OVILINGA 24:24 - Embimbiliya - Bíblia Sagrada em Umbundu

²⁴ Eci pa pita oloneke vimue oco Feliki weyako lukãi waye Drusila, eye u Yudea. Feliki wa tumila Paulu kuenje wo yeva ndomo a lombolola ekolelo lioku kolela Yesu Kristu.

OVILINGA 24:24 Iomraidhean Croise

MARKO 6:20

momo Herode wa kuatela Yoano usumba. Omo wa kũlĩha okuti Yoano ukuesunga haeye o kola, oco wo lava ciwa. Oco, eci o yeva, wa sakalala, puãi haimo wo yeva lonjolela.

LUKA 19:3

wa sanda oku tala Yesu nda wa soka ndati. Puãi, omo owiñi wa lua, oco ka ci tẽlele momo eye umbumbulu.

LUKA 23:8

Eci Herode a mola Yesu, wa sanjuka ca lua, omo osimbu a yonguile oku u mola, momo wo yevela ovina via lua, kuenje wa lavoka oku mola ocilimbu cimue ci lingiwa laye.

OVILINGA 16:31

Oco va popia laye vati, Kolela Ñala Yesu kuenje o popeliwa, ove lonjo yove yosi.

OVILINGA 20:21

Va Yudea la va Helasi nda va kundila oku va vetiya okuti va likekembela akandu avo kovaso a Suku loku kolela Ñala yetu Yesu Kristu.

OVILINGA 24:25

Kuenje eci a kala loku lombolola esunga, lesuluviko, kuenda ekanga li laika oku iya, oco Feliki wa yokoka, yu wa kumbulula hati, Kuende handi. Eci mola evelo hu tumila vali.

OVILINGA 26:22

Omo nda kuatasaiwa la Suku toke etaili oco ñasilili kulo oku imba uvangi wange kovaso omanu vatito lava vanene. Lacimue mopia te eci ovaprofeto la Mose va cimbila ale owanji.

VA GALATIA 2:16

puãi tua kũlĩha okuti omunu ka tendiwa ndukuesunga loku pokola kovihandeleko te loku kolela Yesu Kristu, kuenje tua kolela Kristu Yesu ha tu tendiwa nda vakuesunga loku kolela Kristu, haloku pokola kovihandelekoko, momo lomue o tendiwa ndukuesunga loku pokola kovihandeleko.

VA GALATIA 2:20

Nda valeliwa kekulusu kumue la Kristu. Hameko vali ñasi lomuenyo, te Kristu eye o kasi lomuenyo vokati kange, kuenje omuenyo ñasi lawo vetimba ñasi lawo omo nda kolela Omõla a Suku u wa sola haeye wa liecela oku mopela.

VA GALATIA 3:2

Cimosi lika ndu puli, ceci, Espiritu hẽ, wa li tambuli lovilinga viovihandeleko ale, ele wa li tambuli poku yeva lekolelo?

I YOANO 5:1

Wosi o tava okuti Yesu eye Mesiya eye wa citiwa la Suku, kuenda wosi o sole onjali o solevo omõla.

YUDA 1:3

A vakuacisola, nda kaile lutima woku vu sonehela oku vangula lene ondaka yeyovo lietu, puãi nda vetiwa onjanga yoku vu sonehela loku vu peya okuti vu yakela ekolelo lina lia eciwa olumue ku vakuetavo.

ESITULUILO 14:12

Kulo ku kuete epandi liolosandu, okuti vava va lava lava ovihandeleko via Suku lekolelo lia Yesu.