SOFONIYA 2:4 - Embimbiliya - Bíblia Sagrada em Umbundu

⁴ Momo Gasa li linga elunda; Asikelone li yuka ovingululu. Omanu va Asidode va hangiwa ekumbi pongunji. Ekerone li tukuĩwa.

SOFONIYA 2:4 Iomraidhean Croise

OLOSAMO 91:6

pamue wefengi li endaila vowelema, ndaño wekundu li kundola ekumbi pongunji.

ISAYA 14:29

Ene vosi, vu va Filisiti ko ka yoleli, omo ombueti yo veteli ya teka; momo kolumbombo luonyõha ku tundila ekuiva, kuenje epako lialio ondala.

YEREMIYA 15:8

Nda va luisila ovimbumba ndeseke liokalunga. Kutanya nda nenẽla ina yomãla unyõli. Nda va nenẽla upongo locinjoko ocipikipiki.

YEREMIYA 25:20

kuenda omanu vosi vañi vañi va kasi pokati kavo; kuenda olosoma viosi via Usi lolosoma viosi via va Filisiti,— ka Asikelone, ko Gasa, kuenda ke Ekerone, kuenda ocisupe ca Asitote, ke Edome, loko Moavi, kuenda omãla va Amone; olosoma viosi vioko Turo, lolosoma viosi via Sidono kuenda olosoma violofeka viokesinya liokalunga;

YEREMIYA 6:4

U kongeli ovita. Votoki. Tu u yakisi ekumbi pongunji! Ngongo yetu we, ekumbi lia enda, ovilembo via lepa ale.