OVILINGA 24:5 - Embimbiliya - Bíblia Sagrada em Umbundu

⁵ Momo ulume u, tuo sanga okuti onjaki. O wengola ovosuanji pokati ka va Yudea vosi voluali luosi, haeye usongui wocisoko ca va Nasiri.

OVILINGA 24:5 Iomraidhean Croise

ESTER 3:8

Kuenje Hamana wa sapuila Soma Ahasuero hati, Vuviali wove mua lisandeka epata limue. Epata liaco lia sandokaila pokati kapata akuavo volofeka viosi. Omanu vaco ovihandeleko viavo via litepa levi viomanu vakuavo vosi, kuenda ka va tava kovihandeleko via Soma, oco ka ci kuatisa Soma oku kala lavo.

YEREMIYA 37:13

Eci a kala vombundi ya Benjamini, oco umue ondavululi, onduko yaye Iriya, eye omõla a Sielemiya, omõla a Hananiya, wa kuata uprofeto Yeremiya hati, O kasi loku yombolokela ku va Kaldea.

YEREMIYA 38:4

Oco olombuale via popia la Soma, viti, Tu ku pinga tuti, Tava okuti omunu u ipaiwa, momo poku popia olondaka ndevi o tepulula ongusu yovaka asualali va siala vimbo lilo, leyi yovaka omanu vosi. Momo omunu u ka yongola oku linga ciwa omanu valo te oku va linga cĩvi.

AMOSI 7:10

Oco Amasiya, ocitunda coko Betele, wa tuma ku Yerevoama, osoma ya Isareli, hati, Amosi wa ku endela usuanji pokati ka va Isareli. Ofeka ka yi tẽla oku tumãla ciwa lolondaka viaye viosi.

MATEO 10:25

Nda ondonge ya soka lulongisi waye, pamue ukuenje la cime caye, ci tẽla. Nda va tukula muẽleonjo vati, Belesevulu, vakuanjo yaye hẽ, ka ci piãla?

MATEO 2:23

Kuenje wa enda, wa tunga vimbo lia tukuiwa Nasara, oco yi lingiwe ondaka ya popiwa luprofeto, yokuti, O tukuiwa u Nasara.

MARKO 1:24

kuenje wa vilikiya, hati, Tu likuetele nye love, a Yesu u Nasara? Weyilila oku tu nyola? Ndu kui, ove o kola ku Suku.

LUKA 23:19

Baraba eye omandekua yimue ya imbiwile vokayike, omo ya linga usuanji vo Yerusalãi, kuenda ya ponda omunu.

LUKA 23:2

Va fetika oku u pindika, vati, Tua sanga undeti, wa tatamisa ofeka yetu, kuenje wa tutuiya oku feta elisimu ku Kaisare, hati, Ame Kristu, haime Soma.

LUKA 23:25

Oco wa va kutuluila una wa imbilua vokayike usuanji lumondi, eye vo pinga. Puãi Yesu wo weca kocipango cavo.

LUKA 23:5

Puãi va toñomala vali vati, O tutomainya omanu loku longisa vo Yudea yosi. Wa fetikila ko Galilea toke kulo.

OVILINGA 15:5

Puãi oloñame vimue via tiamela kocisoko ca va Fariseo via votoka viti, Ca sesamela oku va sevisa evamba, kuenda oku va handeleka okuti va tava kovihandeleko via Mose.

OVILINGA 21:28

Va vilikiya vati, Alume va Isareli, tu kuatisiko. Omunu u, eye una o kasi loku longaisa omanu vosi kolofeka viosi oku sepula epata lietu lovihandeleko kuenda ocitumãlo cilo. Ca piãla enene, wa iñisa va Helasi vonembele, okuti wa vĩhisa ocitumãlo cilo ci kola.

OVILINGA 22:22

Vo yevelela toke eci a tukula ondaka ya vakualofeka. Oco va vilikiya vati, Omunu ndu opiwe kilu lieve. Ka sesamelele oku kala lomuenyo.

OVILINGA 24:14

Eci navapo ceci, okuti, Ndukuanjila yimue yi tukuiwa la vamue vati, Ocisoko cesanda. Ndeci vakuanjila yaco va fendela Suku yolosekulu vietu haico ame ndu fendela. Nava kovina viosi viovihandeleko levi via sonehiwa vovaprofeto.

OVILINGA 24:4

Puãi, sanga hu kavisa, hu peya siti, Tu linge ohenda, tu yevelile okandaka ketu.

OVILINGA 25:7

Eci Paulu eya, va Yudea va tunda ko Yersualãi vo ñuala ocingonja, vo wasa ovako a lua, ovako aco puãi ka va tẽlele oku a imbila uvangi.

OVILINGA 26:5

Va ñulĩha osimbu, nda va yongola oku cimbila uvangi, okuti nda kaile u Fariseo, kuenje va Fariseo ovo va piãla oku tõlisa ovihandeleko vietavo lietu.

OVILINGA 28:22

Puãi tu yongola oku yeva ovisimilo viove, momo, kondaka yocisoko caco tua kũlĩha okuti kuosi va ci patayãla.

OVILINGA 5:17

Puãi ocitunda cinene ca votoka, la vosi va kala laye okuti ocisoko ca va Sadukeo. Vosi yavo ve yuka onya,

OVILINGA 6:13

Va katula olombangi viuhembi viti, Omunu u ka liweka oku popia olondaka vi tomba ocitumalo cilo ci kola kuenda ovihandeleko.

I VA KORINDO 11:19

momo nda vakuacili pokati kene va limbukiwa, te pali olonepele okuti, ava va sunguluka va moleha.

I VA KORINDO 4:13

Eci va tu siliñinya tu livondela. Toke etaili lilo omanu va tu lingisa ño ndovina viokeyala lioluali, pamue ndonasi yovina viosi.

I PETULU 2:19

Momo omunu o panduiwa nda ivaluka ocikele caye kovaso a Suku kuenje o pandikisa lohali, ndaño ohali yaco hayesungako.