OVILINGA 5:42 - Embimbiliya - Bíblia Sagrada em Umbundu

⁴² Oloneke viosi ka va liwekele oku kundila vonembele lo volonjo, loku longisa okuti Yesu eye Mesiya.

OVILINGA 5:42 Iomraidhean Croise

II SAMUELE 6:22

Mbokinyako vali oku linga eci ci nombisa. Sawuka muẽle kovaso ove. Puãi kovaso afeko vana ove wa tomba sumbiwa.

LUKA 21:37

Eteke keteke, utanya wa longaisa vonembele, uteke puãi wa tunda vimbo, oku ka pekela komunda ya tukuiwa Oliveira.

LUKA 22:53

Eci nda kala kala lene vonembele eteke keteke ka wa ndambeli. Puãi ola yilo ola yene muẽle, haiyo yunene wowelema.

OVILINGA 11:20

Puãi vamue pokati kavo, okuti alume va Kupro la va Kurene, eci veya ka Antiokea, va vangulavo la va Helasi oku va lomboluila ondaka yiwa ya Ñala Yesu.

OVILINGA 13:32

Etu tu vu sapuila ondaka yiwa yokuti ohuminyo yina Suku a likuminya lolosekulu vietu,

OVILINGA 17:18

Oco olonoño vimue via va Epikuru la va Stoiku via hoya laye. Vamue vati, Emamõhe eli hẽ, li yongola oku popia nye? Kuenje, omo a kunda Yesu lepinduko, oco vakuavo vati, Huti ño o kasi loku kunda olosuku violofeka viñi.

OVILINGA 17:3

Wa lombolola, kuenda wa lekisa okuti Mesiya, co sokiyilua oku tala ohali loku pinduka ku vakuavilangu. Noke wa teta onimbu hati, Yesu u ñasi loku u vu lomboluila, eye Mesiya.

OVILINGA 2:46

Eteke keteke va endaila pamosi vonembele. Volonjo viavo va timbowaila Pamosi ombolo. Va lia lia okulia kuavo lesanju lesunguluko liutima.

OVILINGA 20:20

Wa kũlĩhivo ndeci sia yuvuile oku lombolola kokuene olondaka viosi viu kuatisi, loku vu longasaila vovila lo volonjo.

OVILINGA 4:20

Momo etu, lacimue vali tu tẽla oku linga, te oku popia eci tua mola leci tua yeva.

OVILINGA 4:29

Kaliye a Ñala, limbuka ndomo va kasi loku seteka oku tu lingisa usumba, kuenje eca kakuenje vove utõi woku popia ondaka yove,

OVILINGA 8:35

Oco Filipu, oku fetikila kocisonehua caco, wo lomboluila ondaka yiwa ya Yesu.

OVILINGA 8:5

Filipu wa lokila kimbo limue ko Samária, kuenje wa va kundila Kristu.

OVILINGA 9:20

haico muẽle a kundila Yesu volosunangonga okuti eye Mõla a Suku.

I VA KORINDO 2:2

Momo nda panga okuti, lacimue ñulĩha pokati kene te Yesu Kristu, u wa valeliwa kekulusu.

VA GALATIA 1:16

eci co sunguluka oku situluila Omõlaye okuti ndu lombolola ku vakualofeka, oco sia vanguile lomunu.

VA GALATIA 6:14

Oku lipanda ku kale ocipãla lame, te oku lipandela ekulusu lia Ñala yetu Yesu Kristu. Omo nda lipandela ekulusu oco kokuange oluali lua fa, lua valeliwa kekulusu, lamevo koluali nda fa, nda valeliwa kekulusu.

II TIMOTEO 4:2

Kunda ondaka. Kolisako, ndaño kotembo yaco, ndaño hakotembo yacoko. Tamalala lava va yi pengisa. Lemela. Lungula. Ku ka tepuluke kepandi ndaño koku longisa.