OVILINGA 6:1 - Embimbiliya - Bíblia Sagrada em Umbundu

¹ Koloneke viaco, eci oloñame via kala loku lua, oco va Helasi va fetika oku lisiõsuĩla va Heveru, vati, Ovimbumba vietu vi limalaiwa ño eci va eca eca okulia eteke keteke.

OVILINGA 6:1 Iomraidhean Croise

YOVI 29:13

Esivayo liu wa sokele oku nyolẽha lia sanga. Nda kokela ocimbumba utima woku imba lesanju.

YOVI 31:16

Nda nda likalele eci ca yongola osuke, nda nda malele elavoko liocimbumba,

OLOSAMO 110:3

Eteke o songola olohoka viove kolomunda vi kola omanu vove va lieca kokuove olumue. Ndokutalala kuowume womele haico ci kasi ongusu yove yokumalehe.

OLOSAMO 72:16

Vofeka mu kale olomema via lua. Vi hunge hunge kilu liolomunda. Ovaima ayo a soke lavo voko Levanone. Kovaimbo ku telehe omanu ndowangu wovisenge.

ISAYA 1:17

Lilongisi oku linga ciwa. Sandi esunga; tamãlãli la vakuakukangisa ha vu va sunguluisa. Lingi olonganji violosiwe; lingi onyima yovimbumba.

ISAYA 27:6

Koloneke viokovaso Yakoba o tuamẽla, Isareli o yova kuenje o telẽha. Va yukisa oluali luosi lepako liavo.

YEREMIYA 30:19

Kokuavio ku yevalela ovisungo violopandu, ku yevalelavo olondaka viava va sanjuka. Ndi va luisa kuenje ka va lingi vañamiñami. Ndi va kemalisa kuenje ka va kala va sule.

ESEKIELE 22:7

Vokati kove omunu o pembula isiaye la inaye. Vokati kove akombe va talisua ohali. Vokati kove va linga cĩvi losiwe locimbumba.

MALAKIYA 3:5

Kuenje ndu wamẽli siu tetuluili lesunga. Ndinga ombangi yombili yoku pisa vakuakutãhã, lavakahonga, lava va lisila lesanda, kuenda ava va punda ofeto yolondingupange viavo, lava va punda kocimbumba losiwe, lava va linga cĩvi ukombe, kuenda ava ka va ñuetele usumba. Oco ca popia Yehova Ukualohoka.

MATEO 23:13

Ene a vakuavisonehua, lene a va Fariseo, wakuambambe, ngongo yene! Momo vu yikilako omanu usoma wokilu; ene muẽle ka wiñilamo, lava va yongola oku iñila vu va tateka.

OVILINGA 11:20

Puãi vamue pokati kavo, okuti alume va Kupro la va Kurene, eci veya ka Antiokea, va vangulavo la va Helasi oku va lomboluila ondaka yiwa ya Ñala Yesu.

OVILINGA 11:26

Eci o sanga weya laye ka Antiokea. Oco va kala lekongelo liaco unyamo wosi, kuenje va longisa omanu va lua. Kuenje ka Antiokea oko va livanga oku tukola olondonge, vati, Vakua Kristu.

OVILINGA 11:29

Oco olondonge via likapela oku eca omunu omunu ndeci a tẽla, loku tuma otumbongo tuoku kuatisa vakuetavo va kala vo Yudea.

OVILINGA 2:41

Oco, ava va tava kondaka yaye va papatisiwa, kuenje eteke liaco kua vandeka ca soka ndolohũlũkãi vitatu viomanu.

OVILINGA 2:45

Va landaisa ovikuata viavo lovina vikuavo va fuka, kuenje va vi liamuila pokati kavo vosi ndeci umue a kamba.

OVILINGA 2:47

Va endaenda loku sivaya Suku kuenda oku kala ciwa lomanu vosi. Kuenje eteke keteke Ñala wa vokiya kongongela yaco ava va popeliwa.

