OVILINGA 4:2 - Embimbiliya - Bíblia Sagrada em Umbundu

² Ca va tatama omo va longisa omanu, kuenda va kunda vati, Kuli epinduko lia vakualufa omo Yesu wa pinduka.

OVILINGA 4:2 Iomraidhean Croise

NEHEMIYA 2:10

Sambalata puãi una u Horoni, kuenda ukuenje Toviya u Amoni eci va ci yeva, va ci suvuka ca lua, okuti umue weya oku kuatisa va Isareli.

OVILINGA 13:45

Puãi, eci va Yudea va mola owiñi waco, va lenda itima, va patãla ovina via popiwa la Paulu kuenje vo sepula.

OVILINGA 17:18

Oco olonoño vimue via va Epikuru la va Stoiku via hoya laye. Vamue vati, Emamõhe eli hẽ, li yongola oku popia nye? Kuenje, omo a kunda Yesu lepinduko, oco vakuavo vati, Huti ño o kasi loku kunda olosuku violofeka viñi.

OVILINGA 19:23

Oloneke viaco koku vangula onjila ya Ñala kueyilila onjaya ya lua.

OVILINGA 24:21

Mbi ca kala ondaka yimuamue nda vilikiya eci nda talama pokati kavo, siti, Etaili kovaso ene ñasi loku sombisiwila epinduko lia vakualufa.

OVILINGA 26:23

Momo ovo va popia vati, Mesiya o tala ohali, haeye o lianga oku pinduka ku vakualufa kuenje imba uvangi wocinyi kepata eli kuenda ku vakualofeka.

OVILINGA 26:8

Nye vu simila hoti, Suku ka tẽla oku pindula vakualufa?

OVILINGA 3:15

Oco, ene wa ipayi usovoli womuenyo, Suku puãi wo pindula ku vakuavilangu. Eci, etu muẽle tua cimbila uvangi.

OVILINGA 5:17

Puãi ocitunda cinene ca votoka, la vosi va kala laye okuti ocisoko ca va Sadukeo. Vosi yavo ve yuka onya,

VA ROMA 8:11

Puãi, nda Espiritu liu wa pindula Yesu kuava va fa li tunga vovitima viene, oco, u wa pindula Kristu kuava va fa o muisavo omuenyo atimba ene a fa fa. O ci linga loku talavaya le Espiritu liaye lina li kasi vovitima viene.

I VA KORINDO 15:23

Puãi vosi omunu omunu komangu yaye. Kristu eye epako liatete, noke vava va tiama ku Kristu eci a tukuluka.