OVISILA 4:3 - Embimbiliya - Bíblia Sagrada em Umbundu

³ nda ocitunda ca wavekiwa ca lueya hã ha ci kokela ongole kofeka, oco, omo a linga ekandu, o tuala ku Yehova onale yongombe ka yi kuete etondelo. Yi linga ocilumba cekandu.

OVISILA 4:3 Iomraidhean Croise

II ASAPULO 29:21

Vambata olonui epanduvali lovitupi epanduvali violomeme lotumeme epanduvali, lovitupi epanduvali violohombo, ha va lumbila usoma locitumãlo ci kola la Yuda ocilumba cekandu. Soma wa handeleka ovitunda, omãla va Arone, oku vi lumbila kutala wa Yehova.

ESERA 8:35

Kotembo yaco ava vosi va tiuka kumandekua va lumbila Suku ya va Isareli ovilumba vioku pia elisi. Va Isareli vosi va lumba olonale violongombe ekui la vivali, lolomanga violomeme akuĩ ecea lepandu, lomãla volomeme akuĩ epanduvali lepanduvali. Ovitupi ekui la vivali va vi lumbila ocilumba cakandu. Cosi eci ocilumba coku pia elisi va ci lumbila Yehova.

ETUNDILO 29:14

Ositu yonui puai locipa laniña o vi upa vocilombo, o vi yokela kofeka; oco ocilumba cekandu.

ETUNDILO 29:21

Kosonde yokutala wupako, lokulela woku waveka, o nyila Arone luwalo waye, lomãla vaye luwalo womãla vaye kumue laye, oco a kole kuenda uwalo waye lomãla vaye kuenda uwalo womãla vaye kumosi laye.

ETUNDILO 29:7

Oco o yelula ulela woku waveka hu witika kutue waye hu waveka.

ETUNDILO 30:10

Arone unyamo onjanja yimuamue o likutilila kolombinga viawo. Kumosi losonde yocilumba cekandu coku tuvika o likutililako onjanja yimosi kunyamo kovitumbulukila viene viosi. U kola cimue ku Yehova.

ESEKIELE 40:39

Vocindumba combundi mua kala olomesa, konẽle vivali, konẽle vivali, oku ipayelako ocilumba coku pia elisi locilumba cekandu locilumba ceko.

ESEKIELE 43:19

weca onui ndocilumba cekandu kovitunda va Lewi, vakuepata lia Sadoke. Ovo va pitila kokuange oku mbumba, Ñala Yehova wa ci popia.

ESEKIELE 44:27

Eteke a iñila vonembele, vocitali covokati, oku vumba vonembele, o nena ocilumba caye cekandu. Oco ca popia Ñala Yehova.

OVISILA 1:10

Nda ocilumba caye coku pia elisi ci tunda kocunda colomeme pamue colohombo, o nena yulume ka yi kuete etondelo.

OVISILA 1:3

Ocilumba caye nda ocilumba coku pia elisi congombe, o nena ongombe yulume ka yi kuete etondelo. O yi lumbila kuvelo wombalaka yoku ñualehela la Yehova, okuti o taviwa la Yehova.

OVISILA 16:11

Kuenje Arone o nena onale yocilumba cekandu, oco caye muẽle, ha likutilila eye muẽle lonjo yaye oku tuvika akandu, kuenje ipaya onale yocilumba cekandu ca linga caye.

OVISILA 16:3

Puãi Arone iyaiya mulo mu kola lovina evi: onale ndocilumba cekandu, lomanga ndocilumba coku pia elisi.

OVISILA 16:5

Kuenje o tambula ku va Isareli ovitupi vivali violohombo vocilumba cekandu, kuenda omange yimue yi linga ocilumba coku pia elisi.

OVISILA 16:6

Kuenje Arone o nena onale yaco yocilumba cekandu, oco caye, hã ha likutilila eye muẽle kuenda onjo yaye oku tuvika akandu avo.

OVISILA 4:14

eci ekandu va linga li limbukiwa oco owiñi waco u tuala onale yongombe ndocilumba cekandu, u yi nena kovaso yombalaka yoku ñualehela la Yehova.

OVISILA 4:23

nda ekandu liaye a linga lio lomboloka, o nena ocilumba caye cohombo, ocitupi ka ci kuete etondelo.

OVISILA 4:28

ekandu liaye a linga, nda wa li limbuka, o nena ohombo ndocilumba caye, omange ka yi kuete etondelo, o yi nena omo a linga ekandu.

OVISILA 4:5

Kuenje ocitunda ca wavekiwa ci nyañula kamue kosonde yonale, ci yi nena kombalaka yoku ñualehela la Yehova.

OVISILA 5:6

kuenje o nena ku Yehova ocilumba caye ceko omo a linga ekandu. Ocilumba caco ci kale omange yokocunda, okameme pamue ohombo, ndocilumba cekandu. Noke ocitunda cu likutilila ha ci tuvika ekandu liaye.

OVISILA 6:18

Alume vosi pokati komãla va Arone va tẽla oku ci lia ndocisila cavo oloneke ka vi pui kovitumbulukila viene, covilumba via Yehova viovondalu. U o vi lamba o kolisua.

OVISILA 8:12

Wa itila kutue wa Arone ulela woku waveka, wo waveka ho kolisa.

OVISILA 9:2

Wa popia la Arone hati, Likuatela okanale kocunda ocilumba cekandu, locitupi cocilumba coku pia elisi. Nola evi ka vi kuete etondelo, vi nena ku Yehova.

OVISILA 9:3

Oco popia la va Isareli huti, Likuatẽli ocitupi cohombo cocilumba cekandu kuenda okanale lokameme kunyamo umosi. Nola evi ka vi kuete etondelo, ndocilumba coku pia elisi.

ATENDELO 16:22

Puãi va wila posi kuenje va lituvikapo, va pula vati, A Suku, Suku yovilelembia viomanu vosi, nda umosi o linga ekandu o temẽla owiñi wosi?

ATENDELO 8:8

Oco va kuate onale locilumba caco cosema, osema yaco ya fina ya tengiwa lulela; ove o kuata onale yikuavo yi linga ocilumba cekandu.

VA ROMA 8:3

Momo, eci ka ca tẽliwile lovihandeleko, momo via honguisua letimba, oco Suku a linga. Wa tuma Omõlaye lesetahãlo lietimba liekandu. Wo tuma oku yaka lekandu loku pisa ekandu vetimba.

II VA KORINDO 5:21

Una ka kũlĩhile ekandu Suku wo linga ekandu mekonda lietu, okuti vokuaye tu lingiwa esunga lia Suku.

VA HEVERU 5:3

Oco o kuete ocikundi coku lumbila akandu aye muẽle ndeci o lumbila akandu omanu.

VA HEVERU 9:12

kuenje wa iñila olumue vohondo yi kola koku kola. Kambatele osonde yolohombo pamue yolonale, wambata puãi osonde yaye muẽle, kuenje wa sanga eyovo ka li pui.