OVILINGA 5:4 - Embimbiliya - Bíblia Sagrada em Umbundu

⁴ Osimbu kua li landisile hẽ, ka lia kaile liove muẽle? Leci wa li landisa olombongo viaco hẽ, ka via kaile viove oku linga lavio ndeci wa panga? Elinga ndeli wa li panga ndati vutima wove? Kua kembele omunu te Suku.

OVILINGA 5:4 Iomraidhean Croise

I ASAPULO 29:17

A Suku yange, nda kulihavo okuti wukuakunyika utima, loku sanjukila esunguluko. Ame, nda panga oku lumba ovina evi viosi lesunguluko liutima wange. Kaliye nda kuata onjolela oku mõla ndomo omanu vove va kasi palo loku ku lumbila lutima wosi.

I ASAPULO 29:3

Kuenda vali, loku vokiya kilu lia viosi nda angiliyila ale onjo yi kola, ñuete ukuasi wange muẽle wulu lopalata, kuenje ndu weca konjo ya Suku yange, momo ñuetele onjo ya Suku yange ocisola;

I ASAPULO 29:5

Ulu waco wovina vi sesamela oku pangiwa lulu, kuenda opalata yovina vi sesamela oku pangiwa lopalata, leyi yovopange aiñi aiñi osi a lingiwa lovaka olomesele. Oco helie o panga oku lumba, ha litumbika etaili ku Yehova?

I ASAPULO 29:9

Oco omanu va sanjuka, momo va panga oku lumba. Lutima wa sunguluka va panga oku lumba ku Yehova. Soma Daviti, leyevo wa ci sanjukila lesanju lia lua.

YOVI 15:35

Va mina evĩho, va cita ohali. Vovitima viavo va so vola elimbi.

OLOSAMO 139:4

Ka ku li ondaka kelimi liange te ove, a Yehova, wa yi kũlĩha yosi.

OLOSAMO 7:14

Tala, ukuevĩho o sakalala loku cita ũvi. We mina evĩho, o cita uhembi.

ETUNDILO 16:8

Oco Mose wa linga hati, Eci Yehova o waveli ositu yoku lia oñolosi lombolo yoku lia omẽle, momo Yehova a yeva okulisiõsiõla kuene wo lisiõsuĩli, etu hẽ, etu velie? hetuko wa tu lisiõsuĩli, wa lisiõsuĩli Yehova.

ETUNDILO 35:29

Va Isareli va nena olombanjaile via Yehova via lumbiwa locipango, okuti alume vosi lakãi vosi ovitima viavo via va pangisa ovio muẽle oku eca kupange Yehova a handeleka oku lingiwa la Mose.

UKUNDI 5:5

Ca velapo okuti ku lisila, oku lisila kuenje ku ci lingi, oco cĩvi.

ISAYA 59:4

Lomue o yalela ekanga esunga, lomue o tana locili; puãi va kolela esanda, va popia uhembi, va mina ahuku, va cita evĩho.

ESEKIELE 38:10

Oco ca popia Ñala Yehova ceci, hati, Eteke liaco ovisimilo viya kutima wove, kuenje o tumba ehala lĩvi.

ATENDELO 16:11

Oco ove lowiñi wove wosi eci wongoloki ndeti wongolokeli oku lisiõsuĩla Yehova. Arone hẽ wa linga nye okuti eye vu lisiõsuĩla?

LUKA 10:16

U o vu yeva o njeva ame, lu o vu likala o liñala ame, lu o liñala ame o likala u wa numa.

OVILINGA 5:3

Petulu wa linga hati, A Ananiya, nye Satana e yukisila vutima wove uhembi woku kemba Espiritu Sandu loku soleka onepa yondando yepia?

OVILINGA 5:9

Petulu puãi wo pula vali hati, Nye wa litaveli pokati oku nyika Espiritu lia Ñala? Olomãi viava va kenda veyove vievi puvelo, kuenje va ku ambatavo.

I VA KORINDO 8:8

Okulia puãi ka ku tu muisa esunga ku Suku. Ndaño ka tu li, ka tu sule, ndaño tu lia, ka tu piãla.

I VA TESALONIKE 4:8

Oco, wosi o pembula elungulo eli ka pembuile omunu te Suku u wo wihi Espiritu liaye li kola.

FILEMONE 1:14

Puãi sia yonguile oku linga cimue te ove muẽle wa tava. Nda yongola okuti ohenda yosi o linga ka yi lingiwa ño ocikukui, puãi yi tunda kutima wove.

TIAGO 1:15

Oloñeyi, eci vi mina, vi cita ekandu, lekandu, eci li kula, li cita okufa.

I SAMUELE 8:7

Yehova yu wa kumbulula Samuele hati, Yeva cosi omanu va popia love momo haveko va ku yanduluka, ame muẽle va njanduluka okuti si lingi vali Soma yavo.