SOFONIYA 2:5 - Embimbiliya - Bíblia Sagrada em Umbundu

⁵ Ene alonungi viokolonele viokalunga, haene wu va Kerete, ngongo yene! Ondaka ya Yehova yo pisi, a Kanana, wufeka ya va Filisiti, kuenje ndu nyõli toke ka ku siala ndaño onungi yimosi.

SOFONIYA 2:5 Iomraidhean Croise

ISAYA 14:29

Ene vosi, vu va Filisiti ko ka yoleli, omo ombueti yo veteli ya teka; momo kolumbombo luonyõha ku tundila ekuiva, kuenje epako lialio ondala.

ISAYA 14:30

Kuenje uveli wosuke o lia, lolosuke vi pekela lombembua, puãi olumbombo luove ndu lu ipa lonjala. Njipãla ocisupe cove.

YEREMIYA 47:7

Puãi yi puyuka ndati osimbu Yehova a yiha ocikundi? Wa yiha ocikundi coku nyõla Asakelone kuenda ofeka yokohulo yokalunga.

ESEKIELE 25:16

oco, Ñala Yehova hati, Ota, ngõluila eka liange ku va Filisiti. Ñundula va Kirete. Nyõla ocisupe ci kasi konele yokalunga.

AMOSI 3:1

Amanu va Isareli, yeveleli kondaka eyi Yehova a wasi layo, Ene, apata liosi ndo wupi vofeka ye Egito, ondaka yange kokuene yeyi,

AMOSI 5:1

Apata lia Isareli, yeveleli ondaka ñasi loku vu lisiõsũila layo.

SOFONIYA 1:11

Alonungi via Makatesi, liyuli, momo ovafũli vosi va nyõlẽha; vakuakupesalisa opalata va tepiwako.

SOFONIYA 3:6

Nda nyõla olofeka; olombonge viavo via kupuka. Ndopa omanu volokololo viavo, okuti lomue o pitapitamo. Ovaimbo avo a linga alunda; ulume lakamue; onungi layimue!

SAKARIYA 1:6

Olondaka viange lovihandeleko viange, vina nda handeleka lovimẽla viakuenje vange ovaprofeto, ka via lingiwile hẽ kolosekulu viene? Oco ovo va tindukako, vati, Ndeci Yehova Ukualohoka a panga oku linga letu mekonda liolonjila vietu lovilinga vietu oco a tu linga.

MARKO 12:12

Omo va limbuka okuti ovo a tela olusapo luaco oco va sokele oku u kuata, puãi va kala lusumba wowiñi, kuenje vo sia, va enda.

YEHOSUA 13:2

Ofeka ya sialako handi yeyi: Ovisenge viosi via va Filisiti, levi viosi via va Gesiuri,

YEHOSUA 13:3

tunde ko Sihore kutundilo wEgito, toke ko Norte kongave ya Ekirone, ofeka ya tukuiwa vati, Ya va Kanana, haiyo yolombuale vitãlo via va Filisiti, ndokuti ombuale yoko Gasa leyi yo kAsidode, leyi ko kAsekelone, leyi yoko Gati, leyi yo kEkirone; kuenda va Awimi,

LIOLONGANJI 3:3

Olofeka viaco vievi: Olombuale vitãlo via va Filisiti, la va Kanana vosi, la va Sitono, la va Hiwi vana va tunga komunda ya Levanone, tunde komunda ya Baale Herimone toke koku panda ko Hamati.

I SAMUELE 30:14

Tua punda ale ofeka ya va Kereti yi kasi ko Sul leyi ya Yuda leyi ya Kalembe. Cikilage tua li yoka.