TITO 3:3 - Embimbiliya - Bíblia Sagrada em Umbundu

³ Momo ale letuvo tua kaile aveke, tua sinile, tua kembiwile, tua kaile apika voloñeyi viñi viñi, lasanju aiñi aiñi. Tua kaile locipombo lonya. Tua suvukiwile lomanu, kuenje tua lisuvukaile pokati.

TITO 3:3 Iomraidhean Croise

EFETIKILO 38:9

Onane puãi wa ci kũliha okuti ombuto yaco ka yi lingi yaye, oco eteke a litokeka lukãi wa huvaye wa talamẽla posi okuti ka eci ombuto ku huvaye.

EFETIKILO 39:16

Ukãi wa kapa ocikutu caco ocipepi laye toke cime caye weya vonjo.

OLOSAMO 36:2

Momo o lipandiyila vutima, hati, Ekandu liange ka li kũlĩhisua okuti li suvukiwa.

OLOSAPO 8:5

Ene wa kambi olondunge, lilongisi olondunge. Lene waveke, yeveleli.

OLOSAPO 9:6

Tinduki kuveke ha vu kala lomuenyo. Endeli vonjila yolondunge.

ISAYA 44:20

O lialia etiko; umbinde wutima waye wo yapuisa, kuenje ka tẽla oku popela omuenyo waye ndaño oku popia hati, Peka liange liondio hẽ sia kuatele cimue cuhembi?

OVADIYA 1:3

Ove, ndaño wa tunga pokati kaleva ovawe, kuenda wa tumbika onjo yove kilu, loku likunda lutima, huti, Helie o ñupuila posi?— haimo epela liutima wove Ha ku liaña.

MATEO 21:29

Yu wa kumbulula hati, Si endi, puãi noke wa litiulamo kuenje wa enda.

LUKA 21:8

Eye wa va kumbulula, hati, Lunguki sanga vu lueyisua. Momo va lua veya londuko yange vati, Ame, kuenda vali vati, Eteke lieya. Ko ka va kuami.

YOANO 8:34

Yesu wa va kumbulula hati, Ocili, ocili, mopia lene siti, Wosi o linga ekandu eye upika wekandu.

VA ROMA 11:30

Ndeci ene wakualofeka, ale ka wa taveli ku Suku, puãi kaliye wa sangi ohenda mekonda liokusina kua va Isareli,

VA ROMA 6:12

Oco, ekandu ka li ka viale vatimba ene a fa fa ndokuti vu pokuisua lalio koloñeyi viao.

VA ROMA 6:17

Puãi, pandu pandu ku Suku, omo ene wa kaili apika vekandu, cilo haene vu pokola kovilongua ndeci wa likuminyi, lepokolo liene li tunda ocili kovitima.

VA ROMA 6:22

Puãi cilo, omo wa yovuiwi kekandu kuenje wa lingi apika va Suku, oco onima yene okukola, kuenje esulilo liakuo omuenyo ko pui.

VA ROMA 6:6

Tua kũlĩha okuti omunu wetu wale wa valeliwila kekulusu kumue laye oku nyõla etimba liekandu, okuti ka tu lingi vali apika vekandu,

II VA KORINDO 12:20

Momo ñasi lohele sanga eci njiya siu sangi ndeci ndu yonguili, kuenda ame kokuene si kala ndeci ene vu njonguila. Ñuetevo ohele sanga ku kala olonjaya, lonya, lovikumbiti, lolonepele, lolombonde, loku sokola, loku lenda kutima, lovama.

VA GALATIA 6:3

Momo omunu nda wa soka hati, Ame nda piãla, puãi ka piãlele, wa likemba eye muẽle.

VA KOLOSAI 1:21

Ene ale wa litepeli laye. Vovitima viene kuenda kovilinga viene via vĩha wa kaili ovanyali vaye.

VA KOLOSAI 3:7

Eci ovimuenyo viene via kaile lovituwa viaco wa endaendaili lavio.

II TIMOTEO 3:13

osimbu omanu vãvi lolohembi vamamako loku linga cĩvi haivo va kemba kemba loku kembiwa.

II TIMOTEO 3:6

Momo pokati kavo pali ava va liyombaika volonjo, kuenje va kuata akãi ka va lungukile, haivo va lemiwa lakandu, kuenje va kokiwa ño loloñeyi viñi viñi.

TITO 1:16

Va popia vati, Tua kũlĩha Suku, puãi vo likala lovilinga viavo. Omanu vaco vãvi enene, va sina sina, kuenje kovilinga viosi viwa ka va silivila, ndaño naito.

TITO 2:12

Ci tu longisa oku imbapo oku tomba Suku lovipango violuali, loku kala lesuluviko lesunga kuenda ovimuenyo vi kemalisa Suku voluali lulo,

TIAGO 1:26

Nda umue wa soka hati, Ndukuetavo, puãi ka kapi olelia kelimi liaye, kuenje o kembisa utima waye, etavo liomunu waco liesanda.

I PETULU 1:14

Kali ndomãla va pokola okuti, ka vu pangisui loloñeyi vĩvi ndeci wa kaili koloneke vionumbi yene.

ESITULUILO 12:9

Kuenje ocinyoha caco cinene ca takumuiwa, haico onyoha yosiahũlu, yina ya tukuiwa eliapu, haeye Satana, una endaenda oku kemba oluali luosi, haeye wa imbiwa kilu lieve, lovangelo vaye va imbiwa kumosi laye.

ESITULUILO 13:14

Kuenje, mekonda liolondimbukiso vina via cihiwa oku linga kovaso ocinyama catete, ci kembisa ava va tunga kilu lieve. Ci va pañinya okuti ocinyama catete cina ca kaile lepute liosipata puãi haimo ca kala lomuenyo, va ci tungila ociñumañuma.

ESITULUILO 18:2

Eye wa vilikiya lolukandi hati, Imbo linene lia fa! Imbo linene lia Bavulono lia fa! Lia linga imbo liolodemónio, hailio elungi liaspiritu osi ãvi, hailio elungi liolonjila viosi vĩvi via nyehuiwa.