OVILINGA 26:16 - Embimbiliya - Bíblia Sagrada em Umbundu

¹⁶ Puãi votoka. Talama vilu. Momo eci nda ku tukulukilila ceci, nda ku nola okuti o linga oñuatisi kuenda ombangi yovina wa muila levi hu situluila.

OVILINGA 26:16 Iomraidhean Croise

ESEKIELE 2:1

Wa popia lame, hati, A Mõlõmunu, talama vilu oco mopie love.

DANIELE 10:11

Eye wa popia lame hati, A Daniele, olume wa soliwa calua, yevelela olondaka mopia love, talama vilu, momo kaliye nda tumiwa kokuove. Eci a popia lame ondaka yaco nda talama loku luluma.

LUKA 1:2

ndeci via tu sapuilua etu lava va linga olombangi loloñuatisi viondaka, tunde kefetikilo,

OVILINGA 1:17

Momo eye wa tendiwile kumue letu kuenje wa kaile lonepa yaye yupange u.

OVILINGA 1:25

oku piñala komangu yupange u, haiwo wupostolo, una Yuda a tokoka ha endi koliavo.

OVILINGA 20:24

Puãi si tendi omuenyo wange ndocina cimue ci silivila pamue ci mepa. Cimosi lika ndi livela ceci, Oku tẽlisa ocikundi cange loku mala upange nda tambula ku Ñala Yesu, loku imbila uvangi ondaka yiwa yocali ca Suku.

OVILINGA 21:19

Eci a va lama wa va lomboluila cimosi cimosi covina viosi Suku a linga pokati ka vakualofeka lupange waye.

OVILINGA 22:10

Nda pula siti, A Ñala, ndinga nye? Kuenje Ñala wa ñumbulula hati, Votoka. Iñila vo Damasko, kuenje omo va ku sapuila ovina viosi via ku tukuilua oku vi linga.

OVILINGA 23:11

Uteke wa kuamamo Ñala wa talama kumue la Paulu, kuenje wa popia laye hati, Kolisako. Momo ndeci wa njimbila uvangi ko Yerusalãi haico o njimbilavo uvangi ko Roma.

OVILINGA 26:15

Ame nda pula siti, Ove elie, a Ñala? Ñala wa kumbulula hati, Ame Yesu u o kasi loku kangisa.

OVILINGA 6:4

Etu puãi, tu pandakaisa koku likutilila kuenda koku kunda ondaka.

VA ROMA 1:5

Kokuaye tua tambula ocali kuenda omangu yupostolo okuti, tu tavisa vakualofeka viosi mekonda lionduko yaye.

VA ROMA 15:16

okuti ndinga oñuatisi ya Kristu Yesu yoku kuatisa vakualofeka vupange wefendelo liondaka yiwa ya Suku, okuti vakualofeka, eci va eciwa ndocilumba ku Suku, oco vo sesamela omo va kolisua le Espiritu Sandu.

II VA KORINDO 4:1

Oco, omo tu kasi lupange ulo lohenda ya Suku oco ka tu konyoha.

II VA KORINDO 5:18

Cosi eci ci tunda ku Suku u wa tu inalisa kokuaye la Mitakati Yesu Kristu, kuenje wa tu kundika upange woku inalisa.

VA GALATIA 1:12

Momo sia yi tambuile komunu, ndaño oku yi lilongisa, sia yi lilongisile komunu, puãi Yesu Kristu wa yi situluila.

VA GALATIA 2:2

Nda ililileko omo ca situluilua. Nda va lomboluila ondaka yiwa nda kala loku sapuila vakualofeka. Puãi nda lomboluila lika asongui va kemala si kũlĩhisa nda hẽ eci ñasi loku linga, pamue eci nda linga ale, oco muẽle ci tava, ele nda yoloka ño olivova.

VA EFESO 3:3

Ka ku pumbi okuti wa yevivo ndomo elumbu liaco lia situluiwila ame ndeci nda fetika ale oku soneha.

VA KOLOSAI 1:23

Okuinalisa kuaco kuiya nda vu pandikisa vekolelo, okuti vu sevetiwa cocili loku pama, kuenje ka vu tundi kelavoko li kasi vondaka yiwa, yina wa yevi, haiyo ya kundiwila omanu vosi voluali. Lamevo ndi Paulu ñasi loku yi kunda kunda.

VA KOLOSAI 1:25

Momo nda tumbikiwa la Suku oku vumba ekongelo lia Kristu. Ocikele caco ci kola ca nyihiwila okuti ndu vumbi ene, loku vu longisa ocili ondaka ya Suku.

VA KOLOSAI 1:7

Wa yi yevi ku manjetu wa soliwa kupange, Epafra, haeye ondingupange yocili ya Kristu. Wa litumbika ocili oku vu vumba

I VA TESALONIKE 3:2

Yu tua tuma manjetu Timoteo, haeye ukuopange wa Suku vondaka yiwa ya Kristu. Tuo tuma okuti o vu kolisa vetavo liene, loku vu lungula,

I TIMOTEO 1:12

Mandula Kristu Yesu Ñala yetu u wa nyiha ongusu yoku tẽlisa ocikundi eci. Momo, poku nola ha ñapi kupange waye, wa lekisa okuti wa ñolela.

I TIMOTEO 4:6

Nda o sapula ovina evi ku vamanji o linga oñuatisi yocili ya Kristu Yesu, haiyo ya tekuiwa lolondaka viekolelo, kuenda lovilongua viocili vina o kuãi.

II TIMOTEO 4:5

Ove puãi, lilava kovina viosi. Pandikisa kohali. Linga ukundi wondaka yiwa. Tẽlisa ocikundi cupange wove.