SOFONIYA 3:13 - Embimbiliya - Bíblia Sagrada em Umbundu

¹³ Ava va siala vi Isareli ka va lingi cĩvi, ka va popi uhembi; ndaño vomẽla wavo ka mu sangiwa elimi lioku liaña; momo va lisiwa loku pekela ciwa, kuenje lomue o va lingisa usumba.

SOFONIYA 3:13 Iomraidhean Croise

II ASAPULO 20:30

Oco usoma wa Yehosafata wa enda posi, momo Suku yaye wa wiha etulumuho kolonele viosi.

YOVI 11:19

O pekela ciwa kuenje lomue o ku lingisa usumba. Va lua va ku pinga pinga oku va kuatisa.

OLOSAMO 119:3

haivo ka va lingi evĩho, puãi va endela volonjila viaye, ovo va sumũlũha.

OLOSAMO 120:2

A Yehova, mopele komela wuhembi, lo kelimi liokulimbika.

OLOSAMO 120:3

Ove, alimi lioku limbika, nye cu kuihiwa? Nye vali cu ku lingiwila?

OLOSAMO 23:2

O mekelaisa kovisenge vitalala. O songuaila kovava a tulumuha.

ISAYA 17:2

Ovikanjo vialio vi linga alunda; oviunda violomeme vi pekailamo kuenje lomue o vi lingisa usumba.

ISAYA 35:8

Kuenje pa kala elila, lelila liaco li tukuiwa liti, Elila li kola. Vakuevĩho ka va endelamo. Vakuesanda ka va lueyisa u endelamo.

ISAYA 54:14

O sevetiwa lesunga: o kala kupãla loku tokotelua momo ku kuata usumba; o kala kupãla locinjoko momo ka cu ku ami.

ISAYA 6:13

Ndaño onepa yekuĩ yi sialamo layovo yi timihiwa vali. Yi timihiwa ndocisingi cuti wulemba pamue wocinendele cina ci siala eci uti u timbuiwa. Ombuto yi kola oyo ocisingi caco.

ISAYA 60:21

Omanu vove vosi va linga vakuesunga; va piñala ño hũ ofeka. Va linga ndomeko nda tuika, pamue ndupange wovaka ange okuti muĩsua ulamba.

ISAYA 63:8

Momo eye wa linga hati, Ocili ava omanu vange, haivo omãla ka va niañi. Oco wa linga upopeli wavo.

ISAYA 65:10

Siarone yi linga ulisilo woviunda, kuenda vomaka ya Akore mu pekaila oviunda, kuenje yi linga yomanu vange, ava va sanda.

YEREMIYA 23:4

Ndi vi kapa ovangombo va vi lisa, kuenje ka vi kala vali lusumba, ka vi saluka, ka pa kambi vali yimue. Oco ca popia Yehova.

YEREMIYA 30:10

Yehova wa popia hati, A Yakoba, okuenje wange, ku ka kale lusumba. A Isareli, ku ka yokoke. Momo tala, ndaño o kasi kupãla haimo hu popela. Mopela ombuto yove kofeka yumandekua wavo. Yakoba o tiuka kuenje o kala ciwa, o tula utima. Lomue u lingisa usumba,

YEREMIYA 31:33

Puãi ocisila ndi lisila lonjo ya Isareli koloneke viya ceci: Ñapa ovihandeleko viange volonũlo viavo. Ndi vi sonẽha vovitima viavo. Ame ndinga Suku yavo lovo va linga omanu vange.

ESEKIELE 39:26

Va ivalako osõi yavo lusuanji wosi va ndingilile eci va tunga loku huima vofeka yavo lu o va yokokisa ka kuli,

YOELI 3:17

Oco vu kũlĩha okuti ame Yehova, ame Suku yene, haime nda tunga vomunda yange yi kola Siono. Kuenje Yerusalãi li linga imbo li kola. Vakualofeka lalimue vali eteke va pitamo.

