SOFONIYA 1:10 - Embimbiliya - Bíblia Sagrada em Umbundu

¹⁰ Yehova wa popia hati, Keteke liaco ku yevala ondaka yuteto yi tunda kombundi yolõsi, kuenda okuliyula ku tunda konepa yavali yimbo; koviwulu ku tunda onjuvungo ya lua.

SOFONIYA 1:10 Iomraidhean Croise

II SAMUELE 5:7

Haimo lumue Daviti wa kuata ocikolo caco ca Siono haico imbo lia Daviti.

II SAMUELE 5:9

Oco Daviti wa tumãla vocikolo kuenje wa ci luka hati, Imbo lia Daviti. Daviti wa tungisa kolonele viaco viosi, Milo ya kala vokati.

II OLOSOMA 22:14

Oco ocitunda Hilikiya la Ahikama la Akibore la Siafane la Asaya, va enda ku Hulida uprofeto haeye ukai wa Sialume omõla a Tikiya, omõla a Harihasa usoleki wovowalo. Eye wa tunga ko Yerusalãi koluvumba luavali. Yu va vangula laye.

II ASAPULO 3:1

Oco Salomone wa fetika oku tunga onjo ya Yehova ko Yerusalãi, komunda Moriya, kocimbandi ca Orinane u Yevusi, kuna Yehova a tukulukilile isiaye Daviti, haiko Daviti a angiliyile.

II ASAPULO 32:22

Oco Yehova wa popela Hesekiya lolonungi via Yerusalãi peka lia Senakeriva, Soma ya Asuria, lopeka liovanyali vosi vakuavo, kuenje wa va vindikiya kolonele viosi.

II ASAPULO 33:14

Noke wa tungila imbo lia Daviti ocimbaka cokosamua, kutakelo wa Gihone vocimbota, toke ocipepi lombundi yolusi. Wa ci ñualisa Ofele, kuenje wa ci katula toke ca linga cisovisovi. Wa kapavo vakesongo kolohoka vovaimbo osi a pama ovo Yuda.

II ASAPULO 34:22

Oco Hilikiya kumue lava Soma a tuma, va enda kuprofeto Hulida ukãi wa Sialume, omõla a Tokihata, omõla a Hasira, usoleki Wovowalo. Eye wa tunga ko Yerusalãi, koluvumba luavali. Va vangula laye ondaka yaco.

NEHEMIYA 12:39

Noke tua piãla kombundi ya Efarimi, lokombundi yale, lokombundi yolosãi, kuenda kombonge ya Hananele, leyi ya Hameya, toke kombundi yolomeme. Oco veya, va talama kombundi yokaliye.

NEHEMIYA 3:3

Ombundi yolosi ya tungiwa lomãla va Hasena. Va tumbika olohangalo viaco loku kapa apito lovikete lolomimbiliko.

ISAYA 59:11

Etu vosi tu leñaleña ndonguluve, tu lilalila ndakuti. Tu lavoka ekanga liesunga puãi ka ku li. Tu lavoka eyovo puãi li kasi letu ocipãla.

YEREMIYA 39:2

Kunyamo wekũi lamosi wa Sedekiya, vosãi yakuãla, keteke liecea liosãi, oco va iñila vimbo.

YEREMIYA 4:31

Momo nda yeva okuliyula ndoku kukãi o kasi lolongembia vioku cita uveli waye, okuo oku liyula kuomõla a Siono ukãi. O sakoka, alõla ovaka aye hati, A mãi we! Omuenyo wange wa taka povaka olomondi.

ESEKIELE 6:13

Eci omanu vavo va ipaiwa va kala pokati koviteka viavo loku ñuala ovotala avo, ndaño kolonumbuko viosi viefendelo, pamue kilu liolomunda viosi, ndaño vemehi liuti wosi utalala, lovemehi liocinendele cosi cinene, kuosi va lumbila oviteka viavo viosi elemba lipepa, oco vu limbuka okuti ame ndi Yehova.

AMOSI 8:3

Eteke liaco ovisungo vionembele vi pongoloka oku litetela. Ovivimbi vi lova. Vinasiwa ekukutu kolonẽle viosi. Oco ca popia Ñala Yehova.

SOFONIYA 1:15

Eteke liaco eteke lionyeño, eteke liesakalalo lohali, eteke lienyõlẽho lohulunguta, eteke liowelema loluvumbulu, eteke liovalende lowelema wa lua,

SOFONIYA 1:7

Uhĩli kovaso a Yehova Suku, momo eteke lia Yehova li li ocipepi. Yehova wa yala ofesta yovilumba; wa laleka ale akombe vaco.