OVILINGA 24:25 - Embimbiliya - Bíblia Sagrada em Umbundu

²⁵ Kuenje eci a kala loku lombolola esunga, lesuluviko, kuenda ekanga li laika oku iya, oco Feliki wa yokoka, yu wa kumbulula hati, Kuende handi. Eci mola evelo hu tumila vali.

OVILINGA 24:25 Iomraidhean Croise

II SAMUELE 23:3

Suku ya Isareli wa popia. Ewe lia Isareli lia popia lame, liti, Ukuakuviala omanu lesunga, ukuakuviala lusumba wa Suku,

I OLOSOMA 21:27

Eci Ahava a yeva olondaka evi, wa tola olonanga viaye, wa wala ocikelei ketimba liaye, wa likandangiya okulia, wa pekela pocikelei, kuenje wa enda leli! leli!

II OLOSOMA 22:19

Omo utima wove ka wa sivile kuenje wa liketisa kovaso a Yehova eci wa yeva ondaka nda popela imbo lilo lava va tungamo ndokuti va linga ndelunda lesiñalo, kuenda omo wa tola uwalo wove loku lilila kovaso ange, oco lamevo nda ku yeva. Oco ca popia Yehova.

ESERA 10:3

Kaliye tu lisili la Suku yetu ocisila coku litepa lakãi vaco vosi lomãla vavo, ndondaka vove a cime cange, leyi yava va lulumila ocihandeleko ca Suku yetu. Ci lingiwe muẽle ndocihandeleko.

ESERA 10:9

Pokati koloneke vitatu alume vosi vapata a Yuda la Benjamini vongolokela ko Yerusalãi. Ca kala eteke liakui avali kosãi yecea. Omanu vosi va tumãla posamua yonjo ya Suku. Va kala loku luluma, oku lulumila usumba wondaka veyilila, loku lulumila ombela yalua ya kala loku loka.

YOVI 29:14

Nda wala esunga kuenje lia sikĩlila. Esunga liange lia linga evatulo locifuto.

OLOSAMO 11:7

Momo Yehova ukuesunga, o sole ovilinga via sunguluka. Vakuesunga ovo va mola ocipala caye.

OLOSAMO 119:120

Etimba liange li ku lulumila lusumba, kuenje njokokela olonimbu viove.

OLOSAMO 45:7

O sole esunga, o nyale evĩho. Oco Suku, eye Suku yove, a ku wavekela ulela wonjolela okuti o piãla vakuẽle.

OLOSAMO 72:2

A tetuluile omanu vove locili, lolohukui viove lesunga.

OLOSAMO 99:1

Yehova o viala, olofeka vi lulume. Wa tumala ko va Keruvi. Ongongo yi lisenge.

OLOSAPO 16:12

Olosoma vi nyale oku linga evĩho, momo omangu yi kolisua lesunga.

UKUNDI 11:9

Okuenje, yolela oloneke viove viovokuenje; utima wove u ku sanjuise voloneke viove viovokuenje; enda ndeci utima wove u panga; enda oko ovaso ove a lete; puãi limbuka okuti Suku o ku tetuluila ovina evi viosi.

UKUNDI 12:14

Momo Suku o yalela ovina viosi ekanga, ndaño ovina viosi via vunda, ci kale evi viwa, ci kale evi vĩvikopokati kavele ange.

UKUNDI 5:8

Vofeka yimue nda o lete okuti olosuke vi kasi loku lingisiwa, pamue o lete okuti esunga locili vi kasi loku upiwamo longusu, ku ka ci komõhele; momo ombiali yinene yi kasi oku ci linga yi lavuluiwa leyi ya velapo vali; kuenje kilu liavo kuli vali yimue ya va velapo vosi.

ISAYA 1:18

Ca popia Yehova ceci, hati, Enjui, tu lisunguluisi. Ndaño akandu ene a kusuka ngẽ ndonanga yohusu, a yela ndocikokoto; ndaño a kusuka ndohusu a linga ndutele.

ISAYA 1:21

Imbo lia kolelelue hailio lie yukile esunga lia pongolokela ndati kukahokolo? Mua tungile esunguluko cilo puãi lia linga liolomondi.

ISAYA 16:5

oco ocalo ci valekiwa locisola ka ci pongoloka. Ci kala vombalaka ya Daviti, kuenje ku tumãla umue ukuacili. O litumbika oku tetulula lesunga. O tuwa oku teta olonimbu viesunga.

ISAYA 32:11

Ene akãi vakuepõi, lulumi; sakalali ene wakuacekelela; luli, kali epõlõla, wali ño ikẽlei volombunda viene.

ISAYA 41:21

Yehova wa linga hati, Sapuli ondaka yene. Soma ya Yakoba wa popia hati. Tuali uvangi wene wa velapo.