YOELI 3:21

Osonde yavo ndi yi fetuluinya, lava va pia layo si va yovuisa, momo Yehova wa tumãla vo Siono.

OVISILA 26:6

Ngeca ombembua vofeka kuenje vu pekela ño pũ, lomue u saluisi. Ovinyama vi lumana ndi vi puisa vofeka, ndaño osipata ka yi piti vofeka yene.

MIKA 4:4

Puãi vosi va tumãla, omunu omunu vemi liuyuva waye, pamue vemi liukuyu waye, kuenje lomue o va lingisa usumba, momo omẽla wa Yehova Ukualohoka wa popia.

MIKA 4:7

Va teñela ndi va lingisa ocikoti cofeka, va tundisua ndi va lingisa ofeka ya pama. Kuenje Yehova o va vialela vomunda Siono, tunde cilo toke ka ku ci.

MIKA 7:14

Omanu vove, haivo ocunda cocipiñalo cove, va songuila lombueti yove. Cilo va litungila vesisi vokati kofeka yovaima; veye, va lile vo Basiane lovo Gileada ndeci cosiahũlu.

SOFONIYA 2:7

Olofeka viokonẽle yokalunga vi linga ocitumãlo cocisupe cepata lia va Yuda; oku va lisaila oviunda viavo, kuenje volonjo via va Asikilone omo va pekaila koñolosi. Momo Yehova Suku yavo o va ivaluka, ha tumbulula vali ipako viavo.

SOFONIYA 3:5

Yehova pokati kalio eye ukuesunga; cĩvi ka lingi. Omẽle yosi o molãhaisa esunga liaye; poku ca omẽle ka kambiko; puai ondingãivi ka yi kuete osõi.

SAKARIYA 8:12

Momo mbuaya ombembua loku salala. Uyuva wima epako liawo losi yeca ovaima ayo. Kovailu ku loka owume. Kuenje muisa ocisupe comanu ava ovina evi viosi.

SAKARIYA 8:16

Ovina vu linga vievi, Popi ocili omunu lokuavo. Tetuluili omanu lesunga lombembua kolombundi viene.

SAKARIYA 8:3

Yehova hati, Niukila ko Siono. Numãla vokati ka Yerusalãi. Kuenje Yerusalãi yi tukuiwa Imbo liesunga, lomunda ya Yehova Ukualohoka yi tukuiwa Omunda yi kola.

MATEO 13:41

Mõlomanu o tuma ovangelo vaye kuenje vusoma waye va nolamo ovina viosi vi koka akandu, kuenje vakuakusinila ovihandeleko.

YOANO 1:47

Yesu wa mola Nataneli o kasi loku iya kokuaye, kuenje wo vangula hati, O, u Isareli wocili. Vutima waye ka muli elimbi.

VA KOLOSAI 3:9

Ko ka likembi pokati, momo wa luli omunu wale lovilinga viaye vĩvi,

I PETULU 3:14

Ndaño vu tala ohali mekonda liesunga, haimo wa sumũlũhi. Ko ka va kuateli usumba ndaño oku va yokokela.

I YOANO 5:18

Tu ci okuti wosi wa citiwa la Suku ka lingainga ekandu. Puãi Yesu, u wa citiwa la Suku, u lava, kuenje eliapu ka liu lambi.

ESITULUILO 14:5

Vovimẽla viavo ka mua sangiwile uhembi, momo va pua atondelo.

ESITULUILO 21:27

Lacimue ca vĩha ci iñilamo, ndaño yu o lingainga lãvi pamue uhembi, te ava va sonehiwa velivulu liomuenyo lia Kameme.

ESITULUILO 21:8

Puãi vakuosumba, la vakualomata, la vakuevĩho, kuenda vakuakuponda, la vakuokahonga, la vakuakutaha, kuenda vakuaviteka, lolohembi viosi, vosi yavo va kuete ocikepa cavo vociva ci taima londalu lofuofuo. Ociva condalu oco okufa kuavali.