OVILINGA 5:11 - Embimbiliya - Bíblia Sagrada em Umbundu

¹¹ Usumba wa lua wa kuata ekongelo liosi kuenda omanu vosi va yeva ovina evi.

OVILINGA 5:11 Iomraidhean Croise

OLOSAMO 89:7

Vongombo yava va kola Suku ukuakululumisa cimue. O lingisa usumba wa velapo, vosi vo ñuala ci sule.

YEREMIYA 32:40

Ndi lisila lavo ocisila ka ci pui cokuti si liweka oku va linga ciwa. Ñapa esumbilo liange vovitima viavo okuti ka va tundi vali kokuange.

OVILINGA 19:17

Cosi eci ca yevala ku va Yudea vosi lo ku va Helasi va tunga ke Efeso. Vosi yavo va kuata usumba, kuenje onduko ya Ñala Yesu ya kemanyaiwa.

OVILINGA 2:43

Usumba wa kuata omanu vosi. Ovikomo via lua lovilimbu via lingiwa lovapostolo.

OVILINGA 5:5

Eci Ananiya a yeva olondaka evi wa kupuka kuenje wa fa. Usumba wa lua wa kuata vosi va ci yeva.

OVILINGA 9:31

Ekongelo lioko Yudea yosi, lo ko Galilea, kuenda ko Samária, lia linala lombembua kuenje liamamako. Lia endela vonjila yoku sumbila Ñala loku kolisua le Espiritu Sandu, kuenje lia vokiyiwa.

VA FILIPOI 2:12

Oco, a vakuacisola cange, ndeci ale wa pokowaili, okuti eci nda kaile lene hacoko lika, haico cilo, ndaño si kasi lene, kolisiko oku linga eci ci koka epopelo liene. Kolisiko muẽle laco lusumba loku luluma.

VA HEVERU 11:7

Noha, omo a kala lekolelo, oco eci a lunguiwila ovina ka via molehele handi, wa kuata ohele, yu wa angiliya ocimbaluku oku popela onjo yaye; oco wa pisa oluali kuenje wa linga kapiñala kesunga lina liya lekolelo.

VA HEVERU 12:15

Lavululi sanga umue o lipumbisa ohenda ya Suku. Kali lutate sanga olumbombo lumue lu koka oku lula lu yova, kuenje lu tatamisa, okuti va lua va vĩhisua laluo.

VA HEVERU 12:28

Oco, tu imbi olopandu omo tua tambula usoma ka u lulumisua. Tu fendeli Suku lefendelo lia sunguluka, kuenda lesumbilo loku liuvika,

VA HEVERU 4:1

Oco, osimbu tu kasi lohuminyo yoku iñila vepuyuko liaye, lunguki, sanga umue pokati kene o moleha okuti wa li lipumbisa.

I PETULU 1:17

Kuenje, nda vu likutilila hoti, A Isietu,— ku o tetuluila vosi omunu omunu ndovilinga viaye, okuti ka kuete ocame, oco, kali lesumbilo osimbu vu kasi olonungi kilu lieve.

ESITULUILO 15:4

A Yehova, u ka tava oku ku sumbila loku tumbangiya onduko yove, helie? Momo ove lika o kola. Olofeka viosi viya, vi ku fendela, momo okutetulula kuove kua moleha.