamo.

YEHOSUA 5:6

Momo va Isareli vosi va enda akui akuãla kanyamo vekalasoko, toke omanu vosi, alume vakuavita vana va tundile kEgito, va taka, momo ka va yevelele kondaka ya Yehova. Yehova wa lisinga lavo okuti ka va muisa ofeka yina Yehova a lisilile lolosekulu viavo oku tu yiha, haiyo ofeka yi tumoha asenjele lowiki.

I SAMUELE 4:9

Ene a va Filisiti, kolisiko, lingi alume, sanga vu linga apika va va Isareli ndeci ovo va lingile apika vene. Lingi alume. Kolisiko oku yaka.