SOFONIYA 3:4 - Embimbiliya - Bíblia Sagrada em Umbundu

⁴ Ovaprofeto valio vakueyuala, haivo va kamba esunguluko. Ovitunda vialio vi lavaisa evi vi kola; vi pengaisa ovihandeleko.

SOFONIYA 3:4 Iomraidhean Croise

ISAYA 9:15

Sekulu wa kemãla eye utue waco; uprofeto o longisa uhembi eye ucĩla

YEREMIYA 23:32

Namãlãla muẽle lava va sapola olonjoi viuhembi, kuenje va kembisa omanu vange luhembi wavo letutu liavo liesanda, osimbu hameko nda va tuma, hameko nda va ĩha ocikundi caco. Oco ca popia Yehova. Oco ka va kuatisa omanu ava ndaño naito. Oco ca popia Yehova.

YEREMIYA 34:19

Ava va ci linga vava okuti, olombuale via Yuda, lolombuale via Yerusalãi, kuenda akuenje velombe, lovitunda, lomanu vosi vofeka. Ovo muẽle va pita pokati kolonepa vionãle.

YEREMIYA 5:31

Ovaprofeto va imbaimba owanji wuhembi, kuenda ovitunda vi vialela kowanji wavo. Kuenje omanu vange oco va sole. Oco hẽ, kesulilo vu linga ndati?

YEREMIYA 8:10

Oco ngeca akãi vavo ku vaiñi, ovapia avo kuava va a kuata; momo vosi, tunde kuava vanene toke kuava vatito, vosi va kuãi ocipululu. Tunde kuprofeto toke kocitunda vosi va kemba kemba.

ASIÕSUILO 2:14

Ovaprofeto vene vo muĩli ovinjoinjoi viuhembi, haivio viesanda. Ka vo lomboluilili okupenga kuene, hã ho sumulũhi vali. Vo lomboluili puãi ovitumasuku viuhembi viu pengisi.

ESEKIELE 22:26

Ovitunda viayo via nyõla ovihandeleko viange, via sepuisa ovina viange vi kola, ka via tepisile evi vi kola levi viaño. Ka via longisile oku tepisa pokati keci ca liña leci ca yela. Via pembula asambata ange kuenje nda sepuisua pokati kavio.

ESEKIELE 22:6

Ota, olosoma via Isareli vina vi kasi vokati kove, osoma ndongusu yayo, osoma ndongusu yayo, via livela lika oku pesela osonde.

ESEKIELE 44:23

Va longisa omanu vange oku tepisa pokati keci ci kola leci caño, loku va lekisa ndomo va tẽla oku tepisa pokati keci ca liña leci ca yela.

HOSEA 9:7

Oloneke vieyambulo vieya. Oloneke viefetuluinyo via pitila. Isareli o ci kũlĩha. Mekonda liolohole viene via lua lesuvu liene lialuavo, oco, kokuene uprofeto eveke, lu wa kolela esunga liovutima eyui.

MIKA 2:11

Nda umue wa ñuala ñuala oku kunda olondaka viesanda luhembi hati, Ndu kundili olondaka viovinyu levi vi koluisa,— eye nda wa sesamela oku linga uprofeto womanu ava!

MIKA 3:11

Akulu vaco va tetuluila olondaka lovitukiko. Ovitunda viaco vi longisila ofeto. Ovaprofeto vaco va piluila olombongo, haimo va kunamẽla ku Yehova, kuenda vati, Yehova hẽ, ka kasi pokati ketu? Oco lacimue cĩvi ciya kokuetu.

MALAKIYA 1:6

Omõla o sumbila so yaye, haico ukuenje cime caye. Oco, nda ndinjali esumbilo liaco li kasi pi? Nda ndicime usumba va ñuetele u kasi pi? Oco Yehova Ukualohoka a popia lene, avitunda, haene wa pembuli onduko yange. Ene wu pula hoti, Tua pembula ndati onduko yove?

MALAKIYA 2:7

Momo vomela wocitunda mua sesamẽla okutata ukũlĩhĩso. Omanu va sesamẽla oku sanda ocihandeleko cange ci tunda vomẽla waye, momo eye omunga ya Yehova Ukualohoka.

MALAKIYA 2:8

Ene puãi wa pambuki vonjila. Wa tatamisi va lua lokulongisa kuene, kuenje ocihandeleko ca va lingila ocilondokua. Wa liweki oku tata ocisila ca Lewi. Oco ca popia Yehova Ukualohoka.

MATEO 7:15

Lunguki lovaprofeto vesanda, vana veya kokuene luwalo wolomeme, puãi vokati kavo va linga ovimbungu vi kukulula.

II VA KORINDO 11:13

Momo omanu ndovo ovapostolo vesanda, haivo olondingupange vie yuka elimbi, kuenje va liluvikiya ndovapostolo va Kristu.

I YOANO 4:1

A vakuacisola, ko ka tavi kaspiritu osi, puãi seteki aspiritu nda a Suku nda ndati. Momo ovaprofeto vesanda va lua va sandukila voluali.

ESITULUILO 19:20

Kuenje ocinyama ca kuatiwa kumue luprofeto wesanda, una wa lingila ovilimbu kovaso aco, evi a kembisa lavio ava va kapiwa ondimbukiso yocinyama, haivo va fendela ociñumañuma caco. Kavali kavo va imbiwa lomuenyo vociva condalu ci taima lofuofuo.

LIOLONGANJI 9:4

Va wiha akuĩ epanduvali kolosiekele viopalata vopa vonjo ya Baale Beriti. Avimeleke wa fetela lavio alume vakuesanda, va palõha, haivo vo kuama.

I SAMUELE 2:22

Cilo Eli wa kuka ca lua. Wa yeva ndomo omãla vaye valume va kala loku linga vofeka yosi ya Isareli. Wa yeva ndomo va pekaila lakãi va vumba vumba kuvelo wombalaka yoku ñualehela la Suku.