OVILINGA 3:19 - Embimbiliya - Bíblia Sagrada em Umbundu

¹⁹ Oco, likekembeli akandu ene. Pongoloki okuti akandu ene a ecelua, kuenda okuti kuiya oloneke viekavuluko vi tunda ku Suku.

OVILINGA 3:19 Iomraidhean Croise

OLOSAMO 103:12

Ndeci kutundilo kupãla lutakelo haico a kapa okulueya kuetu ocipãla.

OLOSAMO 51:13

Oco ndongise vakuakandu ovituwa viove, kuenje vakuakandu va tiukila kokuove.

OLOSAMO 51:9

Yuvuisa ocipala cove kakandu ange. Imula avĩho ange osi.

ISAYA 43:25

Ame, ame muele, hu ecela oku lueya kuove mekonda lionduko yange. Si ivaluka vali akandu ove.

ISAYA 44:22

Okulueya kuove nda ku takatisa ndelende, kuenda akandu ove ndombundu. Tiuka vali kokuange omo nda ku yovola.

ISAYA 51:11

Kuenje ava va yowiwa la Yehova va tiukila, veya ko Siono loku imba ovisungo. Onjolela ka yi pui yi kala kovitue viavo; va mõla esanju kuenda onjolela; esumuo kuenda okusakoka ku tila.

ISAYA 6:10

Lemisa utima womanu ava, lemisa ovatui avo, patisa ovaso avo, sanga va leta lovaso avo kuenje va yeva lovatui avo ha va limbuka lovitima viavo yu va pongoloka, kuenje va sakuiwa.

ISAYA 61:3

loku sapuila vakuakulila vo Siono elembeleko; loku piñainya eposuiso petiko, loku piñainya ulela wesanju poku lila. Poku nyumãla pa piñala uwalo wesivayo; okuti va tukuiwa oviti viesunga via kulĩlua ulamba wa Yehova.

ISAYA 61:9

Ombuto yavo yi kulĩhĩwa pokati kolofeka kuenda omãla vavo pokati komanu. Vosi va va mõla va tava okuti haivo ombuto Yehova a sumuluĩsa.

YEREMIYA 36:3

Mbi epata lia Yuda li tava oku yeva ovina viosi nda panga oku vi linga, okuti vosi va tinduka, omunu omunu konjila yaye yivi, kuenje ndi va ecela evĩho liavo lakandu avo.

YEREMIYA 50:20

Koloneke viaco kuenda kotembo yaco vo Isareli va vanjiliya evĩho puãi ka va li sangi, kuenje vo Yuda va vanjiliya akandu puãi ka va a sangi. Momo ngecela akandu ava ndi va sia ndocisupe. Oco ca popia Yehova.

ASIÕSUILO 3:40

Tu konomuisi olonjila vietu loku vi seteka, ha tu tiuka ku Yehova.

ASIÕSUILO 5:21

Tu tiule, a Yehova, ha tuiya kokuove, oco tu tumbuluke. Tu muise vali ongusu ndoloneke vionahũlu.

ESEKIELE 33:11

Ndomo ñasi lomuenyo si sanjukila okufa kuondingãivi. Eci puãi sanjukila ceci, Nda ondingãivi yi tinduka konjila yaye ha yi kala lomuenyo. Apata lia Isareli, tinduki, tinduki kolonjila viene vĩvi. Vu fila nye?

DANIELE 9:13

Ndeci ca sonẽhĩwa vovihandeleko via Mose, oco ohali yaco yosi ya tu wila. Haimo ka tua lipilikilile ohenda ya Yehova Suku yetu, loku pongoloka kolohole vietu ha tu limbuka ocili cove.

HOSEA 14:2

Pongiyi olondaka vioku enda lavio. Tiukili ku Yehova. Popi laye, hoti, Tupe evĩho liosi, tambula esunga li sialapo kuenje tu ku lumbila olondaka viovimẽla vietu, olonãle havioko.

YOELI 2:13

Ko ka toli vali olonanga, toli puãi itima. Pongolokeli ku Yehova, Suku yene, momo eye ukuahenda haeye ukuacikembe, o livala konyeño, otembo yosi o kasi locisola ka ci pongoloka, kuenda kocisimĩlo coku nyõla o liwekako.

