SOFONIYA 2:11 - Embimbiliya - Bíblia Sagrada em Umbundu

¹¹ Yehova o linga lavo eci ci linga usumba; oco muẽle, a nyõla olosuku viosi violuali, kuenje olofeka viosi viomanu viu kekamẽla, eyi kocitumãlo cayo, eyi kocitumãlo cayo.

SOFONIYA 2:11 Iomraidhean Croise

EFETIKILO 10:5

Kokuavo oko kua tunda omanu va lisandula, va tunga ovaimbo a vamba kokalunga. Ovo omãla va Yafete, va tepiwila kovaimbo avo, omunu omunu ndelimi liaye, lapata avo lolofeka viavo.

OLOSAMO 138:4

Olosoma viosi viokilu lieve vi ku sivaya, a Yehova, momo via yeva olondaka viomela wove.

OLOSAMO 72:17

Onduko yaye yi kale hũ oloneke viosi. Ekemalo liaye li kale hũ ndekumbi. Omanu va likutilile oku sumũlũha ndeye. Olofeka viosi vi u tukule ukuesumũlũho.

OLOSAMO 86:9

Olofeka viosi wa tunga viya, vi ku fendela, a Yehova. Vi tumbangiya onduko yove.

ISAYA 2:18

Oviteka vimũha.

ISAYA 2:20

Keteke liaco oviteka viopalata levi viulu va vi pangela oku fendela, va vi imba kolonete kuenda kolondilili,

ISAYA 42:10

Imbili Yehova ocisungo cokaliye, imbili esivayo liaye tunde kovivanja viokilu lieve. Okalunga kõle lovina viosi vi kasimo, ndaño olofeka viokokalunga lava va tungamo.

ISAYA 42:4

Ka tokoka, ka konyõha, te wa tumãlisa esunga kilu lieve; kuenje olofeka viokokalunga vi livela oku yeva ondaka yaye.

ISAYA 49:1

Alofeka viokokalunga, njeveleli, amanu vu kasi ocipãla, tavi. Yehova wa ñovonga tunde kokucitiwa kuange, tunde vimo lia mãi wa nukula londuko yange.

YEREMIYA 10:11

Popi lavo hoti, Olosuku vina ka via sowile ilu losi vi taka kilu lieve kuenda vemi lilu.

YEREMIYA 46:25

Yehova Ukualohoka, Suku ya Isareli, wa popia hati, Tala, njambula Amone yovo Teve, kuenda Fareo kuenda Egito kumue lolosuku viaye kuenda olosoma viaye, ndaño Fareo lava vo kolela.

DANIELE 11:18

Kovaso yaco o pongolokela kolofeka viokonẽle yokalunga, kuenje o kuata vialua. Puãi ombuale yimue yimũla esepu liaye, hacoko lika, esepu liaye liu tiukila.

HOSEA 2:17

Momo njupa vomela waye olonduko via va Baale okuti ka vi tukuiwa vali londuko.

YOELI 2:11

Yehova o vilikiya lolukandi kolohoka viaye, momo olohoka viaye via lua cimue. Lu o linga ocipango caye wa pama ca lua. Momo eteke lia Yehova linene, kuenda li linga usumba. Helie o li tẽla?

SOFONIYA 1:4

Ngoluila Yuda eka liange kuenda olonungi viosi via Yerusalãi. Nyõla kocitumalo cilo ocisupe ca Baale kuenda onduko yovitunda vi fendaila oviteka,

SOFONIYA 3:9

Oco muẽle, kotembo yaco mongolola upopi womanu, ho pui esanda, okuti vosi yavo oco va vilikiya onduko ya Yehova, loku u vumba lutima umuamue.

SAKARIYA 13:2

Ca popia Yehova ceci, hati, Eteke liaco njupa vofeka olonduko vioviteka okuti ka vivalukiwa vali. Njupavo vofeka ovaprofeto vesanda lutima wevĩho.

SAKARIYA 2:11

Eteke liaco vakualofeka via lua vongolokela ku Yehova. Va linga omanu vange kuenje ame numãla vokati kove.

SAKARIYA 8:20

Ca popia Yehova Ukualohoka ceci, hati, Ciya okuti omanu veya muẽle, ndaño olonungi viovovaimbo alua.

SAKARIYA 8:23

Ca popia Yehova Ukualohoka ceci, hati, Voloneke viaco alume ekũi va tunda kolofeka vialimi osi. Va kuata konanga yu Yuda umosi, vati, Tuenda love, momo tua yeva okuti Suku o kasi lene.

MALAKIYA 1:11

Momo, tunde kutundilo wekumbi toke kutakelo walio onduko yange yi kemãlã pokati kolofeka. Vofeka yosi insensu yi timĩhĩwila onduko yange, locilumba ci ndumbiwila ci yela, momo onduko yange yi kemãlã pokati kolofeka. Oco ca popia Yehova Ukualohoka.

MALAKIYA 1:14

Yi siñalĩwe ohembi yi kuete ocinyama culume vocunda caye, kuenje yi ci likuminya, puãi haimo yi lumba ku Yehova cimue ci kuete atondelo. Momo ame ndi Soma yinene, kuenje onduko yange ya sumbiwa pokati kolofeka. Oco ca popia Yehova Ukualohoka.

ESINUMUĨLO 32:38

Vi kasi pi olosuku viavo vina via lialia alenda ovilumba viavo, haivio via nyuanyua ovinyu viovilumba viavo viokunyua? Vi pasuke! Vi ku kuatise! Vi linge ocikolo cove!

I TIMOTEO 2:8

Oco njongola okuti alume ovo va likutilila kuoha, loku tulika ovaka a kola, halonyeñoko pamue lolonamalala.

ESITULUILO 11:15

Oco ungelo wepanduvali wa sika olumbeta, kuenje kilu kua yevala olondaka vinene, viti, Uviali woluali wa linga uviali wa Suku yetu kuenda wa Kristu waye. Eye o viala oloneke vi enda ño-o hũ, ka vi pui.