OVISILA 1:3 - Embimbiliya - Bíblia Sagrada em Umbundu

³ Ocilumba caye nda ocilumba coku pia elisi congombe, o nena ongombe yulume ka yi kuete etondelo. O yi lumbila kuvelo wombalaka yoku ñualehela la Yehova, okuti o taviwa la Yehova.

OVISILA 1:3 Iomraidhean Croise

EFETIKILO 22:13

Avirahama wa petula ovaso, wa vanja, kuenje wa mõla ocitupi comeme konyima yaye, ca lisaka apamba aco kolosongo vienganji. Kuenje Avirahama wa endako, wa kuata ocitupi caco, wa ci lumba ocilumba coku pia elisi ca piñala pomangu yomõlaye.

EFETIKILO 22:2

Yu wa linga hati, Kuende lomõlove wongunga, Isake, una o sole; kuende laye kofeka ya Moriya, ko lumbe ocilumba coku pia elisi kilu liomunda yimue hu yi tukuila.

EFETIKILO 22:8

Avirahama wo kumbulula hati, Suku o livanjela okameme kocilumba caye, amõlange. Kuenje va endela pamosi kavali kavo.

EFETIKILO 8:20

Noha yu wa tunga utala wa Yehova, kuenje wa nola kovinyama viosi via yela lokolonjila viosi via yela, ha lumbi ovilumba vioku pia elisi kutala.

II ASAPULO 29:32

Ovilumba vioku pia elisi, vina ohongele ya nena, via soka akui epanduvali kolonui locita covitupi violomeme kuenda ovita vivali viotumeme. Evi viosi via linga ocilumba coku yokela Yehova.

II ASAPULO 35:12

Ovilumba vioku pia elisi va vi likapela oco va vi ece kovisoko viapata omanu vofeka, ha va vi lumbila Yehova ndomo ca sonehiwa velivulu lia Mose. Haico va linga lolongombe.

OLOSAMO 110:3

Eteke o songola olohoka viove kolomunda vi kola omanu vove va lieca kokuove olumue. Ndokutalala kuowume womele haico ci kasi ongusu yove yokumalehe.

OLOSAMO 40:8

Oku linga ocipango cove, a Suku yange, oco sanjukila. Ovihandeleko viove vi kasi vutima wange.

ETUNDILO 12:5

Okameme kene ka ka ka kale letondelo. Ka kale okolume ka tẽla unyamo. Vu ka nola pamue kolomeme pamue kolohombo.

ETUNDILO 24:5

Wa tuma ipombokuenje via va Isareli. Wa lumba ovilumba vioku pia elisi. Wa lumbavo ovilumba viombembua violongombe ku Yehova.

ETUNDILO 29:18

Ocitupi cosi o yoka kutala, oco ocilumba ca pia elisi ci kuete elemba li pepa, haico ocilumba covondalu coku Yehova.

ETUNDILO 29:4

Arone lomãla vaye o va nena puvelo wombalaka yoku ñualẽhẽla la Yehova, o va sukula lovava.

ETUNDILO 29:42

Ci linga ocilumba coku pia elisi cenda hũ kovitumbulukila viene. Ci lumbiwila kovaso a Yehova kuvelo wombalaka yoku ñualẽhẽla la yehova, haiko ñualẽhẽla lene si popi love.

ETUNDILO 32:6

Oco hẽla va pasuka ociteketeke, va lumba ovilumba vioku pia elisi, va nena ovilumba viombembua, kuenje omanu va tumãla loku lia loku nyua. Va votoka oku piluka.

ETUNDILO 35:21

Veya, wosi okuti utima waye wo vetiya, lu espiritu liaye lio kapisa ocipango caco, va nena ombanjaile ya Yehova yupange wombalaka yoku ñualẽhẽla la yehova, levi viefendelo liaco, levi viuwalo u kola.

ETUNDILO 35:29

Va Isareli va nena olombanjaile via Yehova via lumbiwa locipango, okuti alume vosi lakãi vosi ovitima viavo via va pangisa ovio muẽle oku eca kupange Yehova a handeleka oku lingiwa la Mose.

