OVILINGA 26:20 - Embimbiliya - Bíblia Sagrada em Umbundu

²⁰ Oco tete nda kundila va Damasko, noke va Yerusalai, noke vofeka yosi ya Yudea, kovaso yaco vakualofeka. Vosi yavo nda va kundila, siti, Likekembeli akandu ene. Kondolokeli ku Suku. Kali lovilinga vi lekisa ocili okulikekemba kuene.

OVILINGA 26:20 Iomraidhean Croise

OLOSAMO 22:27

Asukiyo osi oluali a ivaluka, a pongolokela ku Yehova. Apata osi olofeka a fendela kovaso aye.

ISAYA 55:7

ukuakulinga cĩvi a sie ocituwa caye, u ka lingi esunga a liweke ovisimĩlo viaye, a tiukile ku Yehova, kuenje u linga ohenda, ku Suku yetu kuenje o wecela ca lua.

YEREMIYA 18:11

Oco popia la Yuda kuenda olonungi vio vo Yerusalãi huti, Ca popia Yehova ceci, hati, Ñasi loku vu sokiyila eci cĩvi loku vu tumbila ehãla. Ene vosi, tiuki. Omunu omunu a tinduke konjila yaye yĩvi. Suñamisi olonjila vione kuenda ovilinga viene.

YEREMIYA 35:15

Nda tumavo kokuene akuenje vange vosi ovaprofeto. Nda pandikisa oku va tuma tuma. Nda linga siti, Ene vosi, tinduki omunu omunu konjila yaye yĩvi. Sunguluisi ovilinga viene. Ko ka sandi olosuku viñi loku vi vumba. Oco vu kala vofeka nda eca kokuene kuenda kolosekulu viene. Puãi ka wa ñuluĩlĩli ovatũi ene, pamue oku njevelela.

ASIÕSUILO 3:40

Tu konomuisi olonjila vietu loku vi seteka, ha tu tiuka ku Yehova.

HOSEA 12:6

hati, Oco, tiukila ku Suku yove. Linga ohenda lesunga. Imba ovaso ku Suku yove olonjanja viosi.

HOSEA 14:2

Pongiyi olondaka vioku enda lavio. Tiukili ku Yehova. Popi laye, hoti, Tupe evĩho liosi, tambula esunga li sialapo kuenje tu ku lumbila olondaka viovimẽla vietu, olonãle havioko.

MATEO 3:2

Likekembeli akandu ene momo usoma wokilu u kasi ocipepi.

MATEO 3:8

Imi apako a sungulukila epongoloko liutima.

MATEO 4:17

Tunde opo Yesu wa fetika oku kunda hati, Likekembeli akandu ene, momo usoma wokilu u kasi ocipepi.

MATEO 9:13

Puãi kuendi ka lilongisi ndeci olondaka evi via lomboloka ndokuti, Njongola ohenda, ovilumba havioko, momo seyilile oku kovonga vakuesunga te vakuakandu.

MARKO 6:12

Oco va tunda, kuenje va kunda kunda vati, Likekembeli akandu ene.

LUKA 1:16

O pongoluisila omãla va lua va Isareli ku Yehova Suku yavo.

LUKA 13:3

Ndu sapuili siti, Hacoko, puãi ene, nda ko likekembela akandu ene, lene vosi vu nyõlehavo ndovo.

LUKA 13:5

Ndu sapuili siti, Hacoko, puãi ene, nda ko likekembela akandu ene, lene vosi vu nyõlehavo ndovo.

LUKA 15:10

Mopia lene siti, Haico pokati kovangelo va Suku pa kala onjolela eci ukuakandu umuamue a likekembela akandu aye.

LUKA 15:7

Mopia lene siti, Haico kilu va yolela ca lua ukuakandu umuamue o likekembela akandu aye, akui ecea lecea komanu vakuesunga ka va sukila oku likekembela akandu, ci sule.

