SOFONIYA 3:15 - Embimbiliya - Bíblia Sagrada em Umbundu

¹⁵ Yehova wa ku upa olondakawa pia lavio; wa tundisa ovanyãli vove. Soma ya Isareli, eye Yehova, o kasi vokati kove; uvĩ ko mõli vali.

SOFONIYA 3:15 Iomraidhean Croise

EFETIKILO 30:23

Yu we mina, wa cita omõla ulume, wa linga hati, Suku wa njupa esepu liange.

OLOSAMO 149:2

Isareli a yolele u wo lulika. Va Siono va sanjukile Soma yavo.

OLOSAMO 19:9

Usumba wa Yehova we lipua, wenda ño-o hũ. Olonimbu via Yehova viocili, viesunga muẽle.

OLOSAMO 85:3

Wa liweka kokutema kuove kuosi. Konyeño yove ya tokota wa tiukako.

ISAYA 12:6

A va Siono, liyuli lolukandi, imbi lesanju, momo U o kola wa Isareli o kasi lunene pokati kene.

ISAYA 25:8

O takisa olumue okufa, kuenje Ñala Yehova o puenya asuẽlẽla kovipala viosi; kuenda osõi yomanu vaye o yupa kilu lieve liosi; momo Yehova wa popia.

ISAYA 33:22

Momo Yehova eye onganji yetu haeye ombiali yetu. Yehova eye Soma yetu, eye o tu popela.

ISAYA 35:10

Ava va yowiwa la Yehova va tiuka, veya ko Siono loku imba ovisungo. Kovitue viavo ku kala esanju ka li pui. Va kuata esanju lonjolela, kuenje esumuo loku leñaleña vi va tunda.

ISAYA 51:22

Ñala yove Yehova, haeye Suku yove, u o kaila omanu vaye konyima, eci a popia ceci, hati, Tala, ndopa peka liove okopo yi koka oku yengenga. Ku nyui vali kokopo yonyeño yange.

ISAYA 52:9

Alunda a Yerusalãi, kaluki lonjolela, imbili kumuamue ovisungo, momo Yehova wa lemba omanu vaye, yu wa yovola Yerusalãi.

ISAYA 54:14

O sevetiwa lesunga: o kala kupãla loku tokotelua momo ku kuata usumba; o kala kupãla locinjoko momo ka cu ku ami.

ISAYA 60:18

Ungangala ka u yevala vali vofeka yove, ndaño oku kundula, pamue oku nyoliwa, volongave viove. O tukula ovimbaka viove huti, Eyovo, lolombundi viove huti, Esivayo.

ISAYA 65:19

Kuenje njolaila Yerusalãi, sanjukila omanu vange. Ka mu yevala vali ondaka yoku litetela, pamue ondaka yoku lila.

YEREMIYA 8:19

Tala, ondaka yokuliyeya kuomõla omanu vange ukãi ya yevala kolonele viosi viofeka. Yehova hẽ, ka kasi vo Siono? Soma yaye hẽ, ka kasimo? Va nemisila nye loviñumañuma viavo via songiwa loviteka viavo via vakualofeka?

ESEKIELE 35:10

Omo wa popia huti, Apata a ndeti avali lolofeka evi vivali vi linga viange, etu tu vi kuata, ndaño Yehova haiko a kasi,

ESEKIELE 36:15

Kuenje si tava okuti vu yeva yeva vali epembe liolofeka. Ka vu tali vali ohali yoku fukĩlĩsua lomanu. Ka vu konjuisa vali ofeka yene. Oco ca popia Ñala Yehova.

ESEKIELE 39:29

Eci sukumuĩla epata lia Isareli Espiritu liange si va wundisila vali ocipala cange. Oco ca popia Ñala Yehova.

ESEKIELE 48:35

Oku ñuala imbo liosi ci linga ekũi liolohũlũkãi kolohũlũkãi ecẽlãla viovikeya. Londuko yimbo tunde ketali yi kala Yehova-Haiko-A-Kasi.

