OVILINGA 6:11 - Embimbiliya - Bíblia Sagrada em Umbundu

¹¹ Oco va kapapo alume va linga vati, Etu tuo yeva eci a popia etonãi ku Mose kuenda ku Suku.

OVILINGA 6:11 Iomraidhean Croise

ETUNDILO 23:1

Ka ci tava oku pitisa olombonde viesanda. Ka ci tava oku likuta londingaivi hu lingi ombangi yuhembi.

YEREMIYA 26:11

Oco ovitunda kuenda ovaprofeto va popia lolombuale kuenda lomanu vosi vati, Omunu u wa sesamẽla okufa, momo, ndeci wa yevi lovatuĩ ene muẽle, wa popela imbo lilo ocitumasuku coku li pisa.

YEREMIYA 37:13

Eci a kala vombundi ya Benjamini, oco umue ondavululi, onduko yaye Iriya, eye omõla a Sielemiya, omõla a Hananiya, wa kuata uprofeto Yeremiya hati, O kasi loku yombolokela ku va Kaldea.

OVISILA 24:16

U imbula onduko ya Yehova ipaiwa muẽle. Omanu vosi vo sosola lovawe. Ci kale ocingendeleyi, ci kale onyitiwe, eci a imbula onduko yaco, ipaiwa.

YOANO 1:17

Momo ovihandeleko via eciwa la Mose, puãi ocali locili vieya la Yesu Kristu.

YOANO 16:3

Kuenje ovina evi va vi lingila omo ka va kũlĩhile Isia ndaño ame.

YOANO 9:29

Tu ci okuti Suku wa popia la Mose, puãi omunu u, oku a tunda ka tuiko.

OVILINGA 15:21

Momo, tunde kosiahũlu, vovaimbo osi, mua kala kala ava va lombolola Mose, momo ovisonehua viaye vi tangiwa volosunangonga asambata osi.

OVILINGA 18:6

Oco, eci va tamalala laye loku u wimbula oco eye wa tutumula uwalo waye kuenje wa popia hati, Osonde yene yi kale kovitue viene muẽle! Ame nda pua eko. Tunde opo ngenda ku vakualofeka.

OVILINGA 21:28

Va vilikiya vati, Alume va Isareli, tu kuatisiko. Omunu u, eye una o kasi loku longaisa omanu vosi kolofeka viosi oku sepula epata lietu lovihandeleko kuenda ocitumãlo cilo. Ca piãla enene, wa iñisa va Helasi vonembele, okuti wa vĩhisa ocitumãlo cilo ci kola.

OVILINGA 25:3

Tu linge ohenda. U tumila oku iya kulo ko Yerusalãi. Vovitima va sima ongombo yoku u lavekala ha vo wipaila vonjila.

OVILINGA 25:7

Eci Paulu eya, va Yudea va tunda ko Yersualãi vo ñuala ocingonja, vo wasa ovako a lua, ovako aco puãi ka va tẽlele oku a imbila uvangi.

OVILINGA 26:11

Olonjanja via lua nda va yambuila volosunangonga viosi, loku va silĩha okuti va popia etonãi. Nda va fuanguila ca lua kuenje nda va landola toke kovaimbo a vakualofeka.

OVILINGA 6:10

Puai ka va tẽlele oku tamalala lolondunge viaye le Espiritu a popia lalio.

OVILINGA 6:12

Oco va tutuminya omanu lakulu kuenda vakuavisonehua, kuenje oku wundumũhila, vo kuata, vo tuala vonjango.

OVILINGA 6:13

Va katula olombangi viuhembi viti, Omunu u ka liweka oku popia olondaka vi tomba ocitumalo cilo ci kola kuenda ovihandeleko.

VA ROMA 3:8

Nye ka tu lingila cĩvi ha ci koki ciwa? Kuli muẽle ava va tu lundila okuti oco tu popia. Episo liavo lia sunguluka.

I TIMOTEO 1:13

Ndaño ale nda kaile ukuakupopia Suku atonãi haime ndo kangisa loku u tondala, haimo nda lingiwa ohenda momo nda ci lingila onumbi yomo sia tavele handi.