ISAYA 55:6

Sandi Yehova osimbu a sangiwa, u kovongi osimbu a kasi ocipepi;

ISAYA 61:8

Momo ame ndi Yehova, ndi sole ekanga liocili, ndi suvuka umunu kuenda evĩho, ndi va iha onima yocili, ndi lisila lavo ocisila ka ci pui.

ISAYA 66:2

Ovaka ange a tunga ovina evi viosi, oco ovina evi viosi viange. Oco ca popia Yehova. Puãi omunu mbanja yu wa liketisa, haeye wonjuka vutima, kuenda o lulumĩla ondaka yange.

YEREMIYA 22:3

Ca popia Yehova ceci, hati, Lingi esunga kuenda esunguluko. Popeli u wa pundiwa peka liondiandia. Ko ka lingi cimue cĩvi. Ko ka kangisi ocingendaende pamue osiwe pamue ocimbumba. Ko ka pesili mũlo osonde ye lipua eko.

YEREMIYA 23:29

Yehova wa pula hati, Ondaka yange hẽ ka ya sokele londalu pamue ndomalatelo yi sasõla ewe?

YEREMIYA 36:16

Eci va yeva olondaka viaco viosi va livanja lusumba; kuenje va popia la Baruke vati, Olondaka evi viosi tu kuete oku vi sapuila Soma.

ESEKIELE 45:9

Ca popia Ñala Yehova ceci, hati, Ci tẽla, alosoma via Isareli. Liweki kungangala kuenda koku punda. Lingi ocili lesunga. Liweki oku tundisa omanu vange kolonjo viavo. Oco ca popia Ñala Yehova.

DANIELE 12:2

Va lua va pekela voneketela yokufa va pasuka, vamue va enda komuenyo ko pui, vakuavo va enda kosõi lokesepu ka li pui.

DANIELE 4:27

Oco, a Soma, va tave kelungulo liange. Akandu ove a pue loku linga esunga, kuenda olohole viove vi malusuke loku lingila ohenda olohukũi, oco ombembua yove yameko handi.

DANIELE 5:30

Uteke waco muẽle, haico Belsiatare, Soma ya va Kaldea, a ipaiwa.

HOSEA 10:12

Likulĩlĩ esunga, lomboli ocisola ka ci pongoloka. Sosololi ocisoso; momo otembo yeya yoku sanda Yehova okuti iya, o vu lokisila epopelo ndombela.

HOSEA 10:4

Va popia ño olondaka viaño. Va lisila ovisila viesanda. Oco oku tetulula kuavo kua soka ndovimbuandu violunjuanjua vi tunda tunda vovipanga viovepia.

HOSEA 7:5

Eteke liulima wa Soma yetu akulu vofeka va vela luholua wovinyu. Lahevo wõlõla eka liaye kumosi la vakuaku pembula.

AMOSI 5:24

Puãi esunga li pite pite ndovava, lesunguluko ndolui ka lu takata.

AMOSI 6:12

Otuvalu hẽ, tu endela kovawe? Lokalunga hẽ, omunu o ka lima lolongmbe? Ene puãi wa pongoluisi esunga ha li lingi ondulu, lepako liesunga ha li lingi olunjuanjua,

HAVAKUKI 3:16

Nda ci yeva kuenje etimba liange lia luluma. Omẽla wange wa titimĩla ondaka. Okuvola kua wila vakepa ange. Oku enda ndi luluma. Nayilĩli lutima wa tula eteke liohali liya kuava va tu katukila.

HAGAI 1:2

Ca popia Yehova Ukualohoka ceci, hati, Omanu ava va popia vati, Otembo yoku tunga vali onjo ya Yehova ka yeyile handi.

MATEO 22:5

Puãi va ci tomba, umue wa enda kepia liaye, ukuavo wa enda kocipindi caye,

YOANO 16:8

Kuenje eye, eci eya, o pisila oluali ekandu kuenda o lu limbukisa esunga lekanga.

OVILINGA 10:42

Kuenje wa tu usika hati, Kundili omanu. Imbi uvangi okuti ame, ame u Suku a tukuila oku linga onganji yava va kasi lomuenyo lava va fa.

OVILINGA 17:13

Puãi, eci va Yudea vo ko Tesalonike va yeva okuti ondaka ya Suku yi kasi loku kundiwavo la Paulu ko Berea, oco veyavo ha va tutuminya omanu kuenda oku va tokotisa.

OVILINGA 17:2

Oco Paulu, ndeci a tuwa, wa endaendamo, kuenje asambata atatu wa tamalala lavo oku va situluila ovisonehua.

OVILINGA 17:32

Eci va yeva ondaka yepinduko liava va fa, vamue va sewula, vakuavo puãi va popia vati, Ondaka eyi, tuiya, tu ku yi yevelela vali noke.

OVILINGA 2:37

Oco, eci va ci yeva va tomiwa vovitima, kuenje va popia la Petulu lovapostolo vakuavo, vati, Akuetu, tu linga nye?