YOELI 3:17

Oco vu kũlĩha okuti ame Yehova, ame Suku yene, haime nda tunga vomunda yange yi kola Siono. Kuenje Yerusalãi li linga imbo li kola. Vakualofeka lalimue vali eteke va pitamo.

AMOSI 9:15

Ndi va peka muẽle vofeka yavo, kuenje ka va veyuiwa vali vofeka nda vaĩha. Oco ca popia Yehova Suku yove.

MIKA 7:10

Oco unyãli wange o ci mõla, kuenje osõi yi wila u wa popia lame hati, Yehova, Suku yove, o kasi pi? Ovaso ange o vanja lepembe. O kosiwa ndonata yovoluwa,

HAVAKUKI 2:17

Ohali wa talisa Levanone yi ku wila. Okukundula kuovinyama ku ku lulumisa, ndaño osonde yomanu, lokunyõlẽha kuofeka lovaimbo, kuenda olonungi viaco.

HAVAKUKI 2:8

Omo ove wa punda olofeka vialua, oco omanu va siala va ku punda ove. Va ku pundila osonde yomanu, kuenda ohali wa talisa ofeka lovaimbo la vosi va tungamo.

SOFONIYA 3:17

Yehova Suku yene o kasi vokati kove; eye ukuonene woku ku muisa eyulo. O ku sanjukila lonjolela; o ku tumbulula locisola caye; o ku sanjukila loku imba ovisungo

SOFONIYA 3:5

Yehova pokati kalio eye ukuesunga; cĩvi ka lingi. Omẽle yosi o molãhaisa esunga liaye; poku ca omẽle ka kambiko; puai ondingãivi ka yi kuete osõi.

SAKARIYA 12:3

Eteke liaco ndingisa Yerusalãi ewe linene komanu vosi. Vosi va li lituika va nyãnyoha. Vakualofeka viosi vongolokela oku tamãlãla lalio.

SAKARIYA 14:11

Kuenje imbo li tungiwa, momo ka ku kala vali esiñalo. Vo Yerusalãi mu kala omanu kuenje va koka.

SAKARIYA 9:9

Amõla a Siono ukãi, yolela muẽle! Amõla a Yerusalãi ukãi, kaluka lesanju! Momo Soma yove yo, iya kokuove. Eye ukuesunga, haeye upopeli. Wonjuka. Endela kokacimbulu, omõla ocimbulu.

YOANO 1:49

Nataneli wo kumbulula hati, A Rambei, vu Mõla a Suku, vu Soma ya Isareli.

YOANO 12:15

Ofeka, amõla a Siono, ku ka yokoke. Tala Soma yove, o kasi loku iya, endela komõla ocimbulu.

YOANO 19:19

Kuenje Pilato wa kapa ocisonehua kekulusu. Ca sonehiwako ceci: YESU U NASARA SOMA YA VA YUDEA.

YOANO 5:30

Si tẽla oku linga cimue lika liange. Ndeci ndi yeva, haico netulula, kuenje onimbu yange yesunga, momo si sandi oku linga ocipango cange, te ocipango cu wa numa.

ESITULUILO 12:10

Oco, nda yeva ondaka yinene kilu, ya linga yiti, Cilo kua tukuluka epopelo lunene luviali wa Suku yetu lomoko ya Kristu waye. Momo omindiki ya vamanjetu ya tundisiwa, una o va lundaila ño-o ku Suku yetu lutanya luteke.

ESITULUILO 18:20

Ove ailu, lene alosandu, lene avapostolo kuenda ene avaprofeto, sanjukili eci ca pita lalio. Momo Suku wa li tetuluila oku li pisila eci lio lingi ene.

ESITULUILO 19:16

Eye o kuete onduko ya sonehiwa konanga yaye lo kocikalo caye, yokuti Soma yolosoma haeye Ñala yoloñala.

ESITULUILO 7:15

Oco va kasilili kovaso yocalo ca Suku, loku u vumba utanya luteke vonembele yaye. Lu o tumala kocalo o linga ombindikiyo yavo.