SOFONIYA 2:14 - Embimbiliya - Bíblia Sagrada em Umbundu

¹⁴ Oviunda kuenda ovinyama viosi viovusenge vi pekela vokati kayo. Ohokohoko locisaka vi lala vovaimbo ayo. Ocihungulu ci lilila kolonjanela; ocikuamanga ci lilila kolukuki ndokusasãla kuaco, kuenje evi viavo via tungiwa loviti viocedro vi siala ño kutanya.

SOFONIYA 2:14 Iomraidhean Croise

OLOSAMO 102:6

Nda linga ndepanda liovekalasoko. Nda lisoka lokacukucuku kovisitu.

ISAYA 14:23

Ndi yi lingisa usenge wocisaka kuenda oviva viovava. Ndi yi komba lolueyo luoku nyõla. Oco ca popia Yehova Ukualohoka.

YEREMIYA 22:14

O linga hati, Ndi litungila onjo ya sanjavala lolosapalalo vinene. Ñapamo olonjanela. Ndi yi posuisa lavaya ovinendele. Ndi yi sieketa evala li kusuka.

AMOSI 9:1

Nda mõla Yehova yu, o tãi konẽle yutala. Kuenje wa popia hati, Veta otulukuki tuokilu toke otulukuki tuoposi tu luluma. Tu nyanyowaila kovitue viomanu vosi. Ava va supapo ndi va ponda losipata. Lomue umosi pokati kavo o tila. Lomue umosi pokati kavo o puluka.

SOFONIYA 2:6

Love, afeka yokoñẽle yokalunga, o linga ovililo, apa ovangombo va lisaila oviunda viavo, haipo va vi tungaila ovimanga.

ESITULUILO 18:2

Eye wa vilikiya lolukandi hati, Imbo linene lia fa! Imbo linene lia Bavulono lia fa! Lia linga imbo liolodemónio, hailio elungi liaspiritu osi ãvi, hailio elungi liolonjila viosi vĩvi via nyehuiwa.