TITO 2:2 - Embimbiliya - Bíblia Sagrada em Umbundu

² Lungula olosekulu okuti ka vi ka kolue, vi likandangiye, vi sunguluke, vi kolepo lekolelo locisola lepandi.

TITO 2:2 Iomraidhean Croise

YOVI 12:12

Olondunge vi kasi lakongo, lukũlĩhĩso wiya lokulua kuoloneke.

OLOSAMO 92:14

Vi imaima epako ndaño via kuka. Vi yuka ovava, vi talala,

OLOSAPO 16:31

Owele ocifuto culamba ca sangiwa vomuenyo wesunga.

ISAYA 65:20

Ka mu fi vali oñaña yi tẽla otuneke tumue ño, pamue ekongo ka lia tẽlẽle oloneke viaye; momo omõla o fa tupu o kuete ocita canyamo, kuenje u wa fa osimbu ka tẽlĩsile ocita canyamo o tendiwa ndu wa siñaliwa.

OVISILA 19:32

Votokela kovaso u o kuete owele, sumbila ocipala cekongo; sumbila Suku yove. Ame ndi Yehova.

MARKO 5:15

Veya ku Yesu, kuenje va tala u wa kuatiwile lovilũlu yu, wa tumala, wa wala, wa kaya, una wa kuatiwile lolohoka, kuenje va kala lusumba.

LUKA 8:35

Oco omanu va tunda vovaimbo, veya oku tala eci ca lingiwa. Veya ku Yesu, kuenje va sanga omunu wa tundisua ovilũlu, yu wa tumala kolomãi via Yesu, wa wala, wa kala vali lolondunge. Kuenje va kala lusumba.

OVILINGA 24:25

Kuenje eci a kala loku lombolola esunga, lesuluviko, kuenda ekanga li laika oku iya, oco Feliki wa yokoka, yu wa kumbulula hati, Kuende handi. Eci mola evelo hu tumila vali.

VA ROMA 12:3

Momo, locali ca nyihiwa, ndu lunguli omunu omunu, siti, Ko ka lisokololi ene muẽle loku lituna ka kua sungulukile, puãi omunu omunu a likũlĩhise lolondunge vi tunda kekolelo Suku a wiha.

I VA KORINDO 15:34

Pasuki. Kuati olondunge viesunga. Ko ka lingi vali akandu. Momo vamue ka va kũlĩhile Suku. Ndi ci popela oku u kutisi osõi.

I VA KORINDO 9:25

Wosi iñila kolomapalo vioku litunda o lipokuisa kovina viosi. Ovo va ci lingila oku tambula ekolowa li nyõleha, etu puãi, oku tambula eli ka li nyõleha.

II VA KORINDO 5:13

Momo nda tua linga ayui, tua ci lingila Suku, nda tua linga vakualondunge tuo ci lingili ene.

VA GALATIA 5:23

umbombe, esuluviko; ka kuli ocihandeleko ci patãla ovina evi.

VA FILIPOI 4:8

Oku sulila akuetu, mopia siti, cosi cocili, cosi ca sumbiwa, cosi cesunga, cosi ca pua evĩho, cosi ca posoka, cosi ci sivayaiwa, nda kuli esunga, kuenda nda kuli eci ci sesamela oku sivayiwa, sokololi ovina evi.

I VA TESALONIKE 5:6

Oco, ka tu ka pekeli ndavakuavo, puãi tu lavululi loku lisuluvika kuholua.

I VA TESALONIKE 5:8

Puãi omo etu tuakuotanya, oco tu lisuluviki kokunyua. Tu wali ociyepelo coponete cekolelo locisola. Tu walivo elavoko lieyovo ndongalau.

I TIMOTEO 1:10

la vakuokahonga, kuenda alume va lala lalume, la vakuakukuata omanu, lolohembi, la vakuakuimba uvangi hawociliko, kuenda cosi cikuavo ci nyõla ovilongua viocili

I TIMOTEO 1:14

Oco ocali ca Ñala yetu ca supokaila, kuenje ca nyiha ekolelo lioku Kristu Yesu locisola coku u sola.

I TIMOTEO 1:2

ndi sonehela Timoteo omolãnge wocili vekolelo. Ocali lohenda kuenda ombembua ya tunda ku Suku Isia kuenda ku Kristu Yesu Ñala yetu yi kale love.

I TIMOTEO 1:5

Etu puãi, ocimãho cocikundi cetu ocisola ci tunda kutima u yela haiwo wa sunguluka, kuenda kekolelo halioku luvikiyako.

I TIMOTEO 3:11

Akãi lavovo, va linge vakuotate, ka va ka endise olombonde, ka va ka nyue, va kolelue lovina viosi.

I TIMOTEO 3:2

Evi via sesamela u o linga osungu yekongelo, vievi: A pue eko, a linge ulume wukãi umuamue, a lipokuise, a lisuluvike, a linge ukuotate, a sole akombe, a loñolõhe oku longisa,

I TIMOTEO 3:4

a songuile ciwa onjo yaye, a pokuise omãla vaye loku va longisa esumbilo.

I TIMOTEO 3:8

Oloñuatisi viekongelo laviovo vi kale omanu vakuotate, ka vi ka kale lalimi avali, ka vi ka nyue ovinyu via lua, ka vi ka sokolole enene ofeto.

I TIMOTEO 5:1

Ukulu wendamba ku ko vete evelo lukãlu, puãi u lungula nda so. Lungulavo ikuenjepombo nda vamanjove.

TITO 1:13

Uvangi u wocili. Oco, va veta evelo lia piãla okuti va kuata etavo liocili,

TITO 1:8

A kale puãi omunu o sanjukila akombe, haeye o sole esunga, kuenda o tẽla oku lipokuisa eye muẽle. A kale omunu wa sunguluka, haeye o kola, kuenje o tava oku lihandeleka.

TITO 2:7

Ove muẽle, kovina viosi, ecaeca ongangu yovilinga viwa. Pokulongisa kuove lilekisa okuti wulongisi wocili, haive wa litumbika ocili.

FILEMONE 1:9

haimo, omo tua kolela ocisola, oco nda nolapo oku ku livondela. Ame ndi Paulu, haime ndikongo, haime nda linga omandekua ya Kristu Yesu,

I PETULU 1:13

Oco, pamisi ovitima viene. Lisuluviki. Elavoko liene li loñe lika kocali ciya kokuene eci Yesu Kristu a tukuluka.

I PETULU 4:7

Esulilo liovina viosi vi kasi ocipepi. Oco lunguki. Feleveli lolohutililo.

I PETULU 5:8

Lunguki. Lavululi. Unyali wene eliapu o ñuala ñuala ndohosi yi koma oku sandiliya u a lia.

II PETULU 1:6

kukũlĩhiso esuluviko, kesuluviko epandi, kepandi esumbilo lioku sumbila Suku.