SOFONIYA 1:18 - Embimbiliya - Bíblia Sagrada em Umbundu

¹⁸ Ndaño opalata yavo ndaño ulu wavo ka vi tẽla oku va popela keteke liaco lionyeño ya Yehova. Vondalu yonyeño yesepa liaye oluali luosi lu pia, momo imũla pe ocipikipiki olonungi viosi violuali.

SOFONIYA 1:18 Iomraidhean Croise

EFETIKILO 6:7

Kuenje Yehova wa popia hati, Ndi nyõla omanu nda sovola oco va tunde kilu lieve; lomunu locinyama lapuka lolonjila viovusenge, cosi nda ci nyõla momo nda livela omo nda ci sovola.

I OLOSOMA 14:22

Yuda ya linga eci cĩvi kovaso a Yehova, kuenje va wengula esepa liaye lovakandu avo ana va linga loku pitahala osi a lingile olosekulu viavo.

YOVI 21:30

okuti ukuevĩho o puluka veteke liongongo, haeye o popeliwa veteke lionyeño?

YOVI 3:15

pamue kumosi lolombuale via kaile lulu, haivio via yukisa olonjo viavo lopalata.

OLOSAMO 78:58

Momo vo wenguila onyeño lolonumbuko viavo. Vo kokela esepa loviteka viavo via songiwa.

OLOSAMO 79:5

A Yehova toke pi? O tema ño-o oloneke ka vi pui? Esepa liove hẽ, li taima ndondalu?

OLOSAPO 11:4

Ukuasi ko sumũluisa keteke lionyeño, esunga puãi li popela kokufa.

OLOSAPO 18:11

Huasi ombonge yaye ukuasi waye, wa soka ndocimbaka ca lepa cu vetatela.

ISAYA 1:24

Oco Ñala Yehova Ukualohoka, eye Fũ ya Isareli, a popela hati, Ococo, sukumuĩla olonjaki viange onyeño yange, ndi fetuluinya ovanyãli vange;

ISAYA 10:17

Ocinyi ca Isareli ci linga ondalu, kuenda U waye o kola o linga ulienge, kuenje u yoka loku lia olosongo viaye kuenda olosanyanya viaye veteke liongongo.

ISAYA 10:3

Vu linga ndati veteke lieyambulo kuenda vekungukungu li tunda ocipãla? Kulie vu tilila ho kuatisa? Kuenje ku pi vu sia ukuasi wene?

YEREMIYA 7:20

Oco Ñala Yehova hati, Tala, okutema kuange lonyeño yange vi pesiliwa kocitumãlo cilo, komanu kuenda kovinyama, koviti kuenda kepako lioposi. Yi taima, ka yi imiwa.

YEREMIYA 7:34

Oco ndinga okuti ondaka yesunga kuenda ondaka yonjolela, ondaka yasandombua kuenda ondaka yondombua, vi liweka vovaimbo a Yuda kuenda volokololo via Yerusalãi, momo ofeka yaco yi linga ekalasoko.

YEREMIYA 9:11

Yerusalãi, yosi ndi yi lingisa olondunda viovawe, evungu liolombulu. Ovaimbo a Yuda ndi a lingisa alunda, Lomue o tungamo vali.

ESEKIELE 16:38

Kuenje hu tetuluila ndomo mu tetuluiwa akãi vana va nyõla oluhuela, haivo va pesela osonde yomãla, kuenje mesela osonde yove lonyeño yange lesepa liange.

ESEKIELE 23:25

Kuenje hu suñamisa oku tema kuange oco va linge love lonyeño yalua. Va kumbula anyulu lovatuĩ ove. Ava va ku supilapo va kupuka losipata. Va kuata omãla vove valume lomãla vove vakãi. Ava va ku supilako va nyõlẽha londalu.

ESEKIELE 7:11

Ungangala wa katuka ndombueti yevĩho. Ka ku va supila cimue. Ndaño kovipako viavo, ndaño kukuasi wavo, ka ku supi. Ka ku kala vali u o linga fũ.

ESEKIELE 7:19

Opalata yavo va yimba volokololo, lulu wavo u linga ndocina ca viha. Opalata yavo lulu wavo ka vi tẽla oku va popela keteke lionyeño ya Yehova, ka vi tẽlisa ovitima viavo ndaño oku kutisa ovaimo avo, momo ovio via linga ocilondokua cevĩho liavo.

ESEKIELE 7:5

Ca popia Ñala Yehova ceci, hati, Ũvi,

SOFONIYA 1:11

Alonungi via Makatesi, liyuli, momo ovafũli vosi va nyõlẽha; vakuakupesalisa opalata va tepiwako.

SOFONIYA 1:15

Eteke liaco eteke lionyeño, eteke liesakalalo lohali, eteke lienyõlẽho lohulunguta, eteke liowelema loluvumbulu, eteke liovalende lowelema wa lua,

SOFONIYA 2:2

osimbu kuambatiwile ndovisaikiti vi enda lofela; osimbu onyeño ya Yehova ka ya ku wilile, osimbu eteke lionyeño ya Yehova ka lieyile kokuove.

SOFONIYA 3:8

Oco Yehova wa popia hati, Nalamẽli toke keteke mbotokela oku va imbila uvangi. Momo nda panga oku ongolola olofeka loku kongela ovoviali, hã si va sukumũila onyeño yange lokutokota kuayo; Momo oluali luosi lu pia vondalu yonyeño yesepa liange.

MATEO 16:26

Ci kuatisa ndati omunu, nda o nganyala oluali luosi kuenje o takisa omuenyo waye? Omunu o pitisila nye vomuenyo waye?

I VA KORINDO 10:22

Ele tu kokela Ñala ukuse? Tuo piãla kongusu nga?

ESINUMUĨLO 31:17

Oco onyeño yange yi va wengukila eteke liaco. Ndi va yanduluka, ndi va wundisila ocipala cange, kuenje va liwa. Ovina via lua vĩvi lohali vi va wila okuti eteke liaco va linga vati, Ovina viaco vĩvi hẽ ka via tu vetelele omo Suku yetu ka kasi pokatu ketu?