SAKARIYA 10:3 - Embimbiliya - Bíblia Sagrada em Umbundu

³ Onyeño yange ya wengukila ovangombo kuenje njambula asongui. Momo Yehova Ukualohoka o tata ocunda caye okuti epata lia Yuda, o va lingisa ndokavalu kaye ka pama kovita.

SAKARIYA 10:3 Iomraidhean Croise

ESEKIELE 34:2

A Mõlõmunu, imba owanji woku pisa ovangombo va Isareli. Imba owanji, popia muẽle lovangombo. Popia lavo huti, Ca popia Ñala Yehova ceci, hati, Ovangombo va Isareli va litekola ovo muẽle, ngongo yavo! Ovangombo he, ka va lisa lisa olomeme?

SAKARIYA 11:17

Ungombo wange wesanda o yanduluka ocunda, ngongo yaye. Osipata yi vete okuokuo kuaye liso liaye liondio. Okuokuo kuaye ku siõsie muẽle! Liso liaye liondio ka li ka mõle vali!

SOFONIYA 2:7

Olofeka viokonẽle yokalunga vi linga ocitumãlo cocisupe cepata lia va Yuda; oku va lisaila oviunda viavo, kuenje volonjo via va Asikilone omo va pekaila koñolosi. Momo Yehova Suku yavo o va ivaluka, ha tumbulula vali ipako viavo.

YEREMIYA 25:34

Ene angombo, lili loku lisiõsiõla, lene asongui vocunda, tiñolõhi vetiko. Momo oloneke viene vioku pondiwa loku sanduiwa vieya, kuenje vu kupuka ndovitupi via nõlĩwa.

OLOSAPO 21:31

Okavalu kangiliyilua eteke liovita, okuyula puãi ku tunda ku Yehova.

I PETULU 2:12

Kali lovituwa via sunguluka pokati ka vakualofeka, okuti, nda vo lundili ndolondingaĩvi, va mola ovilinga viene viwa, kuenje va sivaya Suku veteke liepasulo.

LUKA 1:68

Yehova, Suku ya Isareli, a sivayiwe, momo wa vanja komanu vaye kuenje wa va yovola.

RUTI 1:6

Oco Naomi wa votoka la vandatembo vaye vakãi oku tunda kofeka ya Moavi, omo a yevela vofeka ya Moavi okuti Yehova wa ivaluka omanu vaye vo ko Beteleme-Yuda yu wa ĩha okulia.

ETUNDILO 4:31

Omanu va tava. Leci va yeva ndomo a nyũla va Isareli, loku limbuka ohali yavo, oco va petama, va fendela.

SOFONIYA 1:8

Kuenje keteke liaco liovilumba via Yehova ame njambula olombuale lomãla va Soma, kuenda vosi ava va liposuisa luwalo wolofeka viñi.

YEREMIYA 50:6

Omanu vange va linga ndolomeme via nyẽlela. Ovangombo vavo va va lueyisa, va va tungayaisa kolomunda. Va ñuala ñuala ño, vava kolomunda, vava koviwulu, ocimanga cavo va ci ivala.

YEREMIYA 25:12

Eci akũi epanduvali kanyamo a pita oco njambula Soma ya Bavulono kuenda ofeka yaco okuti ofeka ya va Kaldea. Ndi vi yambuila olohõle viavo. Lofeka yaco ndi yi lingisa ekalasoko ka li pui. Oco ca popia Yehova.

YEREMIYA 10:21

Momo ovangombo va vulua, ka va pula pula ku Yehova; oco va pumba oku sumuluĩsua kuenje oviunda viavo viosi via sandoka.

ISAYA 24:21

Keteke liaco Yehova kilu o yambula avanda vokilu, kuenda kilu lieve o yambula olosoma violuali.

ISAYA 10:12

Eci Yehova a mala upange waye wosi komunda ya Siono loko Yerusalãi oco o yambula okulituna kuosoma ya Asuria kuenda epela liokulipanda kuaye.

OCISUNGO CA SALOMONE 1:9

Okuacisola cange, hu sokisa lokavalu kamue kakalu a Fareo.

ESEKIELE 34:12

Ndeci ungombo a sandiliya olomeme viaye nda vimue kolomeme viaye via sandoka haico ame sandiliya olomeme viange, hã si vi ongolola kuosi via sandokalale keteke lialende lowelema walua.

DANIELE 11:32

O nũla lombambe ava va lueyela ocisila, puãi omanu va kũlĩha Suku yavo va kola ngõ kuenje va tamãlãla.

YOVI 39:25

Eci olumbeta lu sika, ka tava, hati, Ewa! Ka yevela kupãla elemba liocilunga kuenda ondaka ya vakesongo lokuvilikiya kuaco.

ESEKIELE 34:11

Momo Ñala Yehova hati, Tala, ame, ame muẽle, sanda olomeme viange loku vi vanjiliya.