TITO 1:3 - Embimbiliya - Bíblia Sagrada em Umbundu

³ Kotembo yaye ya sokiyiwa wa situlula ondaka yaye. Oku sapula ondaka yaco oco ocikundi ca nyihiwa la Suku Upopeli wetu.

TITO 1:3 Iomraidhean Croise

ISAYA 12:2

Tala, Suku eye eyovo liange. Ñolela kuenje si kuata usumba momo Suku Yehova eye ongusu yange, haeye ocisungo cange kuenje wa linga eyovo liange.

ISAYA 45:15

Ocili, Suku yove o lisalamisa, Suku ya Isareli eye Upopeli.

ISAYA 45:21

Sapuli ondaka yene, yi lombololi, oco muẽle, va ci vangule pokati. Helie wa ci sapuile ale osimbu? Helie wa ci lomboluile ale kosiahũlu? Sia ci lingile hẽ, ame ndi Yehova? Kuenje ka ku li Suku yikuavo, te ame, Ame ndi Suku yesunga, haime ndupopeli; ka ku li yikuavo, te ame.

DANIELE 11:27

Olosoma viaco vivali vi kala lutima woku linga cĩvi, kuenda va vanguila uhembi komesa yimuamue. Puãi ka ci silivila cimue, momo esulilo liya kotembo ya tukuiwa.

DANIELE 8:23

Kesulilo liusoma wavo, eci vakuakandu va suapo, oco ku katuka osoma yimue ukuemande haeye ukualumbu.

DANIELE 9:24

Akũi epanduvali kolosemana vianyamo via tukuiwila epata liove kuenda imbo liove li kola, oku sulisa evĩho loku imũla akandu; oku tuvika ohole loku nena esunga ka li pui; oku yika ocinjonde kuenda ocitumasuku loku waveka U o kola koku kola.

HAVAKUKI 2:3

Momo ocitumasuku eci ci kuete muẽle otembo yaco. Ci yayula oku lingiwa. Ka ci kembi. Ndaño ci tutuvala, ove o ci talamẽla. Ciya muẽle, ka ci cilua.

MARKO 1:15

hati, Kaliye otembo ya tẽlisua, usoma wa Suku u kasi ocipepi. Likekembeli akandu ene. Tavi kondaka yiwa.

MARKO 13:10

Puãi ka ci lingiwa te ondaka yiwa yi kundiwila olofeka viosi.

MARKO 16:15

Kuenje wa popia lavo hati, Kuendi kuosi kilu lieve. Kundi ondaka yiwa koviluvo viosi.

LUKA 1:47

lespiritu liange li nyamuila Suku, upopeli wange,

OVILINGA 10:36

Wa kũlĩhi ondaka Suku a tuma ku va Isareli, ndomo a kundika Yesu Kristu, haeye Ñala ya vosi, oku kunda ondaka yiwa yombembua.

OVILINGA 17:26

Oku fetika lomunu umuamue wa sovola apata osi omanu va tunga kilu lieve, kuenje wa va tukuila ovovo lolongave violofeka viavo.

VA ROMA 15:19

lunene wovilimbu, lovikomo, lunene we Espiritu Sandu, Kristu a talavaya lavio viosi, okuti tunde ko Yerusalãi, ñuale-e toke ki Iliriku, nda sapula cosi condaka yiwa ya Kristu.

VA ROMA 16:25

Kaliye, ku o tẽla oku u kolisi ndondaka yiwa ñunda ñunda haiyo Yesu Kristu a nena, ndesituluilo lielumbu lia sitikiwile tunde ka ku ci,

VA ROMA 16:26

yu cilo lia situluka, kuenje, lia sapuiwa lovisonehua viovaprofeto ndocihandeleko ca Suku ka pui kolofeka viosi ha va pokola ketavo, okuti,

VA ROMA 5:6

Momo, eci ka tua kaile longusu, otembo yaco haiyo, Kristu a fila vakuakandu.

I VA KORINDO 9:17

Nda ndi ci linga ocipango cange sanga ofeto. Puãi, nda hacipango cangeko, ca lomboloka okuti ukalei waco wa ñundikiwa.

VA GALATIA 4:4

Eci otembo ya tẽla oco Suku wa tuma Omõlaye wa citiwa lukãi, haeye wa citiwa kotembo yovihandeleko.

VA EFESO 1:10

Ocipango caco caye ceci, Wa panga okuti, eci otembo yaco yiya, oco ovina viosi, okuti evi viokilu levi vioposi, vi kongeliwa kuenje vi lingiwa vu Kristu.

VA EFESO 2:17

Oco weya, kuenje wo kundili vosi ondaka yombembua, ndaño ene wa kaili kupãla, ndaño ene wa kaili ocipepi.

VA FILIPOI 1:13

Cilo, akuenje velombe vosi la vakuavo vosi va kũlĩha okuti nda yikiwila Kristu.

VA KOLOSAI 1:23

Okuinalisa kuaco kuiya nda vu pandikisa vekolelo, okuti vu sevetiwa cocili loku pama, kuenje ka vu tundi kelavoko li kasi vondaka yiwa, yina wa yevi, haiyo ya kundiwila omanu vosi voluali. Lamevo ndi Paulu ñasi loku yi kunda kunda.

VA KOLOSAI 1:6

Ondaka yaco ya pitila ko kuene. Oku popia ocili yi kasi loku ima epako loku amamako oku kula voluali luosi. Yi kasi loku imavo epako loku amamakovo pokati kene, tunde keteke wa yevi ocili condaka yocali ca Suku kuenje yo lomboloki.

I VA TESALONIKE 2:4

Puãi, ndeci tua hanguiwa la Suku, omo a tu kundika oku longisa ondaka yiwa, haico tu vangula, haku sanjuisako omanu, puãi oku sanjuisa Suku u o setaeka ovitima vietu.

I TIMOTEO 1:1

Ame ndi Paulu, haime ndupostolo wa Kristu Yesu, momo oco ca handelekiwa la Suku Upopeli wetu kuenda Kristu Yesu elavoko lietu,

I TIMOTEO 1:11

via tunda kondaka yiwa yulamba wa Suku yesumũlũho. Ondaka yaco oyo ya ñundikiwa.

I TIMOTEO 2:3

Oco ciwa, haico ca sunguluka ku Suku Upopeli wetu,

I TIMOTEO 4:10

Momo oco ocimãho tua loña, haico tu yakela, momo elavoko lietu li kasi ku Suku o kasi lomuenyo. Eye Upopeli womanu vosi, puãi, ca piãla, wava va kolela.

II TIMOTEO 4:17

Puãi Ñala, eye wa ñaila onyima, haeye wa nyiha ongusu yoku kunda ondaka okuti vakualofeka vosi va yi yeva. Oco nda popelua vomẽla wohosi.

TITO 2:10

Ka va ka yombolole, puãi va linge vakuacili, okuti kovina viosi va imbila ondaka ya Suku Upopeli wetu uvangi wocili.

TITO 2:13

osimbu tu talamela elavoko liesumũlũho, hailio etukuluko liulamba wa Suku Tõlo kuenda Upopeli wetu Yesu Kristu.

ESITULUILO 14:16

Oco, u wa tumala kelende wa imba omila yaye kilu lieve, kuenje ilu lieve lionguiwa.