ETUNDILO 35:5

Kongoli olombanjaile via Yehova. U o kasi lutima woku eca a nene ku yehova ombanjaile: ulu, opalata, osipi,

ETUNDILO 36:3

Va tambula ku Mose olombanjaile viosi va Isareli va nena oku kuatisa lavio upange wonjo yi kola. Locipango cavo omanu va nena nena kokuaye olombanjaile omẽle omẽle,

ETUNDILO 38:1

Utala wovilumba vioku pia elisi wo tunga lositimi, usõvi ovikeya vitãlo, upati ovikeya vitãlo, avindi awo akuãla a lisoka; okulepa kilu ovikeya vitatu.

ISAYA 1:11

Yehova hati, Ondunda yovilumba viene yi ndinga nye? Ovilumba viene vioku yoka ovitupi, kuenda ulela wovinyama via netisua, via ñuma. Si sanjukila osonde yolonũi pamue yomãla volomeme, pamue yovitupi violohombo.

ESEKIELE 20:40

Ca popia Ñala Yehova ceci, hati, Komunda yange yi kola haiyo yi sõvi ya Isareli oko vosi vakuepata lia Isareli, vosi muẽle, oko va mbumbila vofeka yaco. Oko ndi va tambuila, haiko ha yonguila ovilumba viene loviali viene via velapo, lovina viene viosi vi kola.

ESEKIELE 40:39

Vocindumba combundi mua kala olomesa, konẽle vivali, konẽle vivali, oku ipayelako ocilumba coku pia elisi locilumba cekandu locilumba ceko.

OVISILA 1:10

Nda ocilumba caye coku pia elisi ci tunda kocunda colomeme pamue colohombo, o nena yulume ka yi kuete etondelo.

OVISILA 14:10

Keteke liecelãla o nyañula otumeme tuvali tualume ka tu kuete etondelo, lomeme yomange yulima umosi ka yi kuete etondelo, kuenda olonepa vitatu viekui viefa liosema ya fina ndocilumba cosema ya tengiwa lulela, kuenda omeyu yo-litro yulela.

OVISILA 16:7

Oco o nyañula itupi vivali ha vi tumbika kovaso a Yehova kuvelo wombalaka yoku ñualehela la Yehova.

OVISILA 17:4

puãi ka yi nena kuvelo wombalaka yoku ñualẽhẽla la Yehova oku yi lumbila ku Yehova ndocilumba kovaso yotavernakulu ya Yehova, omunu waco o pia eko liosonde momo wa pesela osonde. Omunu waco o tepiwa ku vakuavo.

OVISILA 17:8

Va sapuila huti, Omunu wosi ukuepata lia Isareli pamue kovingendeleyi via tunga pokati kavo, o lumba ocilumba coku pia elisi pamue ocitundasonde,

OVISILA 17:9

puãi ka ci nena kuvelo wombalaka yoku ñualehela la Yehova ha ci lumbi ku Yehova, omunu waco o tepiwa ku vakuavo.

OVISILA 23:12

Oco veteke wu yangelisa ocitungu wu lumba okameme kulume kunyamo umosi, aka ka ka kuete etondelo, ka linga ocilumba coku pia elisi coku Yehova.

OVISILA 23:18

Kumue lolombolo viaco weci otumeme epanduvali tunyamo umosi ka tu kuete etondelo, lonale yimosi kuenda ovitupi vivali violomeme, vi linga ocilumba coku pia elisi coku Yehova, kumue locilumba cavio colomema kuenda ovilumba viavio vioku nyua, ocilumba covondalu celemba li pepa ku Yehova.

OVISILA 3:1

Oco nda ocilumba caye ocilumba cocitundasonde combembua, o nena ongombe. Yi kale onale pamue omange, o nena ku Yehova eyi ka yi kuete etondelo.

OVISILA 4:15

Kuenje akulu pokati kowiñi va kapa ovaka avo kutue wonale yaco kovaso a Yehova. Va ipalela onale kovaso a Yehova.

OVISILA 4:23

nda ekandu liaye a linga lio lomboloka, o nena ocilumba caye cohombo, ocitupi ka ci kuete etondelo.

OVISILA 4:3

nda ocitunda ca wavekiwa ca lueya hã ha ci kokela ongole kofeka, oco, omo a linga ekandu, o tuala ku Yehova onale yongombe ka yi kuete etondelo. Yi linga ocilumba cekandu.

OVISILA 4:32

Nda o nena okameme ndocilumba caye cekandu, o nena omange ka yi kuete etondelo.