MATEO 13:15

Momo utima womanu ava wa siva. Va yeva naito lovatui avo, va pata ovaso avo, kuenje va yeva lovatui avo, sanga va limbuka lovitima viavo, ha va tiuka kuenje ndi va sakula.

MATEO 18:3

Wa popia hati, Ocili mopia lene siti, Lalimue eteke wiñili vusoma wokilu te nda vu pongoloka ho lingi ndotumãla.

LUKA 1:16

O pongoluisila omãla va lua va Isareli ku Yehova Suku yavo.

LUKA 22:57

Puãi Petulu wa likala hati, Okãi, siu wi.

OVILINGA 1:6

Oco, eci va liongolola vo pula vati, A Ñala, cilo he, o tumbulula usoma wa Isareli ale?

OVILINGA 11:18

Oco, eci va yeva ovina evi, va liweka oku popia. Kuenje va tumbangiya Suku, vati, Ocili vakualofeka lavovo, Suku wa va iha utima woku likekembela akandu okuti va mola omuenyo.

OVILINGA 11:21

Eka lia Ñala lia kala lavo, kuenje va lua va tava, va pongolokela ku Ñala.

OVILINGA 15:3

Oco, eci va katuiwa lekongelo, va pita vo Foinike lo vo Samária kuenje va sapula epongoloko lia vakualofeka. Ca sanjuisa ca lua vosi vakuomanji waco wa Kristu.

OVILINGA 17:26

Oku fetika lomunu umuamue wa sovola apata osi omanu va tunga kilu lieve, kuenje wa va tukuila ovovo lolongave violofeka viavo.

OVILINGA 2:38

Kuenje Petulu wa popia lavo hati, Ene vosi omunu omunu, likekembeli akandu ene, papatisilui ongecelo yakandu vonduko ya Yesu Kristu, oco vu mola ocali ce Espiritu Sandu.

OVILINGA 28:27

Momo ovitima viomanu ava via seluka. Atui avo a yeva lenyoño. Va patisa ovaso avo sanga va mola lovaso kuenda va yeva lovatui kuenda va limbuka lovitima viavo, ha va pongoloka si va sakula.

OVILINGA 3:20

Pongoloki okuti o tuma Kristu una wo sokiyiwili okuti Yesu.

OVILINGA 3:21

Eye, ocili, o kala kilu toke koloneke vioku tumbulula ovina viosi via tukuiwila Suku lovimẽla viovaprofeto vaye va kola, tunde kosiahũlu.

VA ROMA 11:25

A vamanji, kuli elumbu limue kuenje njongola okuti elumbu liaco liu lomboloki sanga vu lilungukila ene muẽle. Elumbu liaco lieli, va Isareli vamue va tĩlisa ovitima viavo, puãi okutĩla kuaco ku kala lika toke vakualofeka va popeliwa la Suku va suapo.

II VA TESALONIKE 1:10

Va li mola eteke Yesu iya ha muisua ulamba lolosandu viaye, loku komohiwa lava vosi va tava, momo owanji wetu wo kokuene wa kolelua.

II VA TESALONIKE 1:7

loku eca kokuene vu kasi loku talisua ohali, epuyuko kumue letu, eci Ñala Yesu a ka tukuluka tunde kilu lovangelo vaye va pama vondalu yulienge,

II TIMOTEO 2:25

Ava va patãla o va pengulula lumbombe okuti, nda ci tava, Suku o va iha utima woku likekembela akandu loku kũlĩha ocili.

VA HEVERU 4:1

Oco, osimbu tu kasi lohuminyo yoku iñila vepuyuko liaye, lunguki, sanga umue pokati kene o moleha okuti wa li lipumbisa.

I PETULU 2:25

Momo wa kaili loku tungayala ndolomeme, kaliye puãi, wa tiukili kungombo wovitima viene, haeye ukuaku vi lava.

II PETULU 3:8

Puãi, a vakuacisola, ko ka ivaliko eci cokuti, eteke limuamue ku Suku lia soka ndohulukãi yalima, lohulukãi yalima ya soka ndeteke limuamue.

ESITULUILO 21:4

Eye o puenya asuelela osi kovaso avo. Okufa ka ku kalako vali, ndaño oku lila loku liyula lupongo laviovo ka vi kalako vali. Momo ovina viatete via pita.