OVILINGA 24:15

Ame ñuete elavoko ku Suku hailio ovo va kuetevo, okuti kuli epinduko lia vakuesunga lava havakuesungako.

OVILINGA 24:26

Wa ci popia tupu wa lavoka okuti Paulu o wiha olombongo, oco wo tumaila olonjanja via lua ha vangola laye.

OVILINGA 26:28

Agripa wa popia la Paulu hati, Wa sima hẽ okuti ndopo o navisa okuti ndinga ukua Kristu?

OVILINGA 9:6

Votoka, iñila vimbo, omo va ku sapuila eci o linga.

VA ROMA 12:1

A vamanji, ndu pingi lohenda ya Suku okuti weci atimba ene ndocilumba ci kasi lomuenyo, haico ci kola, kuenje ci sanjuisa Suku. Oco efendelo liene liocili.

VA ROMA 14:12

Oco etu vosi, omunu omunu o lilombolola ku Suku.

VA ROMA 2:16

keteke Suku a tetuluila ku Kristu Yesu ovina viomanu viuyombeki ndondaka yiwa ñunda ñunda.

I VA KORINDO 4:5

Oco, ko ka tetululi osimbu otembo yaco ka yeyile, okuti osimbu Ñala keyile. Eye o nena kutanya evi via wunda handi vowelema, haeye o situlula ovipango viosi viovitima. Kotembo yaco omunu omunu o panduiwa la Suku.

II VA KORINDO 5:10

Momo vosi tu laika oku iya kekanga lia Kristu ha tu tambula eci ca sesamela ovilinga vietu, ci kale ciwa, ci kale cĩvi, okuti omunu omunu o tambula ndovilinga viaye vina a linga osimbu a kala vetimba.

II VA KORINDO 6:2

Momo eye wa popia hati, Nda ku yeva kotembo ya sunguluka, keteke lieyovo nda ku ohela. Oco limbuki okuti yilo oyo otembo yaco ya sunguluka, leteke lilo olio eteke liaco lieyovo.

VA GALATIA 3:22

Puãi ovisonehua vi lombolola okuti cosi ci kasi vokayike kakandu, okuti eci ca likuminyiwa kuava va kolela Yesu Kristu ceciwa ocili kokuavo.

VA GALATIA 5:23

umbombe, esuluviko; ka kuli ocihandeleko ci patãla ovina evi.

II TIMOTEO 4:1

Hu lunguila kovaso a Suku lo kovaso a Kristu Yesu, u o tukuluka oku viala kuenje o tetuluila ava va kasi lomuenyo lava va fa, siti,

TITO 1:8

A kale puãi omunu o sanjukila akombe, haeye o sole esunga, kuenda o tẽla oku lipokuisa eye muẽle. A kale omunu wa sunguluka, haeye o kola, kuenje o tava oku lihandeleka.

VA HEVERU 12:21

Owima waco wa linga usumba okuti Mose wa popia hati, Ame ñasi lusumba wa lua, loku luluma.

VA HEVERU 3:13

Puãi lilunguli pokati eteke keteke osimbu ci tava oku tukula eteke hoti, etaili, sanga umue pokati kene o tĩlisua leliaño liekandu.

VA HEVERU 4:1

Oco, osimbu tu kasi lohuminyo yoku iñila vepuyuko liaye, lunguki, sanga umue pokati kene o moleha okuti wa li lipumbisa.

VA HEVERU 6:2

Ka tu ka lilongisi ño-o hũ ovipama vi lombolola ovisila vioku yelisa, levi vioku kapa ovaka, levi vi lombolola epinduko liava va fa, kuenda ekanga ka li pui.

VA HEVERU 9:27

Kuenje, ndeci omanu vosi va fa onjanja yimuamue, noke kuli ekanga,

TIAGO 2:19

Ove o tava okuti kuli Suku umosi lika. Ciwa. Ndaño olodemónio vi ci tavavo, kuenji vi luluma.

I PETULU 3:15

Puãi vovitima viene sumbili Kristu nda Ñala. Olonjanja viosi lipongiyi okuti vu tẽla oku kumbulula komunu wosi o pula oku kũlĩhisa elavoko vu kasi lalio. Ci lingi puãi lumbombe kuenda lesumbilo.

II PETULU 1:6

kukũlĩhiso esuluviko, kesuluviko epandi, kepandi esumbilo lioku sumbila Suku.

I YOANO 3:10

Omãla va Suku lomãla veliapu va limbukiwa ndomo okuti, wosi ka lingi esunga hamõla a Sukuko, ndaño u ka sole ukuavo.

I YOANO 3:7

Amãla, lomue ka ko lueyisi. U o lingainga esunga ukuesunga ndomo Omõla a Suku ukuesunga.

I SAMUELE 12:7

Oco talamẽli handi okuti ndu livondeli ku Yehova loku pitulula ovilinga viosi via Yehova vioku popela, vina o lingili ene lolosekulu viene.