OVILINGA 11:18

Oco, eci va yeva ovina evi, va liweka oku popia. Kuenje va tumbangiya Suku, vati, Ocili vakualofeka lavovo, Suku wa va iha utima woku likekembela akandu okuti va mola omuenyo.

OVILINGA 15:19

Oco, ame nda soka siti, Ka tu ka sakalaisi vakualofeka va pongolokela ku Suku.

OVILINGA 17:30

Suku wa simuila oloneke viapungunjumba, puãi cilo o pañinya omanu vosi koluali luosi hati, Likekembeli akandu ene,

OVILINGA 2:38

Kuenje Petulu wa popia lavo hati, Ene vosi omunu omunu, likekembeli akandu ene, papatisilui ongecelo yakandu vonduko ya Yesu Kristu, oco vu mola ocali ce Espiritu Sandu.

OVILINGA 20:21

Va Yudea la va Helasi nda va kundila oku va vetiya okuti va likekembela akandu avo kovaso a Suku loku kolela Ñala yetu Yesu Kristu.

OVILINGA 26:17

Hu popela kepata eli kuenda ku vakualofeka oko hu tuma

OVILINGA 26:19

Oco, a Soma Agripa, sia sinile lowima wokilu.

OVILINGA 3:19

Oco, likekembeli akandu ene. Pongoloki okuti akandu ene a ecelua, kuenda okuti kuiya oloneke viekavuluko vi tunda ku Suku.

OVILINGA 9:15

Puãi Ñala wa popia laye hati, Kuende ño, momo ame ndo nola. Eye o linga ocikuata coku ambatela onduko yange loku yi tuala ku vakualofeka, lo kolosoma viavo, kuenda ku va Isareli.

OVILINGA 9:35

Vosi va tunga ko Luda lo ko Sarona vo mola kuenje va pongolokela ku Ñala.

VA ROMA 2:4

Ale wa lavisa ño ukuasi wohenda ya Suku lepandi liaye lokutoñomala kuaye? Kua kũlĩhile nga okuti ohenda ya Suku yi lingiwila oku ku tuala koku likekembela akandu?

II VA KORINDO 3:16

Puãi, eci omunu a pongolokela ku Ñala, okuvuvika kuaco ku u upiwa.

II VA KORINDO 7:10

Momo esumuo li limbuka ocipango ca Suku li koka okulikekemba ku tuala kepopelo, kuna ku koka oku livela hakuoko. Puãi esumuo li tunda ño kutima wesanda lioluali li koka okufa.

VA EFESO 4:17

Cimue ndu sapuili longusu, kuenje vonduko ya Ñala ndi cimbila uvangi, ceci, siti, Ka ci tava vali ene oku lingainga nda vakualofeka vakuavo va kasi luveke wovovitima.

I VA TESALONIKE 1:9

Momo oyo muẽle va sapula ndeci wa tu tambuli lonjolela, kuenda ndeci wa si oviteka. Wa vi sili okuti vu pongolokela ku Suku, loku vumba Suku yocili o kasi lomuenyo,

ESITULUILO 16:11

Va tondala Suku yokilu mekonda liolongembia viavo lapute avo, haimo ka va sumuilile ovilinga viavo vĩvi.

ESITULUILO 2:21

Ndo wiha evelo lioku likekembela akandu, puãi ka tava oku tinduka kupuepue waye.

ESITULUILO 2:5

Oco ivaluka ndomo wa konyoha. Likekembela akandu ove, lovilinga wa kaile lavio kefetikilo vi linga vali. Nda hacoko njiya kokuove. Njupa ovela yove nda ku likekembela akandu ove.

ESITULUILO 3:3

Oco, ivaluka eci wa tambula leci wa yeva. Ci lava, kuenje ove muẽle likekembela akandu ove. Nda ku tava oku pasuka, ame njiya ndocimunu, lowola yaco njiya kokuove ku yi.