OVILINGA 23:12 - Embimbiliya - Bíblia Sagrada em Umbundu

¹² Eci kua ca omẽle, va Yudea va tumbika ongombo, yu va lisinga vati, Ka tu li, ka tu nyui, te tua ipa Paulu.

OVILINGA 23:12 Iomraidhean Croise

EFETIKILO 37:18

Ovo vo muĩla kupãla, kuenje osimbu ka pitilile ocipepi lavo, vo tumbika ongombo yoku wipa.

I OLOSOMA 19:2

Oco Isevele wa tuma omunga ku Eliya, hati, Olosuku vi ndinge cosi via panga, kuenda vi vandekeko ño, nda hela owola ndoyo, omuenyo wove siu lingi ndu wavo.

II OLOSOMA 6:31

Eye wa popia hati, Suku a ndinge cosi a panga, kuenda a vandekeko ño, nda utue wa Elisia omõla a Siafata, siu tetiko etaili.

NEHEMIYA 10:29

va livandekakovo kuenda asongui vavo, va lisila lesingo okuti va endaenda lovihandeleko via Suku vina via eciwa ku Mose, ukuenje wa Suku, loku lava ovihandeleko lovisila viosi via Yehova, Ñala yetu, loku vi linga.

ESTER 2:22

Eci ca ka yevala ku Mordekai, Mordekai wa ci sapula Inakulu Ester, leye Ester wa ci sapuilavo Soma vonduko ya Mordekai.

OLOSAMO 31:13

Njeva okuloñola kua valua. Kolonele viosi kuli eci ci yokokisa osimbu va numbika ongombo, loku tumba ehãla lioku nyeha omuenyo wange.

YEREMIYA 11:19

Puãi ame nda kala ndomõla omeme wonjuka, wa tualiwa kepondelo. Sia ci kũlĩhĩle okuti va numbika ongombo vati, Tu nyõli uti lepako liawo. Tu wupa vofeka ya vakuamuenyo okuti onduko yaye ka yi ivalukiwa vali.

YEREMIYA 44:25

Ca popia Yehova Ukualohoka, Suku ya Isareli, ceci, hati, Ene kuenda akãi vene, wa popi lovimela viene, kuenda wa ci lingi lovaka ene, hoti, Tu linga cosi tua likuminya oku linga, tu timihĩla inakulu yokilu insensu loku u pesila ovilumba viokunyua,— Oco telisi ovisila viene! Ovisila viene vi lingi muẽle!

OVISILA 27:29

Lacimue ca lumbiwa loku lisinga, okuti ca lumbiwa lomanu loku lisinga, ci yovuiwa, ci ipaiwa muẽle.

MATEO 26:4

Va tumbika ongombo yoku kuata Yesu lelimbi ha vo wipa.

MATEO 26:74

Oco Petulu wa fetika oku lisiñala loku lisinga hati, Omunu waco siu wi, kuenje haico ekondombolo lia lila.

MATEO 27:25

Kuenje omanu vosi va kumbulula vati, Osonde yaye yi tu wile etu lomãla vetu.

OVILINGA 23:13

Ava va linga ungalu waco akui akuãla va supa.

OVILINGA 23:14

Oco va enda kovitunda vinene kuenda kakulu, va linga vati, Tua lisinga lesingo li kola, tuti, Ka tu mahi cimue te tua ipa Paulu.

OVILINGA 23:21

Puãi, ku ka tave kokuavo, momo alume vakuavo, akui akuãla va supa, vo lavekela, va lisinga vati, Ka tu li, ka tu nyui, te tua wipa. Cilo va kapelako ale, kuenje va kasi loku talamela ondaka yove.

OVILINGA 23:30

Eci ca sapuilua okuti vo tumbika ongombo, oco ndo tuma kokuove lonjanga, kuenje nda pañinya olomindiki viaye oku u pindika kokuove.

OVILINGA 25:3

Tu linge ohenda. U tumila oku iya kulo ko Yerusalãi. Vovitima va sima ongombo yoku u lavekala ha vo wipaila vonjila.

OVILINGA 9:23

Eci pa pita oloneke via lua oco va Yudea vo tumbika ongombo yoku wipa,

OVILINGA 9:24

puãi ongombo yaco ya yevala ku Saulu. Vo lavekela volombundi kutanya lo kuteke ha vo wipa.

I VA KORINDO 16:22

Ndu lami siti, Nda omunu ka sole Ñala, a siñaliwe. Ñala yetu iya.

II VA KORINDO 11:26

Nda endaenda ovongende alua. Poku yoka olondui nda kala kala lohele. Olonjanja nda yokokela ovingumba. Olonjanja va Yudea va yongola oku ndinga cĩvi, olonjanja vakualofeka. Kuosi nda pita nda enda enda lohẽle, ci kale vovaimbo, ci kale vakalasoko, ci kale vokalunga. Vakuetu vokocipala olonjanja va seteka oku ndinga cĩvi.

VA GALATIA 3:13

Kristu wa tu yovola kesiñalo liovihandeleko. Wa tu siñaliwila, momo ca sonehiwa okuti, u wa nyoñamisua kuti wa siñaliwa.

I VA TESALONIKE 2:16

omo va tu tateka oku longisa vakualofeka okuti va popelua. Poku ci linga, va suisapo akandu avo olonjanja viosi. Puãi onyeño ya Suku ya va iyilila olumue.

YEHOSUA 6:26

Yehosua wa va kundika ocikundi yu wa lisinga hati, Wosi o katuka ha tumbulula imbo eli lia Yeriko a siñaliwe kovaso a Yehova. Poku seveta ociseveto calio, o peselapo omuenyo womolaye uveli. Poku sembika olombundi vialio, o peselapo omuenyo wa kuasula kuaye.

YEHOSUA 7:1

Puãi va Isareli va lueya kondaka yovina via siñaliwa, momo Akani, omõla a Karimi, omõla a Savidi, omõla a Sera, wokepata lia Yuda, wa kuata kovina via siñaliwa, kuenje onyeño ya Yehova ya wengukila va Isareli.

YEHOSUA 7:15

Kuenje u o sangiwa leci ca siñaliwa o yokiwa londalu, eye kumue leci cosi a kuete. Momo wa lueyela ocisila ca Yehova kuenda wa linga ekutisasõi kIsareli.

I SAMUELE 14:24

Eteke liaco va Isareli va sakalala enene momo Saulu wa lisinga lomanu hati, Omunu wosi o lia osimbu oñolõsi ka yeyile okuti sia fetuluinyile handi ovanyãli vange, omunu waco a siñalĩwe. Oco lomue omunu wa mãha kokulia.