SAKARIYA 1:3 - Embimbiliya - Bíblia Sagrada em Umbundu

³ Oco, popia lavo huti, Ca popia Yehova Ukualohoka ceci, hati, Tiuki kokuange,— oco ca popia Yehova Ukualohoka. Kuenje ame niuka kokuene,— oco ca popia Yehova Ukualohoka.

SAKARIYA 1:3 Iomraidhean Croise

II ASAPULO 15:2

Kuenje wa enda ku ñualẽhẽla la Asa, yu wa popia laye hati, ye a Asa, love a Yuda, la Benjamini yosi, njeveleli. Yehova o kala lene osimbu ene vu kalavo laye, kuenje nda vu u sandiliyi eye o tava oku sangiwa lene, puãi nda ene vu u yanduluki eye u yandulukivo.

II ASAPULO 15:4

Puãi eci vohali yavo va tiukila vali ku Yehova Suku ya Isareli kuenda eci vo sandiliya, oco wa sangiwa lavo.

NEHEMIYA 9:28

Haimo, eci va tumãla vali ciwa va kuata vali kevĩho kovaso ove. Oco ove wa va eca peka liovanyali ha va va viala. Noke, eci va pongoloka, va vilikiya kokuove kuenje wa va yeva ndaño o kasi kilu. Kuenje, ndeci ca tuwa ohenda yove, wa va yovola olonjanja via lua.

YOVI 22:23

Nda o tiukila ku Tõlo loku liketisa, nda o tundisa evĩho vonjo yove,

ISAYA 31:6

Amãla va Isareli, tiukili ku ndeti wa lingili usuanji wa piãla.

ISAYA 44:22

Okulueya kuove nda ku takatisa ndelende, kuenda akandu ove ndombundu. Tiuka vali kokuange omo nda ku yovola.

YEREMIYA 12:15

Noke, eci nda va tukũla ale, oco ndi va kuatela ohenda, ndi va nena vali omanu vosi, omunu kocipiñalo caye, omunu kocipiñalo caye, omunu kofeka yavo, omunu kofeka yavo.

YEREMIYA 25:5

eci va popia vati, Vosi yene, omunu omunu a tinduke kolonjila viaye vĩvi lokovilinga viaye viakandu. Tungi vofeka yina Yehova a eca kokuene lokolosekulu viene tunde kosiãhũlu toke ka ku ci.

YEREMIYA 3:1

Ndi va pula siti, Umue nda o nyãla ukãi waye kuenje eye ukãi wo sia ha lingi ukãi wulume ukuavo, ulume o tiukila vali kokuaye? Oco hẽ ofeka yaco ka yi liñisua enene? Ove wa linga ukahonga lolombaisi via lua, haimo o tiukila kokuange? Oco ca pula Yehova.

YEREMIYA 3:22

Amãla volukonyo, tiuki. Ame ndu sakuli olukonyo luene. Tala, tueya kokuove omo ove vu Yehova, ove Suku yetu.

YEREMIYA 35:15

Nda tumavo kokuene akuenje vange vosi ovaprofeto. Nda pandikisa oku va tuma tuma. Nda linga siti, Ene vosi, tinduki omunu omunu konjila yaye yĩvi. Sunguluisi ovilinga viene. Ko ka sandi olosuku viñi loku vi vumba. Oco vu kala vofeka nda eca kokuene kuenda kolosekulu viene. Puãi ka wa ñuluĩlĩli ovatũi ene, pamue oku njevelela.

YEREMIYA 4:1

A Isareli, nda o tiuka, nda o tiuka muẽle kokuange, loku inasi ovombanda ene okuti si a mõli vali, kuenda nda ku tungayala vali,

ESEKIELE 18:19

Puãi ene vu popia hoti, nye omõla ka filila ohole ya isiaye? Nda omõla wa linga eci ciwa haico ca sunguluka loku lava ovisila viange viosi, ocili muẽle o kala lomuenyo.

ESEKIELE 18:31

Imbipo oku lueya kuene kuosi kuna wa ndueyeli. Kuati utima wokaliye lespiritu liokaliye. Vu fila nye, apata lia Isareli?

ESEKIELE 18:32

Momo si sanjukila okufa kuomunu umue, oco lipongoluisi, kali lomuenyo. Oco ca popia Yehova Suku.

ESEKIELE 33:11

Ndomo ñasi lomuenyo si sanjukila okufa kuondingãivi. Eci puãi sanjukila ceci, Nda ondingãivi yi tinduka konjila yaye ha yi kala lomuenyo. Apata lia Isareli, tinduki, tinduki kolonjila viene vĩvi. Vu fila nye?

HOSEA 14:1

A Isareli, tiukili ku Yehova Suku yene, momo wa kupukili akandu ene.

HOSEA 14:4

Ndi va sakula oku konyõha kuavo. Ndi va sola lutima wange wosi, momo nda liweka oku va temẽla.

HOSEA 6:1

Enjui, tu tiukili ku Yehova; momo eye wa soyola okuti o tu sakula; eye wa tu tonyõla, haiye o tu itika.

YOELI 2:12

Puãi, ndaño cilo, lopo Yehova o li loku laleka, hati, Pongolokeli kokuange lutima wosi, loku likandangiya okulia, loku lila kuenda oku litetela.

MALAKIYA 3:7

Tunde koloneke violosekulu viene wa pambuki kovisila viange, kuenje ka wa vi tateli. Tiuki kokuange, kuenje ame niukila kokuene. Oco ca popia Yehova Ukualohoka. Puãi wu pula hoti, Tu tiuka ndati?