OVILINGA 4:30 - Embimbiliya - Bíblia Sagrada em Umbundu

³⁰ osimbu ove o kasi loku oluĩla eka liove koku sakula loku linga ovilimbu lovikomo vonduko y'Ukuenje wove o kola, Yesu.

OVILINGA 4:30 Iomraidhean Croise

ETUNDILO 6:6

Oco ondaka yange ku va Isareli, yeyi, Ame ndi Yehova, kuenje ndu wupi ovitele via va Egito. Nyimũla upika waco, ndu yovoli lokuokuo kuolõha lolonimbu via tua.

YEREMIYA 15:15

A Yehova, ove wa ci kũliha. Njivaluke. Masule. Fetuluinyile ava va njambula. Omo ove o kasi lepandi ku ka njupe. Limbuka okuti nda ku muĩla esepu.

YOANO 4:48

Oco Yesu wa popia laye, hati, Ene ka vu tava te nda vu mola ovilimbu lovikomo.

OVILINGA 2:22

Ene alume va Isareli, yeveleli olondaka evi: Yesu u Nasara, ulume una Suku a lombolola kokuene kuenje wo wimbila uvangi mekonda liovonene lovikomo kuenda ovilimbu Suku a linga laye pokati kene, ndeci wa ci kũlĩhi ene muẽle,

OVILINGA 2:43

Usumba wa kuata omanu vosi. Ovikomo via lua lovilimbu via lingiwa lovapostolo.

OVILINGA 3:13

Suku ya Avirahama la Isake kuenda Yakoba, haeye Suku yolosekulu vietu, eye wa ci lingila oku muisa Omõlaye Yesu ulamba. Omõlaco ene wo pakuli kuenje wo likaleli kovaso a Pilato, eci a pangele oku weca.

OVILINGA 3:16

Onduko yaye, kuenda oku kolela onduko yaco, oco ca pamisa undeti vu lete haeye wa kũlĩhi. Ekolelo lia eciwa la Yesu olio lia muisa ulume u uhayele wocili kovaso ene vosi.

OVILINGA 3:6

Puãi Petulu wa linga hati, Opalata lulu si kuete, puãi eci ñuete oco hu iha. Vonduko ya Yesu Kristu u Nasara, enda.

OVILINGA 4:10

ci limbukiwe lene vosi, lomanu vosi va Isareli, okuti ulume u o tãi kovaso ene, o ñuai, momo wa sakuiwa vonduko ya Yesu Kristu u Nasara. Eye una ene wa valeli kekulusu, kuenje Suku wo pindula ku vakualufa.

OVILINGA 4:27

momo ocili vimbo lilo, Herode, la Pondiu Pilato, kuenda vakualofeka, lomanu va Isareli, vongolokela Ukuenje wove o kola, okuti Yesu una ove wa waveka.

OVILINGA 5:12

Va tuwa oku ongolokela vocindumba ca Salomone. Ovilimbu via lua lovikomo via lingiwa pokati komanu lovaka ovapostolo.

OVILINGA 6:8

Stefano, eye omunu we yuka ocali ca Suku kuenda unene, wa linga ovikomo kuenda ovilimbu vinene pokati komanu.

ESINUMUĨLO 4:34

Kuli hẽ osuku yimue ya la seteka oku enda oku ka liupila epata vokati kepata likuavo ndeci Yehova Suku yene a linga? Ene muẽle wa moli lovaso ene ndeci Yehova a enda ke Egito kuenje wo wupilili lohali kuenda ovindekaise lovikomo lovita kuenda eka lia pama lokuokuo kuolõha levi vi yokokisa.