SOFONIYA 2:7 - Embimbiliya - Bíblia Sagrada em Umbundu

⁷ Olofeka viokonẽle yokalunga vi linga ocitumãlo cocisupe cepata lia va Yuda; oku va lisaila oviunda viavo, kuenje volonjo via va Asikilone omo va pekaila koñolosi. Momo Yehova Suku yavo o va ivaluka, ha tumbulula vali ipako viavo.

SOFONIYA 2:7 Iomraidhean Croise

EFETIKILO 50:24

Yosefe wa popia la vahuvaye hati, Ndopo fa, puãi suku u pasuli oku vu upa kofeka yilo, loku vu tuala kofeka a likuminya oku eca ku Avirahama la Isake kuenda Yakoba.

OLOSAMO 80:14

A Suku yolohoka, tua likutilila kokuove, pongoloka. Kilu o kasi vanja posi. Tala. Kũlĩhisa uti waco.

OLOSAMO 85:1

A Yehova, wa kuatela ofeka yove ohenda. Wa tumbulula esumũlũho lia Yakoba.

ETUNDILO 4:31

Omanu va tava. Leci va yeva ndomo a nyũla va Isareli, loku limbuka ohali yavo, oco va petama, va fendela.

ISAYA 11:11

Keteke liaco Ñala imba vali eka liaye oku yovola ocisupe comanu vaye ava va supa ka Asuria lo ke Egito, kuenda ko Patirosi, lo ko Kusi, kuenda ke Elami, lo ko Sinare, kuenda ko Hamati, lo kovifuka viokalunga.

ISAYA 11:14

Puãi va endela pamosi, va lupukila kutakelo koviwulu via va Filisiti kuenje va pundila pamosi omanu vokutundilo. Va ka kuata Edome la Moavi kuenda va Amoni va va pokola.

ISAYA 11:16

Kuenje ku kala elila li tunda ka Asuria, omu mu pita ocisupe comanu vaye, ndeci va Isareli va sanga elila eteke va tunda vofeka ye Egito.

ISAYA 14:1

Yehova o lingila Yakoba ohenda, o nõla vali Isareli kuenje o va tungisa vofeka yavo muẽle. Vakualofeka veya kokuavo, va litumbika konjo ya Yakoba.

ISAYA 32:14

Momo eyemba li siwa, kuenda imbo liowiñi li linga elunda. Omunda kuenda elavelo vi linga ño-o aleva a sanjuisa ovimbulu viusenge, pamue vi linga ulilo woviunda;

YEREMIYA 23:3

Kuenje ngongolola ocisupe colomeme viange kolofeka viosi oko nda vi sanduilile. Ndi vi nena vali vocunda cavio, kuenje vi licita loku lua.

YEREMIYA 29:10

Ca popia Yehova ceci, hati, Eci pa pita akui epanduvali kanyamo ko Bavulono oco ndu wivaluki. Nelisa ohuminyo yange yo kokuene. Ndu tiuli kocitumãlo cilo.

YEREMIYA 29:14

oco ame sangiwa lene. Oco ca popia Yehova. Ndu tumbululi. Ndu wongololi kolofeka viosi kuenda kovitumãlo viosi oko ndo sanduilili. Ndu neni vali kocitumãlo oko ndo wupili oku vu tuma umandekua. Oco ca popia Yehova.

YEREMIYA 3:18

Koloneke viaco epata lia Yuda li litokeka lepata lia Isareli ha va endela kumuamue, kuenje va tundila kumuamue vofeka yoko Norte ha va iñila vofeka nda ihĩle vakukululu yavo oco va piñalĩsemo omãla vavo.

YEREMIYA 30:3

Momo tala, kuiya oloneke okuti numbulula omanu vange va Isareli kuenda va Yuda. Oco ca popia Yehova. Ndi va tiula kofeka nda eca kolosekulu viavo, kuenje yi linga yavo muẽle. Oco ca popia Yehova.

YEREMIYA 31:7

Momo ca popia Yehova ceci, hati, Imbili Yakoba ovisungo viesanju. Uluili usongui wolofeka. Ci sapuli. Sivayi, hoti, Yehova wa popela omanu vaye, ocisupe ca Isareli.

YEREMIYA 32:44

Ovapia a landiwa lolombongo kuenje ovikanda viuvangi vioku landa ovapia vi sonehiwa loku yikiwa kovaso olombangi. Va ci linga vofeka ya Benjamini kuenda vikanjo via Yerusalãi lovovaimbo a Yuda kuenda vovaimbo ofeka yolomunda, lovovaimbo ovetapi, ndaño vovaimbo oko Sul. Momo ndi va tumbulula okuti va kala ciwa. Oco ca popia Yehova.

