SOFONIYA 3:11 - Embimbiliya - Bíblia Sagrada em Umbundu

¹¹ Keteke liaco ko kutisua osõi mekonda liovilinga viene, vina wa ndingili lavio usuanji; momo njupa pokati kene omanu vene vakuakulitambela, kuenje ko likapi vali kunene vomunda yange yi kola.

SOFONIYA 3:11 Iomraidhean Croise

OLOSAMO 131:1

A Yehova, utima wange ka u kasi lepela, ovaso ange ka a peketele. Sia tekelele kovina vinene, pamue kovikomo via mbelapo.

OLOSAMO 49:5

Ñuatela nye usumba koloneke viohali, eci olohole viava va ñangisa vi ñuala?

OLOSAMO 59:12

Mekonda liekandu liovimela viavo, okuti olondaka vialimi avo, va kuatiwile vonjanjo yepela liavo. Mekonda liupopi wavo woku siñala loku kemba,

ISAYA 11:9

Ka va lingi cĩvi ndaño oku nyõla komunda yange yosi yi kola, momo kilu lieve ku yuka ukũlĩhĩso wa Yehova ndeci ovava e yuka vokalunga.

ISAYA 2:12

Momo kuiya eteke lia Yehova Ukualohoka kovina viosi vioku lisola kuenda emande, kuenje ovina viosi vi likapa kunene vi enda posi.

ISAYA 45:17

Puãi Isareli o popeliwa la Yehova, lepopelo liaco li enda ño-o hũ, ka li pui. Ku kutisua osõi, ku munĩhĩsua olotembo vi enda ño-o hũ.

ISAYA 5:15

Okulituna kuomanu kupiwa. Opianu va ketisua kuenda ovaso ava va lisole a kutisua osõi.

ISAYA 54:4

Ku ka kuate usumba, momo ku kutisua osõi; ku ka saluke, momo osõi ka yi ku kuti; momo wivala osõi yutila wove; ku ivaluka vali elaviso liumbumba wove.

ISAYA 56:7

ovo muẽle ndi va nena komunda yange yi kola, kuenje ndi va sanjuisila vonjo yange yoku likutilila. Ovilumba viavo vioku yoka kuenda ovilumba viavo vioku pia elisi vi tavelua kovotala ange; momo onjo yange yi tukuiwa onjo yoku likutilila yomanu vosi.

ISAYA 61:7

Posõi yene pa piñala ovikepa vivali viesanju; osõi yene yi pongoloka onjolela. Oco vofeka yene vu kuata evali, kuenje onjolela yene ka yi pui.

YEREMIYA 13:9

Ca popia Yehova, ceci, hati, Ndoco muẽle nyõla okulituna kua Yuda kuenda okulituna kua piãla kua Yerusalãi.

YEREMIYA 7:4

Ko ka koleli olondaka viuhembi vioku linga hoti, Yilo oyo onembele Yehova, yilo oyo onembele ya Yehova, yilo oyo onembele ya Yahova.

ESEKIELE 20:40

Ca popia Ñala Yehova ceci, hati, Komunda yange yi kola haiyo yi sõvi ya Isareli oko vosi vakuepata lia Isareli, vosi muẽle, oko va mbumbila vofeka yaco. Oko ndi va tambuila, haiko ha yonguila ovilumba viene loviali viene via velapo, lovina viene viosi vi kola.

ESEKIELE 24:21

Sapuila epata lia Isareli huti, Ca popia Ñala Yehova ceci, hati, Tala, ame sepuisa onjo yange yi kola, haiyo ulamba wunene wene, haiyo esanju liovaso ene, haiyo ocilivelo covitima viene. Omãla vene valume lomãla vene vakãi, vana wa si konyima, va kupuka losipata.

DANIELE 9:16

A Yehova, mekonda leisunga liove lialua, hu pinga okuti onyeño yove loku fungula kuove ku upiwa kimbo liove lia Yerusalãi lokomunda yove yi kola; momo mekonda liakandu etu kuenda mekonda liolohole viavakukululu vetu, Yerusalãi lomanu vove va linga vakuesepu kuava vosi va tu ñuala.

DANIELE 9:20

Nda kala handi loku popia loku lomba loku litavela ekandu liange kuenda ekandu liepata liange va Isareli, loku likutilila ku Yehova Suku yange mekonda liomunda yi kola ya Suku yange.

MIKA 3:11

Akulu vaco va tetuluila olondaka lovitukiko. Ovitunda viaco vi longisila ofeto. Ovaprofeto vaco va piluila olombongo, haimo va kunamẽla ku Yehova, kuenda vati, Yehova hẽ, ka kasi pokati ketu? Oco lacimue cĩvi ciya kokuetu.

ATENDELO 16:3

kuenje va liongoluila ku Mose la Arone, va popia lavo vati, Wa lipamisi enene, omo owiñi ulo wosi omunu omunu o kola, kuenje Yehova o kasi pokati kavo. Nye vu livelisilapo okuti owiñi ulo haiwo owiñi wa Yehova u linga u sule?

MATEO 3:9

Ko ka soki oku popia litima viene hoti, Tu kuete ale kukululu Avirahama, momo mopia lene siti, Suku o tẽla oku pindula ovawe a ha a lingi omãla va Avirahama.

VA ROMA 2:17

Puãi, nda o litukula huti, Ndu Yudea, kuenje o kolela ovihandeleko loku lipandela Suku,—

VA ROMA 9:33

ndeci ca sonehiwa okuti, Ota, vo Siono omo ñapa ewe liocilondokua, hailio ewe lietatamiso. Kuenje u o li kolela, osõi ka yu kuti.

I PETULU 2:6

Momo ocisonehua ca popia citi, Tala, ñapa vo Siono ewe. Ewe liaco lia noliwila oku linga ewe lievindi, hailio lia sumbiwa. Lu wo kolela ka kutiwa osõi.