OVISILA 5:15

Nda omunu umue o linga ahuku ha lueya lonumbi kovina vi kola via Yehova, o nena ku Yehova ndocilumba ceko liaye omanga yokocunda ka yi kuete etondelo, ndeci ove o sokiya lolosiekele viopalata, ndosiekele yonembele; oco ocilumba ceko.

OVISILA 5:18

O nena kocitunda omanga yokocunda ka yi kuete etondelo, ndeci ño ove o sokiya, ndocilumba ceko. Noke ocitunda cu likutilila ha tuvika eci a ci lueya lonumbi, ka ci limbukile, kuenje ecelua.

OVISILA 6:2

Nda omunu umue o lueya ha lingila Yehova ekandu poku kembela ukuavo cimue a pindikisa, pamue cimue conjeke, pamue coku iva, pamue wa lingisa ukuavo cĩvi,

OVISILA 6:8

Yehova wa popia la Mose hati,

OVISILA 7:16

Puãi nda ocitundasonde a lumba ci linga cohuminyo pamue ocilumba cocipango, ositu yaco yi liwa eteke a lumba ocitundasonde caye; hẽla liaco eci ca sialapo ci liwa.

OVISILA 8:18

Yu wa nena ocitupi cocilumba coku pia elisi, kuenje Arone lomãla vaye va imbila ovaka avo kutue wocitupi caco.

OVISILA 8:21

Yu wa sukula lovava ovãla kuenda ikalo lovoko aco kuenje Mose wa yokela ocitupi cosi kutala. Oco ocilumba coku pia elisi celemba li pepa okuti ocilumba covondalu coku Yehova. Ndeci Yehova a sapuila Mose haico Mose a linga.

OVISILA 9:2

Wa popia la Arone hati, Likuatela okanale kocunda ocilumba cekandu, locitupi cocilumba coku pia elisi. Nola evi ka vi kuete etondelo, vi nena ku Yehova.

SAKARIYA 13:7

Asipata! Somõhẽla ungombo wange una o kasi ocipepi lame. Oco ca popia Yehova Ukualohoka. Mbeta ungombo okuti olomeme vi sandoka. Ndaño otumeme tutito ndi tu vetavo.

MALAKIYA 1:14

Yi siñalĩwe ohembi yi kuete ocinyama culume vocunda caye, kuenje yi ci likuminya, puãi haimo yi lumba ku Yehova cimue ci kuete atondelo. Momo ame ndi Soma yinene, kuenje onduko yange ya sumbiwa pokati kolofeka. Oco ca popia Yehova Ukualohoka.

ATENDELO 15:3

kuenje wupi kocunda cologombe pamue kocunda colomeme ho lumbila Yehova ocilumba covondalu, pamue coku pia elisi, pamue coku yoka, okuti vu tẽlisa ohuminyo, pamue weci ocilumba cocipango, pamue ceci colofesta viene, oku lingila Yehova elemba li pepa

ATENDELO 15:8

Eci o nena onale ha yi lingi ocilumba coku pia elisi, pamue coku yoka pamue coku tẽlisa ohuminyo yocisila pamue cocitundasonde combembua ku Yehova,

ATENDELO 19:2

Ocisila cocihandeleko Yehova o wihi ceci: Sapuila va Isareli okuti va nena kokuene onema yi kusuka ka yi kuete etime ndaño etondelo, ka ya la enda kokanga.

ATENDELO 23:19

Suku hamunuko okuti o kemba, pamue omõla omunu okuti o pongoloka. Eci a popia ka ci lingi hẽ?

ATENDELO 23:27

Balaka yu wa popia la Baliame hati, Tu ende, hu tuala kumue kuiñi. Mbi Suku o tava okuti oko o va siñalẽla.

ATENDELO 23:3

Baliame wa popia la Balaka hati, Cilo, ove kala ocipepi locilumba cove coku pia elisi, oco ame ngenda. Mbi Yehova iya, o ñualehela lame. Cosi a ndekisa hu sapuila. Oco Baliame wa londa konumbuko kua tapika.

ATENDELO 23:30

Oco Balaka wa linga ndeci ca popia Baliame, wa lumbila, kutala ongombe locitupi, kutala ongombe yocitupi.