YEREMIYA 33:12

Ca popia Yehova Ukualohoka ceci, hati, Vocitumãlo cilo ca linga ekalasoko, ka ci kuete omunu ndaño ocinyama, kuenje vovaimbo aco osi, mu tungiwa vali olonjo viovangombo va tata oviunda viavo.

YEREMIYA 33:7

Numbulula esumũlũho lia Yuda leli lia Isareli. Ndi va tungisa ndeci va kaile ale.

YEREMIYA 47:5

Evangu lieya ko Gasa. Asikelone lia nyõlẽha. Acisupe ca va Anaka, otembo yipi o liweka oku litandatanda?

ESEKIELE 39:25

Oco, ca popia Ñala Yehova ceci, hati, Oco cilo numbulula vali esumũlũho lia Yakoba. Ñuatela ohenda epata liosi lia Isareli. Sumbisa onduko yange yi kola.

HOSEA 6:11

Lovevo, a Yuda, kua ku tukuiwila elombolo. Eci njongola oku tumbulula esumũlũho liomanu vange,

OVADIYA 1:19

Vakua Sul va kuata omunda ye Esau. Vakuambuelo va kuata ofeka ya va Filisiti, va kuatavo ofeka ya Efarimi leyi ya Samária. Benjamini o kuata Gileada.

MIKA 2:12

A Yakoba, ocili ndu kongeli ene vosi, ñongela ocisupe ca Isareli; ndi va kapa pamuamue ndolomeme vocunda, ndocunda colomeme vocililo cavio; va yuela ca lua omo owiñi wavo walua.

MIKA 4:10

Amola a Siono ukãi, Kenya kenya! Litetela ndukãi o kasi loku cita! Omo kaliye o tunda vimbo kuenje o ka tunga vusenge. O pitila toke ko Bavulono, oko o ka popelelua, haiko Yehova a ka ku yovuila peka liovanyãli vove.

MIKA 4:7

Va teñela ndi va lingisa ocikoti cofeka, va tundisua ndi va lingisa ofeka ya pama. Kuenje Yehova o va vialela vomunda Siono, tunde cilo toke ka ku ci.

SOFONIYA 2:9

Oco, ca popia Yehova Ukualohoka, Suku ya va Isareli, ceci, hati, Ndeci ñasi lomuenyo, Moavi yi soka la Sodoma, va Amoni va kala nda va Gomora. Olofeka viaco vi yuka ovisapa violunyi lovima viomongua, vi linga alunda ka a tungiwa vali. Ocisupe comanu vange ci va punda; ava va supapo komanu vange va va kuata.

SOFONIYA 3:13

Ava va siala vi Isareli ka va lingi cĩvi, ka va popi uhembi; ndaño vomẽla wavo ka mu sangiwa elimi lioku liaña; momo va lisiwa loku pekela ciwa, kuenje lomue o va lingisa usumba.

SOFONIYA 3:20

Kotembo yaco ndu neni vali kofeka yene, okuti ndu wongololi. Oco muẽle, ndu kemãlisi loku u kokeli esivayo, pokati kolofeka viosi violuali, eci numbulula ipako viene kovaso ene. Oco ca popia Yehova.

HAGAI 1:12

Oco Seruvavele, omõla a Sialitiyele, kuenda Yehosua, omõla a Yehocideke, ocitunda, kumosi lowiñi wosi womanu, va pokola kondaka ya Yehova Suku yavo, kuenda kolondaka via Hagai uprofeto, ndomo a tumiwa la Yehova Suku yavo. Va kala lusumba wa Yehova.

HAGAI 2:2

Popia la Seruvavele, omõla a Sialitiyele, onguvulu ya Yuda, kuenda la Yehosua, omõla a Yehocedeke, ocitunda cinene, kuenda lowiñi wosi womanu, huti,

LUKA 1:68

Yehova, Suku ya Isareli, a sivayiwe, momo wa vanja komanu vaye kuenje wa va yovola.

LUKA 7:16

Usumba wa va kuata vosi, kuenje va tumbangiya Suku vati, Uprofeto unene wa katukila pokati ketu; kuenda vali vati, Suku wa pasula omanu vaye.

OVILINGA 8:26

Filipu puãi, ungelo wa Ñala wa popia laye hati, Katuka, kuende ko Sul, wila velila li tunda ko Yerusalãi li enda ko Gasa hailio li pita vekalasoko.

OVILINGA 8:40

Filipu puãi wa sangiwa ka Asiote, noke wamako kungende waye kuenje wa kunda ondaka yiwa vovaimbo osi toke a pitila ko Kaisarea.

VA ROMA 11:5

Haico oloneke vilo, pa siala ocisupe ca noliwa locali.

RUTI 1:6

Oco Naomi wa votoka la vandatembo vaye vakãi oku tunda kofeka ya Moavi, omo a yevela vofeka ya Moavi okuti Yehova wa ivaluka omanu vaye vo ko Beteleme-Yuda yu wa ĩha okulia.