OVILINGA 7:52 - Embimbiliya - Bíblia Sagrada em Umbundu

⁵² Uprofeto upi hẽ olosekulu viene ka vio kangisile? Kuenje va ipa ava va imba owanji wokuti Ukuesunga iya. Ukuesunga waco, eye una ene wa pakuli ndopo, kuenje wo wipayi,

OVILINGA 7:52 Iomraidhean Croise

I OLOSOMA 19:10

Eye hati, Nda kuatelele Yehova Suku yolohoka ombili yalua. Momo va Isareli va yanduluka ocisila cove, va lundula ovotala ove, kuenda va ipa ovaprofeto vove losipata. Ame, ame lika nda supapo, kuenje va sanda oku njupa omuenyo wange.

I OLOSOMA 19:14

Wa kumbulula hati, Nda kuatelele Yehova Suku yolohoka ombili yalua. Momo va Isareli va yanduluka ocisila cove, va lundula ovotala ove, kuenda va ipa ovaprofeto vove losipata. Ame, ame lika nda supapo, kuenje va sanda oku njupa omuenyo wange.

II ASAPULO 36:15

Yehova Suka yolosekulu viavo, ka liwekele oku va tumaisa olomunga viaye, momo wa kala lohenda lomanu vaye locitumãlo caye.

II ASAPULO 36:16

Puãi ovo va fuanguila olomunga via Suku, va sepula olondaka viaye, loku yola epembe ovaprofeto vaye, toke onyeño ya Yehova ya wengukila omanu vaye, toke ka kua kaile vali ekayo.

NEHEMIYA 9:26

Puãi haimo va linga ovimbinde; va tamalãla love; va imba konyima ovihandeleko viove. Va ipaya ovaprofeto vove, vana va va vetaiya okuti va tiukila kokuove. Pokati kaco va linga ovina via lua via puiya.

YEREMIYA 2:30

Omãla vene nda va veta ño, lopo ka va longiwile. Osipata yene muẽle ya lia ovaprofeto vene ndeci ohosi yi lia lia omanu.

YEREMIYA 20:2

Oco Pasihuri wa veta uprofeto Yeremiya kuenje wo valela vovikumbi vi kasi vombundi ya Benjamini yokonano, haiyo yovonjo ya Yehova.

YEREMIYA 26:15

Puãi limbuki ocili eci cokuti, nda vu njipa, osonde ye lipua eko yu wili kuenda yi wila vimbo lilo lava va tungamo. Momo mopia ocili, Yehova muẽle wa numa kokuene oku vu sapuila olondaka evi viosi.

YEREMIYA 26:23

Kuenje va kopile Uriya ve Egito, yu vo nena ku Soma Yehoyakimi. Eye wo wipa losipata kuenje wa inasi ocivimbi caye vovilangu viomanu vaño.

SAKARIYA 9:9

Amõla a Siono ukãi, yolela muẽle! Amõla a Yerusalãi ukãi, kaluka lesanju! Momo Soma yove yo, iya kokuove. Eye ukuesunga, haeye upopeli. Wonjuka. Endela kokacimbulu, omõla ocimbulu.

MATEO 5:12

Sanjuki, yoleli ca lua, momo onima yene kilu ya lua, momo haico va fũkĩlisa ovaprofeto vo liangeli.

LUKA 6:23

Eteke va ci linga, sanjuki, somboyoki lonjolela, momo onima yene kilu yalua momo haico vaisiavo va linga lovaprofeto.

YOANO 16:10

O lu limbukisa esunga momo ngenda ku Isia kuenje ka vu moli vali.

OVILINGA 2:23

Yesu yaco, haeye wa pakuiwa ndocipango ca Suku co tukuiwila ale, kuenje Suku wa ci kũlĩha, ene muẽle wo valelisi kekulusu, kuenje wo wipaisi lovaka omanu ka va kasi lovihandeleko.

OVILINGA 22:14

Yu wa linga hati, Suku yolosekulu vietu wa ku nola okuti o kũlĩha ocipango caye loku mola Ukuesunga, kuenda oku yeva ondaka komela waye.

OVILINGA 3:18

Puãi, eci Suku a cimbila ale owanji limẽla viovaprofeto vaye vosi, cokuti Kristu waye o tala ohali, oco wa ci tẽlisa.

OVILINGA 3:24

Kuenje ovaprofeto vosi va popia, tunde ku Samuele, lava va kuamamo, va imbavo owanji woloneke vilo.

OVILINGA 4:10

ci limbukiwe lene vosi, lomanu vosi va Isareli, okuti ulume u o tãi kovaso ene, o ñuai, momo wa sakuiwa vonduko ya Yesu Kristu u Nasara. Eye una ene wa valeli kekulusu, kuenje Suku wo pindula ku vakualufa.

I VA TESALONIKE 2:15

Ovo va ipa Ñala Yesu lovaprofeto, kuenje etu va tu tundisa lohali. Va sumuisa Suku kuenje va patãla omanu vosi,

II TIMOTEO 3:4

haivo olomakuli, vakuacipango, vakuepela, vakuakusola ca lua esanju, Suku ci sule.

I PETULU 1:11

Va puliliya oku kũlĩhisa ndomo ci kala, kuenda otembo ye ya tukuiwa le Espiritu lia Kristu, lina lia kala loku talavaya vokati kavo, eci lia imba owanji wotokua ya Kristu kuenda ulamba u yi kuama.

I YOANO 2:1

Atumãla tuange, ñasi loku vu sonehela ovina evi okuti ka vu lingi vali akandu. Puãi, nda umue o linga ekandu tu kuete oñuatisi yi tu livondelela kovaso a Isia, eye Yesu Kristu ukuesunga.

ESITULUILO 19:10

Oco nda kupukila posi kolomãi viaye oku u fendela, puãi eye wa popia lame hati, Ku ka ci linge. Ame ndindingupange kumue love lava vasitue love, haivo va kolela uvangi wa imbiwa la Yesu. Fendela Suku. Momo uvangi wa imbaiwa la Yesu owo utima wovaprofeto.

ESITULUILO 3:7

Sonehela ungelo wekongelo lio ko Filadélfia, huti, U o kola haeye ukuacili, haeye o kuete osapi ya Daviti, o yikulula kuenje lomue o yika, o yika kuenje lomue o yikulula, evi a popia vievi,