OVILINGA 26:17 - Embimbiliya - Bíblia Sagrada em Umbundu

¹⁷ Hu popela kepata eli kuenda ku vakualofeka oko hu tuma

OVILINGA 26:17 Iomraidhean Croise

I ASAPULO 16:35

Popi hoti, Tu popele, a Suku yeyovo lietu. Tu ongolole, tu popele kolofeka, ha tu pandula onduko yove yi kola, ha tu ulula loku ku sivaya.

OLOSAMO 34:19

Ohali yukuesunga ya lua, puãi Yehova u popela kohali yosi.

YEREMIYA 1:19

Va yaka love puãi ka va ku yuli, momo ame ñasi love oku ku silamẽla. Oco ca popia Yehova.

YEREMIYA 1:8

Ku ka va kuatele ohele momo ame ñasi love oku ku kuatisa. Oco ca popia Yehova.

ESEKIELE 3:5

Momo ove kua tumiwĩle komanu vakuelimi ka lia kũlĩhĩwile pamue lia tila, puãi kepata lia Isareli.

OVILINGA 13:50

Puãi va Yudea va tutuminya akãi vakuambili yefendelo haivo va kemala, kuenda olosekulu viovimbo, yu va wenguila Paulu la Barnaba ema, kuenje va va tundisa vofeka yavo.

OVILINGA 16:39

Oco vieya kuenje via va livondela. Noke via vopamo, kuenje via va pinga okuti va tunda vimbo.

OVILINGA 17:10

Eteke liaco hailio vamanji va tuma Paulu la Siluano ko Berea kuteke. Eci veyako va iñila vosunangonga ya va Yudea.

OVILINGA 17:14

Tuli veya haico vamanji va tuma Paulu toke ocipepi lokokalunga, Siluano la Timoteo puãi va siala.

OVILINGA 18:10

Momo ame ñasi love kumue, kuenje lomue o ku yakisa ha ku lingi cĩvi, momo ñuete omanu va lua vimbo lilo.

OVILINGA 25:3

Tu linge ohenda. U tumila oku iya kulo ko Yerusalãi. Vovitima va sima ongombo yoku u lavekala ha vo wipaila vonjila.

OVILINGA 28:28

Oco limbuki okuti eyovo eli lia Suku lia tumiwa ku vakualofeka. Ovo va li yeva.

OVILINGA 9:15

Puãi Ñala wa popia laye hati, Kuende ño, momo ame ndo nola. Eye o linga ocikuata coku ambatela onduko yange loku yi tuala ku vakualofeka, lo kolosoma viavo, kuenda ku va Isareli.

VA ROMA 11:13

Cilo mopia lene, ene wakualofeka. Omo ndupostolo wa vakualofeka ñemainya upange wange,

VA ROMA 15:16

okuti ndinga oñuatisi ya Kristu Yesu yoku kuatisa vakualofeka vupange wefendelo liondaka yiwa ya Suku, okuti vakualofeka, eci va eciwa ndocilumba ku Suku, oco vo sesamela omo va kolisua le Espiritu Sandu.

VA GALATIA 2:9

leci va limbuka okuti ocali ca nyihiwa, oco Tiago la Kefa kuenda Yoano, vana va kũlĩhiwa ndolongunji viekongelo, ame la Barnaba va tu kuata leka liondio oku kolisa ongongela yetu. Va tava okuti etu tuenda ku vakualofeka lovo va enda ku vakuevamba.

I TIMOTEO 2:7

Lame nda noliwila oku linga ukundi kuenda oku linga upostolo loku linga ulongisi woku longisa vakualofeka ekolelo locili. Mopia ocili, si kembi.

II TIMOTEO 1:11

Ame nda noliwila oku kunda ondaka yaco yiwa, loku yi longisa, haiyo nda kapiwila upostolo,

II TIMOTEO 3:11

lakangiso ange, lohali yange, lovina via ndingiwa ka Antiokea, lo ki Ikoniyu, lo ko Lustra. Wa kũlĩha okuti, ndaño nda pandikisa koku kangisua, haimo Ñala wa mopela kovina viaco viosi.