OVILINGA 4:35

kuenje va vi kapa polomãi viovapostolo, kuenje va liamowaila pokati, omunu omunu, ndeci a kamba.

OVILINGA 4:4

Puãi, va lua va yeva ondaka va tava, kuenje owiñi walume wa soka ndolohũlũkãi vitãlo.

OVILINGA 5:14

Kua vokiyiwa va lua va tava ku Ñala, owiñi walume lakãi,

OVILINGA 5:28

citi, Tuo handeleki longusu, tuti, Ko ka longisi vali vonduko yaco. Puãi haimo wa yukisi Yerusalãi lovilongua viene, kuenje wa pangi oku tu pisila osonde yomunu waco.

OVILINGA 6:2

Oco ekui liaco la vavali va kovonga owiñi woloñame, kuenje va popia lavo vati, Ka ca sungulukile okuti tu liweka oku kunda ondaka ya Suku ha tu vumbi olomesa.

OVILINGA 6:7

Ondaka ya Suku ya sandoka, loloñame via luila ca lua vo Yerusalãi. Kuenje owiñi wa lua wovitunda wa tava ketavo liaco.

OVILINGA 9:29

Wa kuata utõi woku kundila vonduko ya Ñala. Wa vangulavo la va Helasi loku lipatãla lavo. Ovo puãi va sanda oku wipa.

OVILINGA 9:39

Oco Petulu wa katuka yu wa enda kumue lavo. Eci a pitila va enda laye vonjo yosapalalo. Ovimbumba viosi vio ñuala, via lila kuenje vio lekisa uwalo lasanya osi Kambambi a tongele osimbu a kala kumue lavo.

OVILINGA 9:41

kuenje Petulu, oku u kuata peka, wo votola. Eci a kovonga olosandu lovimbumba, oco wa weca kokuavo lomuenyo.

VA ROMA 12:7

Nda uloño wetu oku kuatisa, tu kuatisi. Nda uloño womunu oku longisa, a longise,

I VA KORINDO 10:10

Ka tu ka lisiõsiõli ndeci vamue pokati kavo va linga, yu unyõli wa va nyõla.

II VA KORINDO 11:22

Ovo hẽ, va Heveru? Lamevo ndu Heveru, Ovo hẽ, va Isareli? Lamevo ndu Isareli. Ovo hẽ, ombuto ya Avirahama? Lamevo ndimbuto ya Avirahama.

ESINUMUĨLO 26:12

Eci wa mãla oku eca olonepa viekui viosi viociluli cove cunyamo watatu, omo owo unyamo wolonepa viekui, okuti wa vi ecale ku u Lewi lokocingendeleyi, kuenda kosiwe, lokocimbumba, okuti vovaimbo ene va lia ve kuta,

VA FILIPOI 3:5

Ndukuevamba lieteke liecẽlãla. Ndimbuto ya Isareli. Ndukuepata lia Benjamini. Ndu Heveru wa va Heveru. Kovihandeleko ndu Fariseo.

I TIMOTEO 5:3

Kuatisa ovimbumba via suka ocili.

I TIMOTEO 5:9

Ka va ka sonehe ocimbumba okuti ci kuatisiwa te ca tẽla akui epandu kanyamo, kuenda ca kala ukãi wulume umuamue.

VA HEVERU 13:1

Ocisola coku lisola pokati nda vamanji camameko.

TIAGO 1:27

Etavo liocili, hailio lia pua evĩho kovaso a Suku haeye Isia, lieli okuti, oku pasula ovimbumba lolosiwe kolohali viavo, loku lilava keliño lioluali.

TIAGO 4:5

Ele wa soki okuti ovisonehua vi popia esanda eci vi popia viti, Espiritu a kapa volonulo vietu o li kuetele ongeva?

TIAGO 5:9

A vamanjange, ko ka liyeyeli pokati, oco ka vu pisiwa. Limbuki okuti onganji yi tãi ale puvelo.