OVILINGA 4:32 - Embimbiliya - Bíblia Sagrada em Umbundu

³² Vosi va tava va kala lutima umuamue lomuenyo umuamue. Lomue wa tukula cimue covikuata viaye hati, Cange, puãi ovina viosi vati, Vietu.

OVILINGA 4:32 Iomraidhean Croise

II ASAPULO 30:12

Eka lia Suku lia kalavo ko Yuda oku va iha utima umuamue ha va lingi eci Soma kumue lolombuale viaye va handeleka londaka ya Yehova.

YEREMIYA 32:39

Ndi va iha utima umuamue kuenda onjila yimuamue okuti va sumbila oloneke ka vi pui. Ndi ci lingila esumũlũho liavo leli liomãla vavo va va kuãi.

YOANO 17:11

Ame si kasi vali voluali, ovo puãi, va kasi voluali, kuenje ame njiya kokuove. A Tate o kola, va lavela vonduko yove eyi wa nyiha, oco va kale vamuamue ndetu muẽle.

OVILINGA 1:14

Ava vosi va likapela oku pandakaisa lolohutililo, kumue lakãi, kuenda Maria ina ya Yesu, la vamanjaye.

OVILINGA 2:1

Eci eteke lia Pendekoste lieya va kala vosi kumuamue.

OVILINGA 5:12

Va tuwa oku ongolokela vocindumba ca Salomone. Ovilimbu via lua lovikomo via lingiwa pokati komanu lovaka ovapostolo.

VA ROMA 12:5

haico, ndaño tu va lua, haimo tutimba limuamue vu Kristu, kuenje tuvimatamata vi likuatisa pokati.

I VA KORINDO 1:10

A vamanji, ndu peyi londuko ya Ñala yetu Yesu Kristu okuti, vosi wu popia popia cimuamue. Pokati kene ka pa ka kale olonepele, puãi likuati omunga lutima umuamue lolondunge vimuamue.

II VA KORINDO 13:11

Oco, a vamanji, sanjuki. Penguluisi olonjila viene. Yevi kondaka yange. Kuati utima umosi. Kali lombembua, kuenje Suku yocisola lombembua o kala lene.

VA FILIPOI 1:27

Ndu kisiki ca lua okuti ovimuenyo viene vi soka londaka yiwa ya Kristu, okuti ndaño njiya kuenje ndu moli, ndaño siya, haimo njeva okuti wa kolipo v'Espiritu limuamue, kuenje njevavo okuti vu kuete utima umosi oku yakela ekolelo lioku kolela ondaka yiwa.

I PETULU 3:8

Oku sulako mopia siti, Ene vosi, kali lutima umuamue. Lingi vakuahenda. Kali locisola coku sola vakuẽle. Lingi ambombe kuenda asima.

I PETULU 4:11

Wosi o popia, a popie ndu o sapula olondaka viovitumasuku. Wosi o vumba a vumbe ndu o talavaya longusu yo wiha Suku. Ci lingiwe okuti kovina viosi Suku o muisua ulamba la Mitakati Yesu Kristu. Kokuaye ku tiama ño-o hũ ulamba kuenda uviali. Amene.