OVILINGA 23:1 - Embimbiliya - Bíblia Sagrada em Umbundu

¹ Paulu wa imba ovaso konjango, kuenje wa popia hati. A vamanji, omuneyo wange wosi nda vumba Suku lutima wa pua eko toke etaili lilo.

OVILINGA 23:1 Iomraidhean Croise

OLOSAPO 28:1

Olondingaĩvi vi tila ndaño ka kuli u vi landula, puãi olondingesunga olonõi ndolohosi.

MATEO 5:22

Puãi ame mopia lene siti, Wosi o tema lokuavo o tualiwa vekanga; lu o popia lokuavo hati, Vucitumbefe, o tualiwa vekanga linene; lu o popia hati, Vuveke, wa loña konjembo yondalu.

OVILINGA 22:1

A vamanji, lene vu vo tate, yeveleli uvangi wange ndi popia lene cilo.

OVILINGA 22:30

Puãi hẽla yaco Kesongo wa kutulula Paulu, omo wa yongola oku kũlĩha cocili eci va Yudea vo pindikila. Wa pañinya ovitunda vinene lonjango yosi oku ongoloka. Noke wa nena Paulu kuenje wo talamisa kovaso avo.

OVILINGA 22:5

ndeci ocitunda cinene lonjango yosi yakulu va tẽla oku njimbila uvangi. Nda tambula kokuavo ovikanda via sonehiwila vamanji vo ko Damasko, kuenje nda ileko oku ka kuta ava va kalako loku va nena ko Yerusalãi okuti va yambuiwa.

OVILINGA 23:15

Oco ene, kumue lonjango, tumi ku Kesongo oco o nene kokuene. Ci lingiwe letutu. Ci molehe okuti tu yongola oku patisa ondaka yaye lutate. Etu tu taĩlili oku wipa osimbu ka pitilile.

OVILINGA 23:20

Eye hati, Va Yudea va livangula oku ku pinga okuti hẽla o va nenela Paulu konjango, vati, Tu ka patisa vali ondaka yaye lutate.

OVILINGA 23:28

Eci nda yongola oku limbuka ondaka vo pindikila, ndaile laye konjango yavo.

OVILINGA 23:6

Puãi, eci Paulu a limbuka okuti vamue va Sandukeo, kuenda vamue va Fariseo, oco a popia lonjango lolukandi hati, Akuetu, ame ndu Fariseo, haime ndimõla a va Fariseo. Ñasi loku sombisilua elavoko liepinduko lia vakualufa.

OVILINGA 24:16

Oco ndi lipindisaila kovina viosi okuti ñala lutima we lipua ku Suku lo komanu.

OVILINGA 6:15

Oco, vosi va tumala vonjango eci vo vanja va mola ocipala caye huti ño ocipala cungelo.

I VA KORINDO 4:4

Ocili, sia kũlĩhile eci ci misa, haimo lumue, eci ka ca lombolokele okuti nda yovoka. U o netuluila Ñala.

II VA KORINDO 1:12

Momo, eci tu lipanda laco, haico uvangi wovitima vietu, ceci, okuti, voluali tua kala lokulipua kuenda okusunguluka kua sesamela Suku, puãi ca piãla vali pokati kene, oku ci linga lolondunge vietimba hacoko, te lohenda ya Suku.

II VA KORINDO 4:2

Oku endisa upange wetu levi vi kutisa osõi levi viatutu ãvi, ka tu kuatako. Tu likala oku pengisa ondaka ya Suku. Puãi tu yongola oku koleliwa lomanu vosi kovaso a Suku omo tu kundila omanu vosi ondaka yocili.

II TIMOTEO 1:3

Eci hu ivaloka volohutililo viange, mandola Suku, u ñasi loku vumba lutima wa pua eko, ndeci ca linga olosekulu viange.

VA HEVERU 13:18

Tu pinga okuti vu tu likutilila momo tua soka tuti, Tu kasi lutima wa pua episo, omo tu yongola oku linga esunga lovina viosi.

I PETULU 3:16

Kali lutima wa sunguluka, okuti, eci vu lavisua, ava vo fũkĩlisili ovilinga viene viwa vu Kristu, va kutiwa osõi.