OVILINGA 9:15 - Embimbiliya - Bíblia Sagrada em Umbundu

¹⁵ Puãi Ñala wa popia laye hati, Kuende ño, momo ame ndo nola. Eye o linga ocikuata coku ambatela onduko yange loku yi tuala ku vakualofeka, lo kolosoma viavo, kuenda ku va Isareli.

OVILINGA 9:15 Iomraidhean Croise

YEREMIYA 1:5

Osimbu sia ku vungile vimo nda ku kũliha, osimbu kua citiwile nda ku kolisa, kuenje nda ku tukuila oku linga uprofeto wolofeka.

YEREMIYA 1:7

Puãi Yehova wa popia lame hati, Ku ka popie huti, Ame ndimõla, momo wenda kuava vosi hu tuma, kuenda cosi hu sapuila o popia.

MATEO 10:18

Oco vu nanañainyailua kovaso olombiali lolosoma oku njimbila uvangi kokuavo kuenda ku vakualofeka.

YOANO 15:16

Heneko wa mbali, ame muẽle ndo vali, kuenje ndo tukuili okuti wendi ha wimi epako, lepako liaco li kala. Oco cosi vu pinga ku Isia vonduko yange u ciha.

OVILINGA 13:2

Osimbu va kala loku likutilila ku Ñala loku likandangiya okulia, oco Espiritu Sandu wa linga hati, Nepelipo Barnaba la Saulu ha va lingi upange nda va kovongela.

OVILINGA 21:19

Eci a va lama wa va lomboluila cimosi cimosi covina viosi Suku a linga pokati ka vakualofeka lupange waye.

OVILINGA 22:14

Yu wa linga hati, Suku yolosekulu vietu wa ku nola okuti o kũlĩha ocipango caye loku mola Ukuesunga, kuenda oku yeva ondaka komela waye.

OVILINGA 22:21

Ñala puai wa popia lame, hati, Kuende, momo hu tuma kupãla ku vakualofeka.

OVILINGA 25:22

Agripa wa popia la Festo hati, Lamevo njongola oku liyevela omunu waco. Festo wa kumbulula hati, U yeva hẽla.

OVILINGA 26:1

Agripa wa popia la Paulu hati, Cilo o kuete evelo lioku lombolola ondaka yove. Oco Paulu wolõla eka liaye, kuenje wa imba ohasa yaye hati,

OVILINGA 26:32

Agripa yu wa popia la Festo hati, Ulume u nda ka tukuile Kaisare nda ca tava oku weca.

OVILINGA 27:24

Ungelo wa linga hati, A Paulu, ku ka yokoke. O talama kovaso a Kaisare, kuenda Suku wa ku iha vosi va endela kumue love vonaviyu.

OVILINGA 28:17

Oco eci pa pita oloneke vitatu wa pañinya akulu va va Yudea va kalako. Eci va liongolola eye wa popia lavo hati, Akuetu, ndaño sia lingile omanu vetu cimue, pamue oku sama ovihõlo viavakukululu, haimo ko Yerusalãi va makuila povaka a va Roma.

OVILINGA 28:28

Oco limbuki okuti eyovo eli lia Suku lia tumiwa ku vakualofeka. Ovo va li yeva.

VA ROMA 1:1

Ame ndi Paulu, haime ndukuenje wa Yesu Kristu, haime nda kovongiwa oku linga upostolo, kuenje nda tumbikiwila oku kunda ondaka yiwa ya Suku,

VA ROMA 1:5

Kokuaye tua tambula ocali kuenda omangu yupostolo okuti, tu tavisa vakualofeka viosi mekonda lionduko yaye.

VA ROMA 11:13

Cilo mopia lene, ene wakualofeka. Omo ndupostolo wa vakualofeka ñemainya upange wange,

I VA KORINDO 15:10

Puãi, locali ca Suku, ñasi ndeci ñasi. Ocali caye kokuange ka ca ndingililile esanda. Koku talavaya nda piãla vosi. Ame hameko puãi, te ocali ca Suku ci kasi lame.

I VA KORINDO 9:16

Momo ndaño ñunda ondaka yiwa, haimo ka ci nyiha eci ndi lipanda laco. Nda ci kundikiwa. Ngongo yange nda si kundi ondaka yiwa.

VA GALATIA 1:1

Ame ndi Paulu ndupostolo. Sia noliwile lomunu. Sia tumbikiwile lomunu. Ndupostolo omo nda noliwa la Yesu Kristu kuenda la Suku Isia, u wo pindula kuava va fa.

VA EFESO 3:1

Ame ndi Paulu ndo lingili ene wakualofeka omandekua ya Kristu.

I TIMOTEO 2:7

Lame nda noliwila oku linga ukundi kuenda oku linga upostolo loku linga ulongisi woku longisa vakualofeka ekolelo locili. Mopia ocili, si kembi.

II TIMOTEO 1:11

Ame nda noliwila oku kunda ondaka yaco yiwa, loku yi longisa, haiyo nda kapiwila upostolo,

II TIMOTEO 2:4

Lalimue esualali, osimbu li kasi kusualali, li sakalala lovina vikuavo viomuenyo ulo, omo o livela lika oku sanjuisa u wo sonehisa kusualali.

ESITULUILO 17:14

Vi katuila Kameme ovita, kuenje Kameme o vi yula, momo eye Ñala yoloñala haeye Soma yolosoma, lava va kasi laye ovo va lalekua loku noliwa, haivo vakuepandi vekolelo.