ATENDELO 28:11

Kokumõleha kuolosãi vu lumbila Yehova ocilumba coku pia elisi. Ocilumba caco ceci, olonale vivali locitupi comeme lolomeme epanduvali vialume via tẽla unyamo, evi ka vi kuete etondelo.

ATENDELO 28:19

Eteke liaco vu lumbila Yehova ocilumba coku pia elisi. Evi vu lumba vievi, olonale vivali, locitupi comeme, kuenda olomeme epanduvali vialume via tẽla unyamo. Cinene okuti vievi ka vi kuete etondelo.

ATENDELO 28:31

Ovina evi vu vi lumbila kumosi lovilumba vioku nyua via tukuiwa ale oku lumbiwila kumosi lavio. Vu vi lumba oku vokiya kocilumba coku pia elisi leci colomema vina violoneke viosi. Cinene oku kulĩhisa lutate ovinyama viaco okuti ka vi kuete etondelo.

ATENDELO 29:13

Wu lumba ocilumba coku pia elisi celemba li pepa ku Yehova. Evi vu lumba vievi: olonale ekui la vitatu, lovitupi vivali violomeme, kuenda ekuĩ liolomeme kolomeme vikuãla vialume via tẽla unyamo, haivio ka vi kuete etondelo.

ATENDELO 29:2

Kuenje vu lumba ocilumba coku pia elisi, celemba li pepa ku Yehova. Evi vu lumba vievi: onale yimosi locitupi comeme, kuenda olomeme epanduvali vialume via tẽla unyamo haivio ka vi kuete etondelo.

LUKA 1:35

Ungelo wo kumbulula hati, Espiritu Sandu o ku wila, lunene wa Tõlo u ku tuvika. Oco omõla o citiwa o tukuiwa O kola, Eye Mõla a Suku.

YOANO 1:36

Wa vanja Yesu oko a ilila kuenje wa popia hati, Tali, Kameme ka Suku yo.

YOANO 10:7

Oco Yesu wa popia vali lavo hati, Mopia lene siti, Ocili, ocili, ame nduvelo wolomeme.

YOANO 10:9

Ame nduvelo, nda umue o pita vuvelo waco okuti vokuange, o popeliwa, iñaila, o tunda tunda, kuenje o sanga ulio.

II VA KORINDO 8:12

Momo, nda kuli utima woku lumba, omunu o panduiwa nda o lumba ndeci a kuete. Suku ka kisika eci omunu ka kuete.

II VA KORINDO 9:7

Omunu omunu a ece ndeci a panga kutima waye; ha locikukuiko pamue omo a kisikiwa, momo Suku o sole u eca lesanju.

VA EFESO 2:18

Omo tu kasi la Kristu oco kavali ketu tu tẽla oku pitila ku Isia v'Espiritu limuamue.

VA EFESO 5:27

O kolisa ekongelo liaye okuti li lekisua kokuaye lulamba, kuenje li lekisua tupu lia pua atime lanyõle okuti li kola hailio li lipua.

ESINUMUĨLO 12:27

Ositu losonde viocilumba cove coku pia elisi o vi lumbila kutala wa Yehova, Suku yove. Osonde yocilumba cove coku yoka yi pesililue kutala wa Yehova, Suku yove, ositu yaco puãi ci tava oku yi lia.

ESINUMUĨLO 15:21

Nda yi kuete etondelo limue, okuti ocilema pamue omeke, pamue etondelo limue likuavo lĩvi, ka ci tava oku yi lumba ku Yehova, Suku yove.

ESINUMUĨLO 17:1

Ka ci tava oku lumbila Yehova, Suku yove, ongombe pamue omeme ya lemãla pamue ya seluka, momo oco umbondo ku Yehova, Suku yove.

VA HEVERU 7:26

Momo tu sukila ocili oku kala locitunda cinene ndoco okuti, cimue ci kola, haico ka ci kuete etondelo, ce lipua, haico ca tepiwa ku vakuakandu, kuenje ci kasi vekemalo kilu liovailu.

VA HEVERU 9:14

siti, ca piãla vali enene, osonde ya Kristu yi yelisa ovitima viene, okuti vi pua ovilinga viokufa ene ho vumbi Suku o kasi lomuenyo? Espiritu ka li pui lia linga Mitakati eci Kristu a lilumba ku Suku, kuenje wa lilumba tupu wa pua eko.