SOFONIYA 1:3 - Embimbiliya - Bíblia Sagrada em Umbundu

³ Njupapo omunu locinyama; njupapo olonjila viovilu; kuenda olõsi viovokalunga. Njupapovo ovilondokua okuti olondingaĩvi. Njupa omanu kilu lieve. Oco ca popia Yehova.

SOFONIYA 1:3 Iomraidhean Croise

EFETIKILO 6:7

Kuenje Yehova wa popia hati, Ndi nyõla omanu nda sovola oco va tunde kilu lieve; lomunu locinyama lapuka lolonjila viovusenge, cosi nda ci nyõla momo nda livela omo nda ci sovola.

ISAYA 27:9

Eci ovawe osi ovotala a nyanyoha ndocikela, leci ka kuli vali olongunji vi kola pamue ovotala insensu oco ekandu lia Yakoba li ecelua, kuenje epako liocili liokuimuiwa kuekandu liaye li molẽha.

ISAYA 6:11

Oco nda linga siti, A Ñala toke pi? Eye wa ñumbulula hati, Toke ovaimbo a siala upolokoso, lomanu lakamue. Toke volonjo ka mu kala omunu, lofeka yi linga ekalasoko.

ISAYA 6:12

Toke Yehova o sondoluila omanu ocipãla, kuenda akalasoko a lua vofeka.

YEREMIYA 12:4

Toke eteke li pi ofeka yi lila kuenda ikũla viofeka yosi vi uvuka? Omo evĩho liava va tunga vofeka yaco lia lua oco ovinyama viovusenge kuenda olonjila via puamo. Momo omanu vati, Suku ka mõli ovilinga vietu.

YEREMIYA 50:3

Momo ko Norte ku tunda omanu va katukila Bavulono. Va lingisa ofeka yaye elunda. Lomue o tungamo vali. Vosi va tila, lomanu lovinyama.

YEREMIYA 7:20

Oco Ñala Yehova hati, Tala, okutema kuange lonyeño yange vi pesiliwa kocitumãlo cilo, komanu kuenda kovinyama, koviti kuenda kepako lioposi. Yi taima, ka yi imiwa.

YEREMIYA 9:10

Lilili olomunda, vi liteteleli. Liyuili ovililo viekalasoko momo via pia, lomue o pitamo. Okulila kuolongombe ka ku yevala. Olonjila viovusenge kuenda ovinyama via tila, via enda.

ESEKIELE 44:12

Omo va va vumbailaile kovaso oviteka viavo kuenje va lingilile epata lia Isareli ocilondokua cekandu, oco nda va lisila okuti va yambuiwa muẽle. Oco ca popia Ñala Yehova.

ESEKIELE 7:19

Opalata yavo va yimba volokololo, lulu wavo u linga ndocina ca viha. Opalata yavo lulu wavo ka vi tẽla oku va popela keteke lionyeño ya Yehova, ka vi tẽlisa ovitima viavo ndaño oku kutisa ovaimo avo, momo ovio via linga ocilondokua cevĩho liavo.

HOSEA 14:3

Va Asuria ka va tu popela. Ka tu endela kotuvalu. Ka tu tukula vali upange wovaka etu, tuti, Ove Suku yetu. Osiwe yi sanga ohenda kokuove.

HOSEA 14:8

A Efarimi, ñuete hẽ nye loviteka? Ame, ame muẽle ndukuaku kumbulula, haime hu tata. Nda linga ndulemba u talala. Kokuange ku tunda esumũlũho liove.

HOSEA 4:3

Oco ofeka yi kasi oku lisiõsiõla, kuenje vosi va tungamo va tepuluka ongusu, kumosi lovinyama viovusenge, lolonjila viovilu. Ndaño olõsi viovokalunga vi upiwa.

SAKARIYA 13:2

Ca popia Yehova ceci, hati, Eteke liaco njupa vofeka olonduko vioviteka okuti ka vivalukiwa vali. Njupavo vofeka ovaprofeto vesanda lutima wevĩho.

MATEO 13:41

Mõlomanu o tuma ovangelo vaye kuenje vusoma waye va nolamo ovina viosi vi koka akandu, kuenje vakuakusinila ovihandeleko.

MATEO 23:39

Momo mopia lene siti, Ko moli vali te vu popia hoti, U iyilila vonduko ya Ñala a sivayiwe!

ESITULUILO 2:14

Puãi ñuete love olondaka vimue viokuti, o kasi lava va kolela ovilongua via Balama, una wa longisa Balaka oku kapela omãla va Isareli ocilondokua okuti, va lia kovina via lumbiwa koviteka, loku linga ukahonga.