OVILINGA 26:6 - Embimbiliya - Bíblia Sagrada em Umbundu

⁶ Cilo ñasi vekanga mekonda lielavoko ñuetele ohuminyo Suku a likuminya lolosekulu vietu.

OVILINGA 26:6 Iomraidhean Croise

EFETIKILO 12:3

Ava va ku sumũluisa ndi va sumũlũisa, lu o ku siñala ndu siñala; apata osi oluali a sumũlũhila kokuove.

EFETIKILO 22:18

Olofeka viosi viokilu lieve vi sumũlũhila kombuto yove momo wa pokola kondaka yange.

EFETIKILO 26:4

kuenje nduisa ombuto yove ndolombungululu viokilu. Ngeca kombuto yove olofeka evi viosi, okuti olofeka viosi viokilu lieve vi sumũluhila kombuto yove.

EFETIKILO 3:15

Ñapa ukuse pokati kene, love lukãi, lo pokati kombuto yove lombuto yaye. Eye o sasõla utue wove, kuenje ove u lumana kocisendemãi.

EFETIKILO 49:10

Ombueti yonanelo ka yi tundi ku Yuda, ndaño onganji kovitumbulukila viaye, toke Ukuambembua iya, kuenje omanu va pokola kokuaye.

OLOSAMO 132:11

Yehova wa lisinga la Daviti esingo liocili, kuenje ka tiukamo, hati, Ñapa kocalo cove umue pomãla vove wa cita.

OLOSAMO 132:17

Oko muẽle njovisila ombinga ya Daviti. Nda pongiyila ombuavekua yange ovela.

OLOSAMO 98:2

Yehova wa tukulula eyulo liaye. Wa lekisa ciwa esunga liaye kovaso olofeka.

ISAYA 4:2

Keteke liaco ocinjovelela ca Yehova ci posoka lulamba, kuenje epako liofeka li linga eposo lia va Isareli ava va puluka; li lingavo ulamba wavo.

ISAYA 7:14

Oco Ñala eye muẽle u wĩha ondimbukiso. Ota, ufeko o mina, o cita omõla ulume kuenje u luka Emanuele.

ESEKIELE 21:27

Ndi li nyõla. Ndi li nyõla. Ndi li nyõla muẽle pe. Ka ku siala ndaño ocima toke kuiya u cu sesamela kuenje ndi ceca kokuaye.

ESEKIELE 37:24

Ukuenje wange Daviti o linga osoma yavo. Vosi yavo va kala lungombo umosi. Va kuama ovisila viange loku tata ovihandeleko viange loku vi linga.

HOSEA 3:5

Noke omãla va Isareli va pongoloka ha va sandi Yehova Suku yavo, la Daviti Soma yavo. Kovaso veya lesumbilo ku Yehova lohenda yaye.

YOELI 2:32

Kuenje vosi va tukula onduko ya Yehova va popeliwa. Momo vomunda Siono kuenda vo Yerusalãi mu kala ava va popeliwa, ndeci Yehova a popia. Pokati kava va popeliwa pa kala ava va kovongiwa la Yehova.

OVADIYA 1:21

Ovapopeli va londa komunda Siono ha va viala omunda ye Esau. Kuenje Yehova o viala.

MIKA 5:2

Puãi ove, a-Beteleme Efarata, ove o sule pokati kapata a Yuda, kokuove ku nundila u o linga ombiali ya Isareli. Ocikoti caye ca tunda kosiãhũlu, koloneke viale.

MIKA 7:20

O tata Yakoba locili, o kuatela Avirahama ocisola ka ci pongoloka, ndeci wa lisilasila lolosekulu vietu tunde kosiãhũlu.

SAKARIYA 13:1

Keteke liaco kepata lia Daviti lolonungi via Yerusalãi ku tombokela ono yovava a va yelisa kakandu avo kuenda kokuliña kuavo.

SAKARIYA 13:7

Asipata! Somõhẽla ungombo wange una o kasi ocipepi lame. Oco ca popia Yehova Ukualohoka. Mbeta ungombo okuti olomeme vi sandoka. Ndaño otumeme tutito ndi tu vetavo.

SAKARIYA 6:12

Popia laye, huti, Ca popia Yehova Ukualohoka ceci, hati, Tala! Onduko yulume u, eye Cinjovelela. Eye o yovela kocitumãlo caye kuenje o tunga onjo ya Yehova.

SAKARIYA 9:9

Amõla a Siono ukãi, yolela muẽle! Amõla a Yerusalãi ukãi, kaluka lesanju! Momo Soma yove yo, iya kokuove. Eye ukuesunga, haeye upopeli. Wonjuka. Endela kokacimbulu, omõla ocimbulu.

MALAKIYA 3:1

Tala! Ndi tuma omunga yange okuti o mongiyila onjila, kuenje Yehova, u wu sanda sanda, iya ocipikipiki konembele yaye. Ocili, una wa sanjukili, haeye omunga yocisila, iya muẽle. Oco ca popia Yehova Ukualohoka.

MALAKIYA 4:2

Ene puãi wu sumbi onduko yange, Ekumbi liesunga liu tundili, lovolosongo vialio mu kala unene woku sakula. Lene wendi loku tomboaka ndolonãle via kunduluiwa vocunda.

OVILINGA 23:6

Puãi, eci Paulu a limbuka okuti vamue va Sandukeo, kuenda vamue va Fariseo, oco a popia lonjango lolukandi hati, Akuetu, ame ndu Fariseo, haime ndimõla a va Fariseo. Ñasi loku sombisilua elavoko liepinduko lia vakualufa.

OVILINGA 24:15

Ame ñuete elavoko ku Suku hailio ovo va kuetevo, okuti kuli epinduko lia vakuesunga lava havakuesungako.

OVILINGA 24:21

Mbi ca kala ondaka yimuamue nda vilikiya eci nda talama pokati kavo, siti, Etaili kovaso ene ñasi loku sombisiwila epinduko lia vakualufa.

OVILINGA 26:8

Nye vu simila hoti, Suku ka tẽla oku pindula vakualufa?

OVILINGA 28:20

Oco ndo pañinyili okuti wiyi ndu moli hã si vangula lene, momo elavoko lia Isareli olio nda pandekiwila lelienge eli.

OVILINGA 3:24

Kuenje ovaprofeto vosi va popia, tunde ku Samuele, lava va kuamamo, va imbavo owanji woloneke vilo.

VA ROMA 15:8

Mopia siti, Kristu wa lingisua oñuatisi ya vakuevamba oku lekisa ocili ca Suku, okuti o kolisa olohuminyo via eciwa ku vakukululu,

VA GALATIA 4:4

Eci otembo ya tẽla oco Suku wa tuma Omõlaye wa citiwa lukãi, haeye wa citiwa kotembo yovihandeleko.

ESINUMUĨLO 18:15

Pokati kene, okuti pokati kavamanjene, Yehova, Suku yene, o katulapo uprofeto ndame, eye vu yevelela,

TITO 2:13

osimbu tu talamela elavoko liesumũlũho, hailio etukuluko liulamba wa Suku Tõlo kuenda Upopeli wetu Yesu Kristu.