TITO 1:10 - Embimbiliya - Bíblia Sagrada em Umbundu

¹⁰ Momo kuli vakuemande va lua, haivo amamõhe lolondimbiki, ca piãla enene pokati ka vakuevamba.

TITO 1:10 Iomraidhean Croise

MATEO 23:14

Ene a vakuavisonehua, ngongo yene, lene a va Fariseo, haene wakuambambe, ngongo yene, momo vu lia lia olonjo viovimbumba, loku ci pipiya vu likutalaila ovilañela, oco vu pisiwa ca piãla.

OVILINGA 11:2

Oco, eci Petulu a lamanela ko Yerusalãi, vakuevamba vo vela,

OVILINGA 15:1

Puãi vamue va tunda ko Yudea veya ka Antiokea yu va longisa oloñame viaco, vati, Ka vu tẽla oku popeliwa, te wa seviwi evamba ndocihõlo ca Mose.

OVILINGA 15:24

Tua yeva okuti vamue va tunda kulo, puãi ka va tumiwile letu, veya kokuene, kuenje vo tatamisi lolondaka loku vu tokotisa vovitima.

OVILINGA 20:29

Ndi ci okuti, eci nunda, olombinji via tema viñila pokati kene, kuenje ka vi kuatela ohenda ocunda.

VA GALATIA 2:4

Ocili, kua kala vakuetu vamue vakuesanda va liyombekelamo oku lavulula okupanduluka tu kuete vu Kristu Yesu. Ovo va seteka oku tu lingisa vali apika.

VA GALATIA 3:1

Ene a va Galatia, waveke. Helie wo lianguli? Yesu Kristu, u wa valeliwa kekulusu ka lekisiwile hẽ kokuene kovaso omanu vosi?

VA EFESO 4:14

Oco ka tu lingi vali omãla va punguaiwa lolofela viosi viokulongisa lokulunguka kuomanu, latutu avo oku wengula esanda.

I TIMOTEO 1:4

pamue oku sakalala lolosapo loku sinumula ovikoti viapata ka vi kuete esulilo. Momo ovina ndevi vi koka lika olonamalala, ka vi koki okupindisua ku kola ku kasi vekolelo.

I TIMOTEO 1:6

Vamue va sia ovina evi, kuenje va yapukila koku popia ovina viaño.

I TIMOTEO 1:9

Tua sesamela oku limbuka okuti ovihandeleko ka via sovuiluile vakuesunga, te vakuakutomba ovihandeleko, kuenda vakuemande, la vakuakutomba ovina vi kola, la vakuakandu, lava havakua Sukuko, kuenda vakuakutomba Suku, la vakuakuipa vaisiavo, lava va ipa vainavo, lolomondi,

II TIMOTEO 3:13

osimbu omanu vãvi lolohembi vamamako loku linga cĩvi haivo va kemba kemba loku kembiwa.

II TIMOTEO 4:4

kuenje vopa ovatui koku yevelela ovina viocili ha va yapukila kolosapo viaño.

TITO 1:6

O nola alume va pua eko, haivo vakuokãi umosi. Omãla vavo lavovo te va linga vakuetavo, kuenje ka va vanguiwa okuti vakuavimuenyo viombuanja pamue vakuahuku.

TIAGO 1:26

Nda umue wa soka hati, Ndukuetavo, puãi ka kapi olelia kelimi liaye, kuenje o kembisa utima waye, etavo liomunu waco liesanda.

I YOANO 2:18

Amãla, vilo ovio oloneke viefulilo. Ndeci wa yevi okuti antikristu iya, haico ci kasi, kuenje va antikristu va lua veya ale. Oco tua limbuka okuti vilo ovio oloneke viefulilo.

I YOANO 2:4

U o popia hati, Ndu wi, puãi ka pokola kovihandeleko viaye, ohembi, kuenda vutima waye Ocili ka cimo.

I YOANO 4:1

A vakuacisola, ko ka tavi kaspiritu osi, puãi seteki aspiritu nda a Suku nda ndati. Momo ovaprofeto vesanda va lua va sandukila voluali.

ESITULUILO 2:14

Puãi ñuete love olondaka vimue viokuti, o kasi lava va kolela ovilongua via Balama, una wa longisa Balaka oku kapela omãla va Isareli ocilondokua okuti, va lia kovina via lumbiwa koviteka, loku linga ukahonga.

ESITULUILO 2:6

Haimo cimosi hu panduila ceci okuti, wa suvuka ovilinga via va Nikolau, haivio nda suvukavo.