TITO 1:16 - Embimbiliya - Bíblia Sagrada em Umbundu

¹⁶ Va popia vati, Tua kũlĩha Suku, puãi vo likala lovilinga viavo. Omanu vaco vãvi enene, va sina sina, kuenje kovilinga viosi viwa ka va silivila, ndaño naito.

TITO 1:16 Iomraidhean Croise

YOVI 15:16

oco hẽ, siti ca piãla enene omunu ukuombondo, haeye wa vĩha omo a nyua nyua evĩho ndovava.

OLOSAPO 30:12

Kuli vamue va lisimila, vati, Tua yela.— Puãi kumbondo wavo ka va yelisuile.

ISAYA 29:13

Oco Yehova wa linga hati, Omo omanu ava vamẽla kokuange lovimẽla viavo loku sivaya lupopi wavo, osimbu ovitima viavo va vi amisa ocipãla lame, kuenje esumbilo liavo lioku sumbila lia tunda kocihandeleko comanu va ci patekela,

ISAYA 48:1

Anjo ya Yakoba, yevelela. Ene wa tukuiwi londuko ya Isareli, kuenda wa tundi kocikoti ca Yuda; haene vu lisinga londuko ya Yehova, loku tukula Suku ya Isareli, puãi halociliko, pamue lesunga.

ISAYA 58:2

Haimo va sanda eteke keteke olo viosi, kuenje va sole oku kũlĩha olonjila viange. Va linga ndofeka yi lingainga esunga, yu ka ya sinĩlĩle ovihandeleko via Suku yavo. Va mũla mũla olonimbu viesunga, va sole oku ama ku Suku.

ISAYA 59:13

Oku sina tua likala Yehova, koku kuama Suku yetu tua tundako. Oku lundila tua popia usuanji. Tua popia olondaka viuhembi evi tua sovola vutima.

YEREMIYA 12:2

Ove wa va tuika, kuenje va kuatelela, va yova, yu va ima epako. Oku ku tukula lomẽla va ku tukola, puãi ovitima viavo vi kasi ocipãla love.

YEREMIYA 5:2

Ndaño va popia vati, Ndomo Yehova a kasi lomuenyo, haimo va lisila luhembi.

YEREMIYA 6:30

Va tukuiwa ovaña opalata omo Yehova wa va inasi.

ESEKIELE 33:31

Oco veya kokuove ndomanu va tuwa oku iya ale, va tumãla kovaso ove ndomanu vange, va yevelela eci o popia, puãi ka va tava oku ci linga, momo va lekisa ocisola calua lovimẽla viavo, ovitima viavo puãi vi lunga kocipululu.

ATENDELO 24:16

Ocinjoinjoi ceya kukuakuyeva olondaka via Suku, haeye wa kulĩha ovilongua via Tõlo, kuenje o muĩla muĩla ale kotulo Ukuonenewosi, ovinjoinjoi vi tunda ku Ukuonenewosi.

VA ROMA 1:28

Kuenje, omo ka va tavele oku kũlĩha Suku, oco Suku wa va eca kutima wuveke, kuenda koku linga umbondo.

VA EFESO 5:6

Lomue ka ka vu liañe lolondaka viesanda, omo ovina ndovio ovio vi koka onyeño ya Suku yi wila omãla vakuesino.

I TIMOTEO 1:9

Tua sesamela oku limbuka okuti ovihandeleko ka via sovuiluile vakuesunga, te vakuakutomba ovihandeleko, kuenda vakuemande, la vakuakutomba ovina vi kola, la vakuakandu, lava havakua Sukuko, kuenda vakuakutomba Suku, la vakuakuipa vaisiavo, lava va ipa vainavo, lolomondi,

I TIMOTEO 5:8

Umue nda ka kuatisa vangandiaye, ca piãla vakuanjo yaye, ca lomboloka okuti wa likala etavo liaye, kuenje u ka tavele wo velapo.

II TIMOTEO 3:17

okuti omunu wa Suku o loñoloha, haeye angiliyiwila ovopange osi awa.

TITO 3:1

Ivaluisa omanu okuti va sumbila olombiali lolosoma, loku vi pokola, loku kala lutima woku linga upange wosi ño uwa.

TITO 3:3

Momo ale letuvo tua kaile aveke, tua sinile, tua kembiwile, tua kaile apika voloñeyi viñi viñi, lasanju aiñi aiñi. Tua kaile locipombo lonya. Tua suvukiwile lomanu, kuenje tua lisuvukaile pokati.

I YOANO 2:4

U o popia hati, Ndu wi, puãi ka pokola kovihandeleko viaye, ohembi, kuenda vutima waye Ocili ka cimo.

YUDA 1:4

Momo omanu vamue va iñila ño vekongelo latutu. Episo liavo lia va sokiyiwila ale osimbu. Omanu vaco vakuakutomba Suku, haivo va pengisa ocali ca Suku yetu okuti ca va iha evelo lioku lingainga upuepue, kuenje va likala Yesu Kristu, eye lika Cime cetu, haeye Ñala yetu.

ESITULUILO 21:27

Lacimue ca vĩha ci iñilamo, ndaño yu o lingainga lãvi pamue uhembi, te ava va sonehiwa velivulu liomuenyo lia Kameme.

ESITULUILO 21:8

Puãi vakuosumba, la vakualomata, la vakuevĩho, kuenda vakuakuponda, la vakuokahonga, la vakuakutaha, kuenda vakuaviteka, lolohembi viosi, vosi yavo va kuete ocikepa cavo vociva ci taima londalu lofuofuo. Ociva condalu oco okufa kuavali.

I SAMUELE 15:22

Samuele yu wa kumbulula hati, Yehova nga o sanjukila ovilumba vioku yoka levi vioku pia elisi ndeci a sanjukila oku pokola kondaka ya Yehova? Tala, okupokola kua velapo, okulumba ku sule. Okuyevelela kua velapo, ulela wolomeme u sule.

I SAMUELE 15:24

Oco Saulu wa popia la Samuele hati, Nda linga akandu omo nda lueya ocihandeleko ca Yehova lolondaka viove, lomo nda kuatela omanu usumba loku tava kondaka yavo.