SOFONIYA 1:14 - Embimbiliya - Bíblia Sagrada em Umbundu

¹⁴ Eteke linene lia Yehova li li ocipepi; li li ocipepi muẽle, lia yayulako, Onjuvungo yeteke lia Yehova yi koka usumba; ndaño onoi yi liyula lusumba.

SOFONIYA 1:14 Iomraidhean Croise

ISAYA 15:4

Hesivoni li liyula kuenda Eleale; ondaka yavo yi yevala toke ko Yahasi; oco asualali va Moavi va liyula, utima waye u lulumĩla vokati.

ISAYA 33:7

Tala, ovitunda vi vumba utala vi lilila posamua, lolomunga vioku livondela ombembua vi lila ca piãla.

ISAYA 66:6

Yevelela onjuela yi tunda vimbo, ondaka ya tunda vonembele, ondaka ya Yehova yi fetahainya ovanyãli vaye.

ISAYA 8:22

va vanja posi, puãi va mõla lika ohali lowelema kuenda oku tekãvĩsua lelamba. Va hangisiwilua vowelema wosito.

YEREMIYA 25:36

Yeveleli ondaka yokuliyula kuovangombo leyi yokulisiõsiõla kuovasongui vocunda. Momo Yehova o kasi loku nyõla ovisenge viulisilo wavo.

YEREMIYA 30:7

A mãi we, eteke liaco lia piãla, likuavo lia lisoka lalio ka ku li. Ku Yakoba li kala eteke liohali, haimo o popeliwa.

YEREMIYA 46:5

Nda ci muila nye? Va yokoka, kuenje va tiukila konyima. Asualali vavo va yuliwa, kuenje va tila lolupesi, ka va vanji konyima. Kolonele viosi kuli ocinjoko. Oco ca popia Yehova.

YEREMIYA 48:41

Ovaimbo ayo a tambuiwa, lombonge yayo yi kuatiwa. Keteke liaco ovitima viasualali va Moavi vi linga ndutima wukãi o kasi lolongembia vioku cita.

ESEKIELE 12:23

Oco va sapuila huti, Ca popia Ñala Yehova ceci, hati, Sulisa olusapo luaco kuenje ka lu silivila vali kokuavo ndolusapo lua va Isareli. Puãi va sapuila huti, Oloneke via pitila vioku lemũlũha kuovinjoinjoi viosi.

ESEKIELE 30:3

Eteke liaco lia kokela, eteke lia Yehova likasi ocipepi. Li kala eteke lialende, liotembo yekundu liolofeka.

ESEKIELE 7:12

Otembo yeya, eteke li kasi ocipepi. Ukuakulanda ka ka sanjuke, lu o landisa ka ka sumue, momo onyeño yi kasi kowiñi wosi.

ESEKIELE 7:16

Ndaño vamue va puluka, va kala kolomunda ndolopomba viovimbota. Vosi va leñaila, omunu evĩho liaye, omunu evĩho liaye.

YOELI 1:15

Eteke liaco we! Momo eteke lia Yehova li kasi ocipepi, liya ndenyõlẽho li tunda ku Tõlo.

YOELI 2:1

Siki olumbeta vo Siono. Imbili oluiya komunda yange yi kola. Olonungi viosi viofeka vi lulume omo eteke lia Yehova li li oku iya, li kasi muẽle ocipepi.

YOELI 2:11

Yehova o vilikiya lolukandi kolohoka viaye, momo olohoka viaye via lua cimue. Lu o linga ocipango caye wa pama ca lua. Momo eteke lia Yehova linene, kuenda li linga usumba. Helie o li tẽla?

YOELI 2:31

Ekumbi li pongoloka owelema, losãi yi pongoloka osonde osimbu eteke linene lia Yehova, hailio li yokokisa, ka lieyile.

YOELI 3:14

Awiñi a lua! Awiñi a lua vocimbota coku tetuluila! Momo eteke lia Yehova lio liya kocimbota coku tetuluila.

YOELI 3:16

Yehova o vilikiya ko Siono, haiye o yevalisila ondaka yaye ko Yerusalãi, kuenje ilu longongo vi lisenga. Puãi Yehova o lingila omanu vaye ocikolo, o linga ombonge yomãla va Isareli.

AMOSI 8:2

Eye wa mula hati, A Amosi, o lete nye? Nda linga siti, Ndete ohumba yapako ondombo. Oco Yehova a popia lame, hati, Efulilo lieya komanu vange va Isareli. Si va pitahãla vali.

SOFONIYA 1:10

Yehova wa popia hati, Keteke liaco ku yevala ondaka yuteto yi tunda kombundi yolõsi, kuenda okuliyula ku tunda konepa yavali yimbo; koviwulu ku tunda onjuvungo ya lua.

SOFONIYA 1:7

Uhĩli kovaso a Yehova Suku, momo eteke lia Yehova li li ocipepi. Yehova wa yala ofesta yovilumba; wa laleka ale akombe vaco.

MALAKIYA 4:5

Tala! osimbu eteke liaco linene lia Yehova, hailio li linga usumba, ka lieyile, ndu tumisi uprofeto Eliya.

OVILINGA 2:20

Ekumbi li pongoloka owelema, losãi yi pongoloka osonde, osimbu eteke lia Ñala ka lieyile, eteke liaye linene lieletuluko.

VA FILIPOI 4:5

Esunguluko liene li limbukiwe lomanu vosi. Ñala o kasi ocipepi.

I VA TESALONIKE 4:16

Momo Ñala, eye muẽle, o tunda kilu levilikiyo, londaka yungelo unene, kuenda lolumbeta lua Suku. Kuenje ava va fa vu Kristu va pinduka tete.

VA HEVERU 12:26

Koloneke viaco ondaka yaye ya lulumisile osi, cilo puãi wa likuminya hati, Ndi lulumisa vali onjanja yikuavo hasiko lika, puãi lilu le.

TIAGO 5:9

A vamanjange, ko ka liyeyeli pokati, oco ka vu pisiwa. Limbuki okuti onganji yi tãi ale puvelo.

II PETULU 2:3

Kuenje, locipululu cavo, vo lueyisi lolondaka viuhembi, oku vu lueyisila onganyu yavo. Tunde kosiahũlu episo liava lia va sokiyiwila, lokunyõleha kuavo ku va tãilili, ka kua pekelele.