OVILINGA 26:24 - Embimbiliya - Bíblia Sagrada em Umbundu

²⁴ Osimbu Paulu a lombolola ohasa yaye Festo wa popia lolukandi hati, A Paulu, vuyui. Okulilongisa kuove kua lua kua ku kokela uyui.

OVILINGA 26:24 Iomraidhean Croise

II OLOSOMA 9:11

Eci Yehu a tunda heya kakuenje va cime caye, umue wo pula hati, Cosi ciwa? Eyui eli lieyilile nye kokuove? Wa popia lavo hati, Ene wa kulihi omunu waco lombangulo yaye.

YEREMIYA 29:26

Yehova wa ku kapa ocitunda komangu yocitunda Yehoyada, okuti vonjo ya Yehova ove o kala lomoko leyui liosi limba owanji, loku li kapa vukumbi kuenda vomi.

HOSEA 9:7

Oloneke vieyambulo vieya. Oloneke viefetuluinyo via pitila. Isareli o ci kũlĩha. Mekonda liolohole viene via lua lesuvu liene lialuavo, oco, kokuene uprofeto eveke, lu wa kolela esunga liovutima eyui.

MARKO 3:21

Oco eci vangandiaye va ci yeva, va tunda oku u kuata vati, Wa linga eyui.

YOANO 7:15

Oco va Yudea va komoha vati, Undeti wa kũlĩha ndati ovisonehua, ka lilongisile pua?

YOANO 8:48

Va Yudea vo kumbulula vati, Ka tua popele ocili eci tua popia tuti, Ove vu Samária, haive o kuetiwe locilulu?

YOANO 8:52

Va Yudea va popia laye vati, Kaliye tua limbuka okuti o kuetiwe locilũlu. Avirahama wa fa, kuenda ovaprofeto, haimo o popia huti, Omunu nda o pokola kondaka yange ka moli okufa.

OVILINGA 17:32

Eci va yeva ondaka yepinduko liava va fa, vamue va sewula, vakuavo puãi va popia vati, Ondaka eyi, tuiya, tu ku yi yevelela vali noke.

OVILINGA 22:1

A vamanji, lene vu vo tate, yeveleli uvangi wange ndi popia lene cilo.

OVILINGA 24:25

Kuenje eci a kala loku lombolola esunga, lesuluviko, kuenda ekanga li laika oku iya, oco Feliki wa yokoka, yu wa kumbulula hati, Kuende handi. Eci mola evelo hu tumila vali.

OVILINGA 24:27

Puãi, eci pa pita anyamo avali, oco Porkio Festo a piñala komangu ya Feliki. Feliki, omo a yongola oku sanjuisa va Yudea, wa sia Paulu vokayike.

OVILINGA 26:11

Olonjanja via lua nda va yambuila volosunangonga viosi, loku va silĩha okuti va popia etonãi. Nda va fuanguila ca lua kuenje nda va landola toke kovaimbo a vakualofeka.

I VA KORINDO 1:23

Etu puãi, tu kunda kunda Kristu u wa valeliwa kekulusu. Eci, ku va Yudea, ci linga ocilondokua, ku vakualofeka, ci linga uveke.

I VA KORINDO 4:10

Etu tuaveke mekonda lia Kristu, ene puãi we yuki olondunge via Kristu. Etu tua leñela, ene puãi wa pami. Ene vu sumbiliwa lulamba, etu tu sepuiwa.

II VA KORINDO 5:13

Momo nda tua linga ayui, tua ci lingila Suku, nda tua linga vakualondunge tuo ci lingili ene.

II TIMOTEO 3:15

Ivaluka ndomo, tunde kuñaña, wa kũlĩha ovisonehua vi kola, haivio vi tẽla oku ku longisa ndomo o tẽla oku popeliwa lekolelo lioku kolela Kristu Yesu.