TITO 1:6 - Embimbiliya - Bíblia Sagrada em Umbundu

⁶ O nola alume va pua eko, haivo vakuokãi umosi. Omãla vavo lavovo te va linga vakuetavo, kuenje ka va vanguiwa okuti vakuavimuenyo viombuanja pamue vakuahuku.

TITO 1:6 Iomraidhean Croise

EFETIKILO 18:19

Hacoko, si uhi, momo ndo nola ale okuti o handeleka omãla vaye la vakuepata liaye vo kuãi, ha va endela vonjila ya Yehova poku linga esunga locili, ndokuti Yehova o lemulũla ku Avirahama eci a lisila laye.

OLOSAPO 28:7

U o lava ovihandeleko eye omõla ukualondunge, lu o livandeka lovilianu o kutisa isiaye osõi.

ESEKIELE 44:22

Ka va likuela locimbumba ndaño lukãi wa nyalĩwa, puãi va likuela lufeko we lipua haeye ukuepata lia Isareli, pamue locimbumba nda ocimbumba cocitunda.

OVISILA 21:14

Ukãi ocimbumba, ndaño u wa nyaliwa, pamue ukãi wa sepuka haeye okahonga ka ka va kuele; puãi a kuele ufeko wosombo ukuepata liavo.

OVISILA 21:7

Ka va ka kuele ukai okahonga, pamue yu wa sepula; ndaño ukãi wa nyaliwa la veyaye ka va ko kuele; omo eye ocitunda o kola ku Suku yaye.

MALAKIYA 2:15

Ha Suku yimosiko wa tu sovola? Wa tu sovuila nye? Ka tu sovuilile hẽ oku amisa epata liaye li kola? Ka yongola hẽ okuti ku kala omãla va tuwa evi via Suku? Oco lunguki litima viene. Lomue ka ka lingile usuanji ukãi waye wombutulua poku enda kukãi ukuavo.

LUKA 1:5

Koloneke via Herode, Soma yo ko Yudea, kua kala ocitunda, onduko yaco Sakariya, haeye ukuacipo ca Aviya. Ukãi waye ukuepata lia Arone, onduko yaye Elisavete.

VA EFESO 5:18

Ko ka kolui lovinyu, momo oco ci koka oku nyõleha, puãi yuki Espiritu.

I VA TESALONIKE 5:14

Tu vu vetiya, a vamanji, tuti, Lunguli vakuemande. Kolisi ava va leñela. Kuatisi ava ka va kuete ongusu. Pandikisi la vosi.

I TIMOTEO 1:9

Tua sesamela oku limbuka okuti ovihandeleko ka via sovuiluile vakuesunga, te vakuakutomba ovihandeleko, kuenda vakuemande, la vakuakutomba ovina vi kola, la vakuakandu, lava havakua Sukuko, kuenda vakuakutomba Suku, la vakuakuipa vaisiavo, lava va ipa vainavo, lolomondi,

I TIMOTEO 3:12

Oloñuatisi viekongelo vi linge alume vukãi umuamue, loku songuila ciwa omãla vavo lolonjo viavo.

TITO 1:10

Momo kuli vakuemande va lua, haivo amamõhe lolondimbiki, ca piãla enene pokati ka vakuevamba.

I SAMUELE 2:11

Oco Elikana wa tiukila ko Rama. Kuenje omõlaco wa vumba vumba Yehova kovaso a Eli ocitunda.

I SAMUELE 2:22

Cilo Eli wa kuka ca lua. Wa yeva ndomo omãla vaye valume va kala loku linga vofeka yosi ya Isareli. Wa yeva ndomo va pekaila lakãi va vumba vumba kuvelo wombalaka yoku ñualehela la Suku.