OVILINGA 7:30 - Embimbiliya - Bíblia Sagrada em Umbundu

³⁰ Eci pa pita akui akuãla kanyamo, oco ungelo wo tukulukila vekalasoko liomunda ya Sinai, vulienge wondalu vocisapa.

OVILINGA 7:30 Iomraidhean Croise

I OLOSOMA 19:8

Wa pasuka, wa lia, wa nyua kuenje wa enda longusu yokulia kuaco akui akuãla kovotanya lakui akuãla kovoteke, toke ko Horeve omunda ya Suku.

OLOSAMO 66:12

Wa pitisa vakuatuvalu kovitue vietu. Tua pita vondalu lo vovava. Haimo lumue wa tu nena oko kua yanja.

ETUNDILO 3:6

Wa popia vali hati, Ame ndi Suku yaso, haime ndi Suku ya Avirahama la Isake kuenda Yakoba. Mose wa lisitika kocipala omo oku tala Suku co linga usumba.

ETUNDILO 7:7

Mose wa tẽla akui ecelãla kovanyamo, kuenje Arone akui ecelãla kovanyamo kovanyamo atatu eci va popia la Fareo.

ISAYA 43:2

Eci o pita vovava ñala kumue love; leci o pita volondui ku vombi. Eci o pita vondalu ku pi, leci o pita vulienge ku kakuiwa.

ISAYA 63:9

Olohali viavo viosi eye wa vi talelavo kumosi lavo. Hamungako pamue ungelo wa va popela, puãi eye muẽle wa kalako kuenje wa va popela. Wa va yovola locisola caye kuenda ohenda yaye, wa va yelula kuenje wa vambata oloneke viosi viosiãhũlu.

DANIELE 3:27

Oco apalanga lavakalei lolonguluvulu lakulu va Soma va liongolola, yu va tala alume vaco, va limbuka okuti ondalu ka ya kaile lomoko katimba avo, ndaño esinga liovitue viavo ka lia kakukile, ndaño ovikalasãu viavo ka via nyõlẽhẽle, ndaño oku lẽha ondalu ka va lẽhẽle.

MALAKIYA 3:1

Tala! Ndi tuma omunga yange okuti o mongiyila onjila, kuenje Yehova, u wu sanda sanda, iya ocipikipiki konembele yaye. Ocili, una wa sanjukili, haeye omunga yocisila, iya muẽle. Oco ca popia Yehova Ukualohoka.

MARKO 12:26

Puãi kondaka yepinduko liava va fa, ka wa tangeli velivulu lia Mose, kondaka yocisapa, ndeci Suku a popia laye hati, Ame ndi Suku ya Avirahama, haime ndi Suku ya Isake, haime ndi Suku ya Yakoba?

LUKA 20:37

Puãi kondaka yepinduko lia vakuavilangu, ndaño Mose wa lekisa okuti ondaka yaco yocili, eci, vesapulo liocisapa, a tukula Yehova okuti eye Suku ya Avirahama, haeye Suku ya Isake, haeye Suku ya Yakoba.

OVILINGA 7:17

Puãi, eci oloneke viohuminyo yina Suku a likuminya la Avirahama via kamba naito oku tẽla, oco omanu vaco va luila ve Egito omo va licita.

OVILINGA 7:31

Eci Mose a ci mola wa komoha owima waco, kuenje, eci eya ocipepi oku ci tala, oco kua yevala ondaka ya Ñala yiti,

OVILINGA 7:32

Ame Suku yolosekulu viove, ndi Suku ya Avirahama la Isake kuenda Yakoba. Mose wa luluma kuenje ka lukutile vali oku talako.

OVILINGA 7:35

Oco, Mose una va pañuile cina vo pula vati, Wa ku kapa okuti o linga ombiali yetu pamue onganji yetu elie? eye Suku a tuma okuti o linga ombiali kuenda upopeli. Suku wo tuma lungelo una wo tukulukila vocisapa.

VA GALATIA 4:25

Kaliye Hagare eye ocisetahãi comunda Sinai ya Arabia, kuenje wa lisoka nda Yerusalãi ya cilo, omo o kasi vupika lomãla vaye.

ESINUMUĨLO 33:16

a yi sumũluĩse loviali via velapo viongongo lokuima kuayo, a yi sumũluĩse lesumũlũho liu wa kala vocisapa. Asumũlũho alo a wile kutue wa Yosefe, a wile muẽle konumbutue yu wa velapo pokati ka vamanjaco vosi.

ESINUMUĨLO 4:20

Puãi Yehova wo nõli ene, kuenda wo wupi vofolono yutale okuti ve Egito, ho lingi omanu vaye muẽle ndeci vu kasi etaili.