OVILINGA 9:36 - Embimbiliya - Bíblia Sagrada em Umbundu

³⁶ Vo Yopa mua kala ondonge yimue yukãi, onduko yaye Tavita, ca lomboloka citi, Kambambi. Eye wa kala ukuahenda, kuenje wa kuatisa va lua.

OVILINGA 9:36 Iomraidhean Croise

II ASAPULO 2:16

Tu ku timbuila vo Levanone oviti viosi o sukila. Tu ku vi nenela loku vi kuta ovitungu ha vi endi lovava okalunga toke ko Yopa, kuenje ove o vi tuala ko Yerusalãi.

ESERA 3:7

Oco va eca olombongo kovatungi vupange wovawe lowu wavaya. Va ecavo okulia lovinyua lulela ku va Sidono la va Turo okuti va nena ketapu lia Yopa olo-cedro vio ko Levanone, ndomoko ya va ihiwa la Kuro, Soma yo ko Persia.

OLOSAPO 5:19

una wa soka ndombambi ya posoka, pamue ndohoha ya fina. Elembeleko liaye li ku sanjuise olonjanja viosi. Sanjukila ocisola caye oloneke viosi.

OCISUNGO CA SALOMONE 2:9

Ukuacisola cange wa soka ndomunya pamue ndokanusi. Tala, yu! O tai konyima yocimbaka cetu loku vanjela ponjanela, kuenda oku lengelela papangu olombindikiyo viaco.

OCISUNGO CA SALOMONE 3:5

Afeko va Yerusalãi, ndu kisiki lolomunya lolonusi viovanyãla, siti, Ko ka pasuli ukuacisola cange toke eci a yongola.

OCISUNGO CA SALOMONE 8:14

Yayulako, okuacisola cange; liluvikiya ndomunya, pamue ndokanusi, kolomunda viovikũla vielemba liwa.

YONA 1:3

Yona puãi wa wila vonjila yoku enda ko Tarsisi ha tila Yehova. Wa lokila ko Yopa. Wa sanga onaviyu yenda ko Tarsisi. Wa feta owombo, kuenje wa iñila vokati, oku enda kumosi lavo ko Tarsisi, ha tila Yehova.

MATEO 25:17

Haico ukualokondu vivali wa nganyala vikuavo vivali.

YOANO 15:5

Ame nduyuva, ene vuvianja viaco. U o kala vokuange, kuenje ame ñala vokuaye, eye ima epako lia lua. Puai nda wa tundi vokuange ka vu tẽla oku linga cimue.

YOANO 15:8

Kokuima kuene epako lia lua oko Tate a muisilua ulamba, kuenje vu lekisa okuti vulondonge viange.

OVILINGA 10:23

Oco wa va iñisa vonjo kuenje wa va yekisa. Hẽla yaco wa katuka, wa enda lavo, kuenje vamue vakuetavo vo ko Yopa vo sindikila.

OVILINGA 10:31

Wa popia lame hati, A Korneliu, ohutililo yove ya yevala, loviali viove via ivalukiwa kovaso a Suku.

OVILINGA 10:8

Wa va lomboluila cosi ca pita kuenje wa va tuma ko Yopa.

OVILINGA 11:13

Eye wa tu sapuila ndomo a mola ungelo wa talama vonjo yaye, lomo ungelo a popia hati, Tuma ko Yopa, kope Simono wa tukuiwa Petulu.

OVILINGA 11:5

Nda kala loku likutilila vimbo vo Yopa, kuenje vocinjonde nda mola owima, okuti ocikuata cimue ca loka, ca setahala elasola linene, lia lowisiwa kilu lasusu akuãla, yu lieya kokuange.

OVILINGA 9:38

Omo ko Luda ocipepi lo ko Yopa, oco olondonge via yeva okuti Petulu oko a kasi, kuenje vo tumisa alume vavali oku u pañinya vati, Enju lombili. Ku ka taluke.

OVILINGA 9:42

Ondaka yaco ya yevala kuosi ko Yopa, kuenje va lua va tava ku Ñala.

VA EFESO 2:10

Etu tupange waye. Tua lulikiwila vu Kristu Yesu, ha tu lingi ovilinga viesunga, vina Suku a tu pangela tunde nunde.

VA FILIPOI 1:11

Ndi likutililavo okuti ovimuenyo viene vi yuka apako esunga, ana a imisiwa lekuatiso lia Yesu Kristu, oku imisiwila ulamba wa Suku kuenda esivayo.

VA KOLOSAI 1:10

ho kali lovimuenyo vi soka leci ca posokela Ñala, haivio viu sanjuisa. Tu vu livela loku likutilila okuti, kovopange osi awa, wimi epako, kuenje wamamiko vukũlĩhiso wa Suku.

I VA TESALONIKE 4:10

Oku popia ocili, vu sole muẽle vamanji vosi va kasi kuoha ko Makedonia. Puãi a vamanji, tu vu vetiya, tuti, Kolisiko locisola caco

I TIMOTEO 5:10

Kuenje oku u soneha te omanu vo wimbila uvangi wovilinga viwa, okuti wa tekola omãla vaye, wa poka poka akombe, wa sukola olomãi violosandu, wa kuataisa ava va kala lohali, kuenje wa linga ovina viosi viwa lombili.

TITO 2:14

Eye Yesu wa liecela ha tu yovola kevĩho liosi, loku lisokiyila omanu va yelisua, ha va lingi omanu vaye muẽle, haivo vakuambili yokovilinga viwa.

TITO 2:7

Ove muẽle, kovina viosi, ecaeca ongangu yovilinga viwa. Pokulongisa kuove lilekisa okuti wulongisi wocili, haive wa litumbika ocili.

TITO 3:8

Ondaka yaco ondaka yocili. Njongola okuti o longisa ovina evi longusu okuti ava va tava ku Suku va pindamua loku linga lutate ovopange awa. Ovina evi viwa kuenda vi silivila komanu.

VA HEVERU 13:21

eye a vu malehise ovina viosi viwa ho lingi ocipango caye, haiye a talavaye vovitima viene la Mitakati Yesu Kristu oku linga eci co sungulukila. Kokuaye ku kale ulamba toke koloneke ka vi pui. Amene.

TIAGO 1:27

Etavo liocili, hailio lia pua evĩho kovaso a Suku haeye Isia, lieli okuti, oku pasula ovimbumba lolosiwe kolohali viavo, loku lilava keliño lioluali.

YEHOSUA 19:46

Meyarikone, Rakone kumue longave ya lisuñama la Yopa.