SOFONIYA 3:2 - Embimbiliya - Bíblia Sagrada em Umbundu

² Layimue ondaka li yevelela; ka li tava oku lemelĩwa. Ka li kolela Yehova; ka liya ocipepi la Suku yalio.

SOFONIYA 3:2 Iomraidhean Croise

NEHEMIYA 9:26

Puãi haimo va linga ovimbinde; va tamalãla love; va imba konyima ovihandeleko viove. Va ipaya ovaprofeto vove, vana va va vetaiya okuti va tiukila kokuove. Pokati kaco va linga ovina via lua via puiya.

OLOSAMO 10:4

Ondingaĩvi lepela liocipala caye, yi linga yiti, Ka ndingi cimue. Ovisimilo viayo viosi viti, Ka ku li Suku.

OLOSAMO 50:17

Omo o nyale oku ku longa, lolondaka viange wa vi imba konyima.

OLOSAMO 73:28

Ame puãi, ciwa oku kala ocipepi la Suku. Nda nola Yehova Suku ha lingi ocikolo cange, okuti sapula ovilinga viove viosi.

OLOSAMO 78:22

Momo ka va kolelele Suku. Ka va kolelele unene waye woku popela.

OLOSAPO 1:7

Oku sumbila Yehova oko efetikilo liolondunge. Aveke va tomba tomba uloño loku longiwa.

OLOSAPO 5:12

vu livela hoti, Avoyo, nda suvukile alungulo. Nda pembuile okulongiwa.

ISAYA 1:5

Nye vu totiwila ño-o omo wamamiko ño-o oku ñualẽlãpo? Utue wosi u vala, kuenda utima wosi wa leñela.

ISAYA 29:13

Oco Yehova wa linga hati, Omo omanu ava vamẽla kokuange lovimẽla viavo loku sivaya lupopi wavo, osimbu ovitima viavo va vi amisa ocipãla lame, kuenje esumbilo liavo lioku sumbila lia tunda kocihandeleko comanu va ci patekela,

ISAYA 31:1

Ava va lokila ke Egito oku kuatisiwa, ngongo yavo! Va kolela otuvalu kuenda akãlu ovita omo a lua, va kolelavo vakuakuendela kotuvalu omo va pama ca lua, puãi ka va imbi ovaso ku U o kola wa Isareli, ndaño oku sanda Yehova.

ISAYA 43:22

Haimo, a Yakoba, kua ñovongele; a Isareli, nda ku kuma.

ISAYA 9:12

Kutundilo va Suria, kutakelo va Filisiti, kuenje va lia Isareli lomẽla wasama. Haimo onyeño yaye ka ya imũhĩle, puãi eka liaye lopo liõlõha.

YEREMIYA 13:25

Eyi oyo onepa yove, oyo onepa nda ku yongela. Yehova hati, Omo wa njivala yu wa kõlela eci hacociliko,

YEREMIYA 2:30

Omãla vene nda va veta ño, lopo ka va longiwile. Osipata yene muẽle ya lia ovaprofeto vene ndeci ohosi yi lia lia omanu.

YEREMIYA 22:21

Nda popia love osimbu wa kala ciwa, puãi ove huti, Si ku yevi. Eci oco ocituwa cove tunde kutila wove, okuti kua tavele kondaka yange.

YEREMIYA 32:33

Va njimba onyima, ocipala hacoko. Ndaño nda pandikisa oku va longisa haimo ka va yevelele okuti va longiwa.

YEREMIYA 35:13

Ca popia Yehova Ukualohoka, Suku ya Isareli, ceci, hati, Kuende, ka popie lalume va Yuda lolonungi via Yerusalãi huti, Anga, ka vu tava oku longiwa? Ka vu tava oku yevelela kolondaka viange? Oco ca popia Yehova. Ka vu tava oku yevelela kolondaka viange? Oco ca popia Yehova.

YEREMIYA 35:17

Oco, ca popia Yehova Ukualohoka, Suku ya Isareli, ceci, hati, Tala, ndi muisa Yuda kuenda olonungi via Yerusalãi ovina viosi vĩvi nda va tukuila. Momo nda popia lavo kuenje ka va yevele, nda va kovonga kuenje ka va kumbuluile.

YEREMIYA 5:3

A Yehova, ovaso ove hẽ ka a vanjiliya eci cocili? Wa va yambula haimo ka ca va valele. Wa va nyõla puãi ka ca va lungisile. Va tĩlĩsa ovipala viavo okuti ovawe a sule, ka va tavele oku litiulamo.

ESEKIELE 22:24

A Mõlõmunu, u sapuila huti, Ove vufeka ka ya yelisiwile haiyo ombela ka yi lokimo eteke lionyeño yange.

ESEKIELE 24:13

Onguyu yayo oyo umbondo wove. Omo nda nda ku yelisa, kuenje kua yelisiwile kumbondo wove, oco ku yelisua vali toke hu tẽlisila onyeño yange.

SOFONIYA 1:6

Va tinduka koku kuama Yehova; ka vo sandi vali pamue oku u pula.

II TIMOTEO 3:16

Ovisonehua vi kola viosi ovitumasuku, kuenje vi silivila oku longisa, loku lungula, loku pindisa, loku ikisa esunga,

VA HEVERU 10:22

oco tu ameliko lovitima viocili haivio via kolisua lekolelo. Tuamelako tupu ovitima vietu via nyiliwa okuti ka vi tu vetisa evelo, latimba etu a sukuiwa lovava a yela.